Aydheea 14:24 - Wëël Jwøk

²⁴ Wuuö Jwøk, eni na wïth jammi bëët, anø kööŋ ni kööe, ni «Ka adïëri møn, kaawat mana nø cïba acaara mara piny, puta tägö; kaawat mana nø caara gø, puta bëëtö kare.

Aydheea 14:24 Iomraidhean Croise

Wïlöölö 41:32

Ni lääk manøgøøni aö baŋ Peerø kwöre ariiø, kiper gïnögø onø ŋøl Jwøki piny, 'ba otïïc Jwøki møn ki kany mo cään.

Jööp 23:13

«'Ba Jwøk bee eni keere, ?aŋa ni løny jïre ki man mak gø ki teek ki man wiil acaara mare? 'Ba eni tïïya man wø manynye keere.

Bwøth Wøk 17:16

Ni kö Modhe, ni «Wuuö Jwøk akööŋ, ni kööe, ni ‹A na Wuuö Jwøk, jïra poot da leny ki jø Amalëk këël yïth beenhnhe moge bëët.› »

Pwöc Leec Wïc 19:21

Da acaare mo thööth cwïny dhaanhø, 'ba pwöc mar Wuuö Jwøk bëëdö kare.

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Aydheea 19:12

Ï na Peerø! ?Age jiyï moa wïthge leer? Beerra man ŋäcge ränynyö mar Ijep mana no ocïp Wuuö Jwøki piny, eni na wïth jammi bëët, ni caange gø jïrï.

Aydheea 19:17

'Ba ŋööm Juuda okänni ki lwär mo dwøŋ døc bäät jø Ijep; kany wø ö ŋat Ijepi noo wïny nyeŋ Juuda jaak, puta lwäyö døc kiper gïna no ocïp Wuuö Jwøki piny noo tïïe dëëtge, ni beeye Wuuö Jwøk, eni na wïth jammi bëët.

Aydheea 55:8

Kiper Wuuö Jwøk aköö, na «Acaare 'moa ba caal acaare mou, ni uutjïëthe 'moa ba caal uutjïëthe mou.

Aydheea 55:9

Kaa teeŋ man bëëde ni maal kare bäär ki piny en, uutjïëthe 'moa thuwø karge bäär ki mou, na acaare 'moa kadha geni ki mou.

Jeremaya 23:20

Wuuö Jwøk ba døø ŋääe ki wëër mare këël mano tïïc mana en cwïnye ni wëëk gø thur kare. 'Ba kanyo täk gïïögø ya aŋuun nïne, tiere ojootu na kare.

Jeremaya 29:11

Kiper a na Wuuö Jwøk, acaare moa näk yaa nø caar kiperu ŋääa, ni beege acaare mo duunnö ki bëët mëër jïïu, ni patha acaare mo duunnö ki ränynyö dëëtu, 'ba beeye acaare mo wëëga ŋäädhe maru thur kare yi nyïme.

Jeremaya 44:26

«'Ba u na jø Juuda bëët, u ni bëëdö Ijep en, wïnynyu dwør Wuuö Jwøk. Wuuö Jwøk aköö, ni ‹Ennø, aana kööŋ ŋëët nyeŋŋa na dwøŋ nee bäŋe dhaanhø mo nyeŋŋa cura dhee këët røk jø Juuda bëët moi ni en Ijep ii, ni mare kööŋ ri nyeŋŋa, ni «Ŋëët Wuuö Jwøk, Jwøa kwøw.»

Jeremaya 49:20

Kiper manøgønø, wïnynyu gïno tïïc Wuuö Jwøki, ni beeye acaara mare kiper gïno tïïe dëët jø wø bëëdö Tëman ki dï Ëdöm bäre: Ka adïëri møn, obwöre moa therø na en dïge otuut wøk, ni tïm cwïny jiy ni böö ki gïno tägi dëëtge.

Jeremaya 50:45

Kiper manøgønø, wïnynyu gïno tïïc Wuuö Jwøki, ni beeye acaara mare kiper gïno tïïe dëët jø Babiløn, yi ŋööm Kaldia bäre. Ka adïëri møn, obwöre moa therø na en dïge otuut wøk, ni tïm cwïny jiy ni böö ki gïno tägi dëëtge.

Wëël Kïmmö 3:37

?Aŋa ni løny jïre ki man cääne, ni thur gïna caane kare, ni näk mo kär caan Wuuö Jwøki?

Edhikiel 12:25

'Ba a na Wuuö Jwøk, aano cäänö, ni ö luupi moo cara ni laarge thur karge ni ba ruu. Wui, u na jø ageem! Yïth nïne mou moo beetu nou kwøw, a cäänö ki uuni, ni ö luupi moo cara ni wëëga ge thur karge.› Luummögø caana Kwäärö Wuuö Jwøki.»

Edhikiel 39:4

Ïïni ki jø leny moï bëët, ki wïth juurre moa cäädhö ki ïïni, uuno päänhnhi bäät kïte mo Icriel. Uuni, u cïba cïbö na cam jï lääc paap ki teeŋ weny bëët mo wø cwëëdhö.

Amøc 3:6

?A ni näk tuuŋ okoodhø dï paac kiper leny, dëët jiy bëët ba kwanynyi? ?Aŋø, ni näk gïn mo raac ööa bäät paac, paa Wuuö Jwøk møn na tïïc gø?

Amøc 8:7

Wuuö Jwøk ni wø jït jic Jeekapi ka atöör kipere akööŋ dëëre keere, ni kööe, ni «Røk gïïa tïïcge bëët bäŋ gïn mo wïïa wïl ki gø.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Moa Tïïc Nyïïatwieli 4:28

Ni ge tïïya gïna näk iï cooŋø ki cwïnyï ki teek marï cøøn ni doo tïmö.

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Ibaru 4:3

Kiper øøni na näk ojïëy, ø dønynya kar jwömöce, kaawat mana caan gø, ni «Kaawat mana kööŋa kanya goota, ni ge ba doo dønynya kar jwöm mara na bäre bäre,» këël na thum tïïe moe ki kanya täk pinynyi.

Jøcua 11:20

'Ba beeye Wuuö Jwøk na tïïc cwïny jøøgø ni teek, nee öge baŋ leny ki jø Icriel, nee wïthge put dïïr na bäre bäre ni bäŋ bäth ec mo onyoodhø jïge; 'ba wïthge aput dïïr, kaawat mana ö Wuuö Jwøki na kööm Modhe.