Aydheea 14:2 - Wëël Jwøk

² Kanyøgø nø wïth juurre öö ni jiethge jø Icriel, ni kïthge geni yi ŋöömö marge, ni ö jø Icrielli ni tïïcge wïth juurre moøgø na moge yi ŋööm Wuuö Jwøk; ni ö cwøwi ki mään mo jøøgø ni bëëtge ni gena jø tïïc jïge. Jø Icriel, jiy moa mak geni ki tøŋ makge maaø ki tøŋ, ni tïmge na kwääri bäät jøøa dïïm geni.

Aydheea 14:2 Iomraidhean Croise

Edhera 2:65

ni laaŋe moge, ma mään ki cwøw mo kwäänge kume abïriiø ki dïpe adäk ki pïëradäk ka abïriiø, kär kwaan rege. 'Ba geni jïge da jiy mo wär ki dudi ma dïpe ariiø, ni beege cwøw ki mään.

Aydheea 18:7

'Ba noo tïme na kar kaaca, muuy di kälö jï Wuuö Jwøk, eni na wïth jammi bëët, ki baŋ jøøa bäyö na dëëtge pøøth, ni beeye wï jur mo jiy moa kwörge cärö ki moa kwörge bäyö lwäär ki gø, ni beege wï jur mo teek mo dïmö, mo ŋøøm moge oŋør nämmi. Muuy di kälö ni kïthi bäät Kïn Dhayan na näk kar bëët nyeŋ Wuuö Jwøk, eni na wïth jammi bëët.

Aydheea 31:8

'Ba jø Aciria di nääö ko opëëllö mo paa mar dhaanhø, ni ö opëëllö manøgø ni paa mar dhaanhø enø ni thöör geni. Geni ge ba bøth ki thøw opëëllö manøgø, ni ö cwøw moge moa näk wøpe ni tïmge na jø tïïc mo wø mak ki teek.

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 49:22

Man beeye dwøl mana caan Kwäärö Wuuö Jwøk, ena köö, ni «Ka adïëri møn, cera tïŋa maal bäät wïth juurre, ni tïŋa nyuudhi mara maal jï wïth juurre; ni öge ki wäätu ni käärge ka tiet jööthge, ni nyïïu käärge ka göökge.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 49:25

Ka adïëri møn, man beeye dwør Wuuö Jwøk, ena köö, ni «Këël jiy mo omaaø ki tøŋ di lwørø cer oteeø, ni ö jap twëër ni lwøri cer ŋat mo wïnni. 'Ba aani, a ŋäbö ki ŋat wø ŋäbö ki uuni, ni piema obwöre mou.

Aydheea 54:3

Kiper piny omayï ni këëtï bäät cwïïc ki bäät caam, ni ö ŋøøp wïth juurre ni dööŋe jï nyïïkwaayï, ni bëëtge yïth päänye moa no odööŋ keerge.

Aydheea 60:14

'Ba wäät jøøa dïïm ïïni geno ööi ni këëlge cøŋge piny nyïmï; jiy bëët moa taak ïïni, wïthge okuulge piny ni nuumge tietï ni ge wøøra ïïni, ni cwølge ïïni ni Pääny Wuuö Jwøk, ni bee ï Dhayan na näk mar Jwø Icriel na en kur keere.

Aydheea 60:4

Tïŋ wïïï maal ni lwïthï, jiy moï bëët rege acooŋge ni ge ööa baŋï; wäätï gena cäänhnhö ki kany mo bäär, ni nyïï di käärö ki tiet jööthi.

Aydheea 61:5

Wëëlle otïmö na dïkwääc dïëk moge, ni ö jøøa pathi ni tïmge na jø puur jïge, na jø koor pwöth omøki moge.

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Jeremaya 30:16

« ‹'Ba jøw raany uuni bëët di raanynyø, ni ö nyïïmännu bëët ni maai ki tøŋ; ni ö jøw käl japu ki teek ni käl japge thuwø, ni ö jøw twier uuni bëët ni wëëga geni twier.

Jeremaya 49:2

Kiper manøgønø, ka adïëri møn, da nïne mo öö mo a na Wuuö Jwøk, a kännö ki jø leny mo ge ööi ni ge kudhö ki tuŋi, ni ge ööa kuna tukge Raaba, pääny mar jø Amön. Ni ö päänyögø ni ränynye ni needwöt, ni ö mïëri moa en deŋŋe ni waaŋi. Køøre Icriel ŋöömme olwøre ceŋ jøøa käl gø cere.

Edhikiel 39:10

Geno put bëëte ni bäŋ ŋat ci paap këët kuna mööte ki jenni, wala ŋøta jenni, kiper jap leny tïmö na jer maac jïge. Geni thuwø jap jøøa twier geni otwierge. Luummögø caana aani, a na Kwäärö Wuuö Jwøk.

Daniel 7:18

'Ba jic Jwøa Dwøŋ ni en Maal, buc nyec oci jïge, ni ö buc nyeci manøgø ni tïme na marge na bäre bäre, ki yïth beenhnhe bëët moo ööi.›

Jool 3:8

Aani thuwø, wäätu ki nyïïu gadha gadhø baŋ jø Juuda, ni ö jø Juuda ni gathge ge baŋ jø Caaba, wï juna kare bäär.» Kiper beeye Wuuö Jwøk na caan gø.

Ciik Kiper Dïlämme 25:44

« ‹'Ba cwøw ki mään moo bëëdö na laaŋe jïïu, wär tïme ni ŋeewu baŋ wïth juurre moa en deŋŋu. Løny jïïu ki man ŋëëu baŋge ki laaŋe.

Obadiya 1:17

'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.

Dhekaraya 2:13

Wui u na jiy bëët, noukïïl nyïm Wuuö Jwøk, kiper ena nø ö maal ki kar bëëtö mare na en kur keere.»

Dhekaraya 2:9

Ka adïëri møn, cera puta ka tïŋ maal bäätge ni jääla ge, ni ö jøøa näk ege caarø ni twierge ge. Køøre nø, putge ka ŋäc ni bee Wuuö Jwøk, eni na wïth jammi bëët, na jääŋ aani.

Luk 12:45

'Ba ni näk laŋŋøgø köö ki cwïnye, ni ‹Kwääya aruu ki man ööe,› ni täge ki man pwöt laaŋe møga moa näk cwøw ki mään, ni tïme ni cämö, ni mädhö, ni meeyø,

Wëëlö Mana Göör Pøølli Baŋ Jø Röm 15:27

Geni, yïthge met ki tïïc gø, ni beeye mana dege tïïö møn. Kiper ni näk mo juurre otïmö ni ge nywaaga jöör Jwøk marge, ge dege tïnynyö thuwø ki jap piny mo wø wëëk Jwøki geni.

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

Galeecia 5:13

'Ba nyïïmera, uuna cwøl nou bëëdu ni uuno pädö. 'Ba kär nou tïïya pät maru ni beeye jöö man tïïyu mo dëël ki gø. 'Ba ŋati man nø beerra man tïny ŋati man nø ki køør mëër.

Epeca 4:8

Ni beeye na caani, «Ni kanya ci maal akädö ki jiy mo thööth mo ee maaø ki tøŋ, ni cïpe ki muuce jï jiy.»

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.