Aydheea 14:25 - Wëël Jwøk

²⁵ Aciria nyøra nyørø ni raanynya gø yi ŋöömö mara bäät kïte 'moa. Gïïa leth na tïïe na caal jaath puur man wø rïï ŋut dhieŋ di paanyø bäät jiya, ni ö tëërri mare na peek ni tïŋi maal göök jiya.

Aydheea 14:25 Iomraidhean Croise

2 Luup Nyeye 32:21

Kanyøgø Wuuö Jwøk nyïïatwiel maal aput jääŋŋö, ni ö nyïïatwielli manøgø ni 'näk jø leny moa teek bëët mo Aciria, ki kwääc lwaae mo leny bëët moa kwörge døøŋŋø ki kwääc lwaae mo leny bëët moa caath køørge yi twïër mar nyeny Aciria. Ni ö nyeny Aciria ni put døø yi ŋöömö mare ni wïïe olääö. 'Ba kanya døny øt jwøk mare kunece, ena put wääte møøk 'näk kaace ko opëëllö.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 14:5

Wuuö Jwøk athøra mar jø raay anø toore, ni beeye athøny kwär mar cuumme,

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 52:2

Wui ï na Jerucalem, ï na näk omaa ki tøŋ, teeŋ tør wøk dëërï nø, ni ööï maal! Wui ï na Dhayan na caal nyakøø, ï na näk omaa ki tøŋ, pät oguudi wøk nø moa no otwöö cwaagï.

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Edhikiel 32:22

«Nyeny Aciria ki jø leny moe, ge ena kaace, ni bwörö mare ociel bwörri mo lwaae moe, ni beege jøøa 'näk ko opëëllö bëët.

Edhikiel 39:4

Ïïni ki jø leny moï bëët, ki wïth juurre moa cäädhö ki ïïni, uuno päänhnhi bäät kïte mo Icriel. Uuni, u cïba cïbö na cam jï lääc paap ki teeŋ weny bëët mo wø cwëëdhö.

Mikiya 5:5

ni bee eni noo käl bëët-mëër. 'Ba kanyo ö jø Aciria noo öge yi ŋöömö marø, noo nyøønge paan dwøŋ ki tietge, øøni, ø puta jääk baŋge ki dïbwöthe moa teek mo leny.

Mikiya 5:6

Ni ö geni ni käärge jø wø en yi ŋööm Aciria ki dho opëëllö, ni beeye ŋööm Namrut noo käärge no opëëlle moge ege wöth wøk. 'Ba eni ø pieme piemø ceŋ jø Aciria, kanyo öge noo tukge ŋöömö marø, noo nyøønge ŋöömö marø.

Neeyam 1:13

'Ba ennø, aani teek marge na en bäätu na caal jaath puur man wø jøøny ŋut rwaath raanynya raanynyø, ni cööta thøøli moa twöc uuni ki ge.»

Dhekaraya 10:11

Geni, ge puta pöödhö ki yi bëëtö mo leth mo caala athaŋ naama dwøŋ, 'ba aani, athaga manøgø gøøa gøø, nee kwöra päŋ mo Naam Nail talge, ni ö atöör mar Aciria ni puti dwøk piny, ni ö teeki mar Ijep ni ränynye.