Aydheea 14:8 - Wëël Jwøk

⁸ Këël jenni moa bäyö ki moa perge leth mo lur Libaanø, yïthge mïnnö bäätï, ï na nyeny Babiløn, ni köge, ni ‹Ennø, kiper mana dwøk wïïï piny, bäŋ dïŋut jenni këët mo ööa baŋwa nee wa ŋøt piny.›

Aydheea 14:8 Iomraidhean Croise

Aydheea 37:24

Ïïna ŋwöö bääta, a na Kwäärö Wuuö Jwøk, ki dhøk jiy moa jääŋŋï, ni kööï, ni «Aana ci wïth kïte maal ki jïëth leny 'moa mo thööth mo wø tut okwëënyi, ni cøøa yi lur Libaanø kuya; ni ŋøda jen moe piny moa bäyö na perge leth, ni dønynya yi lul mana cøl kuya.

Edhikiel 31:16

'Ba wïth juurre, dëëtge awëëga tïmö ni kwanynyi ki lwär ki dwør pädhö mare, kanya wëëga gø ciin kar bëët jwïëc jøøa no othøw baŋ jiy moa no onø ci yïth bwör. Køøre jenni bëët mo Ëden moa näk tietge da pïï, ki jer lur Libaanø moa perge leth na beyø, gena jïtö ki cøm cwïny tiet ŋøøm.

Dhekaraya 11:2

Wui, jenni moa beyø, gööu ko oduuru, kiper jenni moa perge leth apädhö, ni ö jenni moa mïërö ni raanynyi. Wui, jenni mo Baacan na døøŋŋø na teek, gööu ko oduuru, kiper lul mana no odhïŋ aŋøt piny.