Aydheea 14:29 - Wëël Jwøk

²⁹ «Wui, u na jø Pilitin u bëët, kär yïthu mïnnö kiper mana toor athøra mana pwöt uuni ki gø, kiper athøra manøgø otïmö na thwöl mo olwierø mo wïnni døc, ni ö nyi thwör olwierø manøgø ni tïme na thwöl mo määdö.

Aydheea 14:29 Iomraidhean Croise

2 Nyeye 18:8

Ni ö eni ni bööt jø Pilitin këël mana pïïe Geedha ki mïëri moa en deŋŋe, ni beege mïëri moa therø këël päänye moa døøŋŋø.

2 Luup Nyeye 26:6

'Ba Udhaya aci wøk baŋ leny ni tuk jø Pilitin, ni toor kiir Gëth piny, ki kiir Jabne, ki kiir Acdöt; ni gëëde ki päänye yi ŋööm Acdöt, ki kwör møøk thuwø yïthakic jø Pilitin.

2 Luup Nyeye 28:18

'Ba jø Pilitin thuwø päänye mo Juuda moa en yïth ŋøøpa näk rege päärö atwierge, ki kany wø cwøl ni Nëgëp; ni makge Bëëth-Camic, ka Ayalön, ki Gedëröt, ki Cökö ka atude moe, ki Temna ka atude moe, ki Gimjö ka atude moe, ni putge bëëte yïthge.

Pwöc Leec Wïc 24:17

Kär iï mïnnö kany wø päth nyimänni marï, ni kär cwïnyï døøc mo met kany wø cwany tiere;

Aydheea 11:14

'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 11:8

Nyilaal mo poot dhøøth okwääk dhi buur olwierø, ni ö nyilaalli mo oŋøl ki caak ni rwaak cere baŋ thwöl mana näk uu kar bëëtö mar gø.

Aydheea 14:31

«Wui, dhi kiir, gööï ko oduuru! Wui, pääny, jwöŋï! Wui, u na jø Pilitin bëët, dëëtu kwanynye ki lwär! Kiper jïrö aöö ki wï-piny, ni beege jø leny mo dëëtge ege nø jek.

Aydheea 2:6

Wui Wuuö Jwøk, jiyï ma jø dhi øt Jeekap aweyï, kiper mana caathge køør ajuuk mo jø kur tuul-cäŋ, ni tïmge ni ge tïïö ki jap adïëda kaamar jø Pilitin, ni dwätge ki juurre møøk.

Aydheea 30:6

'Ba luumma nyooth Wuuö Jwøki kiper 'lääy mo wø en kanya cwøl ni Nëgëp bee en: Jøøa jääŋŋi gena aay ni ge cøra yi ŋöömma raac ni wø jwør gïï mo leth yie, kanya näk yie da ŋuuwe, ki thwöre mo reyø, ki teeŋ thwöre møøk mo määdö; ni ge aay ni jap kwärö moge käärge ka bäät arëëni, ni japa näk ege kaannø na perge leth käärge ka bäät athïrööle, ni ge cøøa baŋ jiy mo bäŋ køny mo tïïcge,

Jeremaya 47:1

'Ba man beeye dwør Wuuö Jwøk mana ö bäät nyikuŋ Jwøk ma Jeremaya kiper jø Pilitin, kanya poot Geedha ni kär nyak Peerø.

Wëël Kïmmö 2:17

'Ba Wuuö Jwøk gïna manynye atïïe, ni wëëk luumme thur kare, na näk ee nø ŋøl yïth nïra cääŋŋe. Eni uuna raanynye ni cwïnye käre warø, ni tïïc nyimän nee kanynye bäätu. Eni teek mar nyimän ameede.

Edhikiel 25:15

«Man beeye luumma caan Kwäärö Wuuö Jwøki, ena köö, ni ‹Kiper mana ö jø Pilitinni na tïïge ki gïn mo raac ki køør ataa marge na dwøŋ, ni cätge ki yïth cwïnyge ki man raanyge Juuda ki køør män marge mana käl ya acääŋŋe,›

Edhikiel 26:2

«Wär Dhaanhø, pääny Tayar aŋeethø bäät Jerucalem ni kööe, ni ‹Dhøk kiir mo wø duny wïth juurre yi Jerucalem ki yïthge atoor piny, ni dööŋge ni ŋaam jïra. Ennø, ena ränynyö, 'ba aani, a kwär nø.›

Edhikiel 35:15

Kiper yiï amïnnö kanya räny ŋööm Icrielli; ni bee tiere noo coola kwör dëërï en. Wui, ï na Kïn Cëër, ï ränynyö, ni bee ïïni ki ŋööm Ëdöm ki kare bäre. Køøre nø, ŋäcge ŋääö ni bee aani na Wuuö Jwøk.›

Odheea 9:1

Wui jø Icriel, kär yïthu mïnnö; käru kanynyø kaamar wïth juurre møga. Kiper dëëtu agathu ki käp ni weyu Jwøk maru. Yïthu met ki jap käp mo wø magu yïth laare bëët.

Jool 3:4

«Maya thuwø, u jø Tayar ki jø Caydan ki jiy bëët moa en mïëc Pilitin, ?agïnaŋø na manynyu nee tïïyu dëëra? Aŋø, da kwör mo dou coolø dëëra? 'Ba ni näk mo da kwör mo you caarø ni coollu coolø dëëra, laara ka layø ni dwøga gø dëëtu.

Amøc 1:6

Wuuö Jwøk aköö na ennø, ni «Kiper mana ö jø Geedha na kaathge bääyö marge, a ba døø ŋääa ki man jääla geni, kiper jø paac bëët amakge ki tøŋ, ni ŋeewge geni ki jø Ëdöm.

Amøc 1:8

Ni raanynya jøøa bëëdö yi Acdöt, ki ŋata en teek paaci cere na en Ackelön. Ni løøa cera røk jø Akarön, ni ö moa näk odööŋ røk jø Pilitin ni thumge.» Gïnögø caana Wuuö Jwøki.

Obadiya 1:12

'Ba u ba doo bëëdö jaak nou raŋŋa jï nyïïmëëgu dïcäŋa jwørge gïïa leth na tägö dëëtge; nou ba doo kanynyø bäät jø Juuda dïcäŋ ränynyö marge; nou ba doo ŋeethø bäätge dïcäŋ kïmmö marge.

Mikiya 7:8

Wui nyïïmän mowa, kär yïthu mïnnö bäätwa, wa na jø Icriel! Këël wa doo pädhö, wa poot duua maal, ni këël wa doo bëëdö yi muudhö, Wuuö Jwøk poot bëëdö na tar marwa.

Jepaniya 2:4

Geedha odööŋ ni bäŋ jiy yie, ni ö Ackelön ni dööŋe no oränynyö. Jø Acdöt geno laar käl ki dhöör cäŋ, ni ö jø Akarön ni rïëm geni wøk ki yi pääny marge.

Jepaniya 2:5

Wui jø Kelita, otïmö ni leth jïïu, u ni wø bëëdö bäät naama dwøŋ. Wui, u ni en yi ŋööm Keenan, ni beeye ŋööm jø Pilitin, dwør Wuuö Jwøk jääla uuni. Eni u raanynye raanynyø, ni tïme ni bäŋ dhaanhø mo dööŋ mo beet ŋöömmögø.

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Dhekaraya 9:5

'Ba eno joot pääny Ackelön, ni put pääny Ackëlön lwäyö; ni jooti ya pääny Geedha, ni ö pääny Geedha ni put dëëre nikem. 'Ba eno joot pääny Akarön thuwø, ni put ŋäädhe mar pääny Akarön ränynyö. Geedha nyeya mare otïmö ni bäŋgø, ni ö pääny Ackëlön ni tïme ni bäŋ jiy yie.

Kwään Jiy 21:8

Køøre Wuuö Jwøk aköö jï Modhe, ni «Tïïï ki gïn mo caala thwöl, ni lïërï gø bäät jaath mo ocwöth piny; ni ŋat wäro näk mo okaaø jaak, kany wø neen gø, eno køny.»

Jøcua 13:3

ni beeye ki mana täge ki Naam Ciör na en løø Ijep jï løø kur tuul-cäŋ, këël mana aae ni këët waŋ keew mar paana cwøl na Akarön na no okwaan røk mïëc jø Keenan moa en jï løø wï-piny; ni beege mïëc kwääri mo jø Pilitin moa näk abïïc. Ni kwääri moøgø beege mo jø Geedha, ki jø Acdöt, ki jø Ackelön, ki jø Gëth, ki jø Akarön, këël mïëc jø Awim na en jï løø tier-piny.