Aydheea 14:6 - Wëël Jwøk

⁶ na wara dïïmge wïth juurre ki gø kanya wara wëërge ni ge dïmö ka adïma mo ba cuŋ; ni beeye athønynya wara dwøkge wïth juurre piny ki gø kanya wara wëërge ni ge caara jiy ki caarø mo ba cuŋ.

Aydheea 14:6 Iomraidhean Croise

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

Jööp 9:13

«Jwøk wëër mare ba dwøk piny, ni jø wø ö maal bääte na no odwätö ki Reeyap opäth piny tiete.

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Pwöc Leec Wïc 28:15

Ŋat mo raac mo bëëdö na kwäärö bäät jøøa can caala ŋuu man wø ŋäri, ni caal odïëk mo owär.

Aydheea 10:14

Aani cera apïï baŋ jap kwärö mo jiy kaawat man wø pïïc cenø baŋ øt wenyø; kaawat man wø ö dhaanhe wø cooŋ tøk wenyø mo odööŋ keerge, aani jø bäät piny bëët acooŋa kanya ciel, ni bäŋ aciel mo gööge ee tïŋ maal wala mo dhee ee ŋaamø, wala mo oköök.»

Aydheea 14:5

Wuuö Jwøk athøra mar jø raay anø toore, ni beeye athøny kwär mar cuumme,

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Jeremaya 25:26

ki nyeye bëët mo wø bëëdö jï løø wï-piny, moa kwörge cärö ki moa kwörge bäyö, ni man nø mätha køør maya; ki tiet mïëri moa en bäät piny bëët na nut bäät piny bäre. Køøre kanyo nø mäth jøøgø bëët, nyeny Cëcak omäthi nø na aŋuudi.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 48:17

U ni karu cään ki Möap, u bëët ni wø ŋäc nyeŋŋe, uuno jwöŋi kiper Möap, ni kööu, na ‹Aŋø, teek Möap na caal athøya teek oränynyö nidïï, teega näk caala athøny ajiem jïre.›

Jeremaya 50:31

«Wui, Babiløn, ï na paana bëëdö niï töödö, Ka adïëri møn, Kwäärö Wuuö Jwøk, eni na wïth jammi bëët, mare caane caanø dëërï, kiper cäŋ marï aöö, ni beeye kanya wäŋŋi noo jääl ïïni yie.

Wëël Kïmmö 1:21

«Jiy awïnyge naa cooyø, 'ba bäŋ ŋat moo cøm cwïnya. Nyïïmän 'moa bëët gïr gïïa leth na jwøra awïnyge, ni kanyge kiper mana tïïyï gø. Wui, beerra man kälï cäŋ gïïa leth na näk iï caanø, nee ge tïmge kaamar mara.

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Abakuk 1:17

?Aŋø, ge poot bëëdö no opëëlle moge ege wöth wøk ki man bëëtge ni ge nääŋŋa wïth juurre ni cwïnyge ba pädhi?

Abakuk 2:5

Maya thuwø, køøŋø jø atöör wø di cøøgø, ni bëëtge ni ge ba jwöm. Geni cwïnyge ege daadø ni päl kaamar bwör, ni caala thøø ni wø ba köö ni ena rømø. Geni wïth juurre bëët wø lemge lemø na moge, ni ge cooŋa jiy bëët kanya ciel na moge.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.