Aydheea 13:9 - Wëël Jwøk

⁹ Neennu, cäŋ mar Wuuö Jwøk öö, ni beeye cäŋ mo raac døc ma mar bëët rääm, ki wëër mo liel kaamar maac, ni tïïya ŋöömö manøgø nee dööŋe keere. Ni ö Wuuö Jwøki ni thöör jø raay mo ŋöömmögø ki 'näk.

Aydheea 13:9 Iomraidhean Croise

Pwöc Leec Wïc 2:22

'Ba jøøa reyø wïthge odïdi wïth ŋøøm, ni ö dïcuunne ni cöödi wøk yïth ŋøøm.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 2:12

'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Aydheea 34:8

Kiper da cäŋ ajäla mar Wuuö Jwøk, ki cwiir man cool kwör mar jø Dhayan yie ni kønya geni.

Aydheea 63:4

Kiper cäŋ mara mar cuut kwör nut cwïnya, ni cwiino wïïla jiya wøk yie anø öö.

Aydheea 66:17

Wuuö Jwøk aköö, ni «Jiy mo wø cïp dëëtge kur keerge ni wø tïïc dëëtge ni waany kiper man cige ya ajïniina, ni gena aciel ki jø wø cämö ko othuri, ki jïëy, ki gïïa näk ba waany, kwøw marge ocuŋ ni ränyge bëët.

Aydheea 9:19

Piny waaŋ ki køør wëër mar Wuuö Jwøk, eni na wïth jammi bëët, ni tïm jiyi na jer maac mo liel maaci ki ge, ni put tïmö ni bäŋ ŋat mo cwïnye pädhi ki gïr watge.

Edhikiel 13:5

Ge kär ci kuna koorge kwöra ŋaam dëër kiir, ni bäŋe gïn mo ege tïïö ki man cäŋge kiir geerrø deŋ Icriel, nee jø Icriel cuŋge ri leny mar cäŋ Wuuö Jwøk.

Edhikiel 30:3

Kiper dïcäŋöca kare aløny ni cään; cäŋ Wuuö Jwøk kare aløny ni cään, ni beeye cäŋ mo maal gääbö ki pøøl, na cäŋ ränynyö mar wïth juurre.

Jool 1:15

'Ba otïmö ni raac kiper cäŋ mano ööi, kiper cäŋ mar Wuuö Jwøk kare acäännö. Cäŋögø öö na cäŋ aranya, ni käla baŋ Jwøa en teeki jïre.

Jool 2:1

Uuni, koothu tuuŋ yi Dhayan, ni koothu ka bäät Kïn Wuuö Jwøk na en kur keere! Jø wø bëëdö yi ŋöömö bëët beerra man tïm dëëtge ni kwanynyi, kiper cäŋ mar Wuuö Jwøk öö; ka adïëri møn, kare aløny ni cään.

Jool 2:31

Cäŋ ree di wiilø ni cøl, ni ö dwääyi ni tïme na remø, kanyo poode ni cäŋa dwøŋ mara, a na Wuuö Jwøk, cäŋo täk lwärri yie poot kär öö.

Neeyam 1:2

Wuuö Jwøk beeye Jwøk mo cwïnye këënynyö, mo kwör di coolø. Wuuö Jwøk kwör di coolø, ni ena wää wëër. Wuuö Jwøk kwör di coolø dëët jø wø kwier eni, ni bëët wëërri mare bäät nyïïmän moe.

Neeyam 1:6

?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Neeyam 1:8

'Ba eni jø Nineba baabe baabø kaamar jwïïö, ni dïïr wïthge, ni riem geni na nyïïmän moe yi muudhö mo cøl kar thøø.

Jepaniya 1:15

Cäŋ manøgø tïmö ni beeye cäŋ wëër; na cäŋ kïmmö ki jwør gïï mo leth; na cäŋ aranya ki dïïr wïc; na cäŋ mo piny tïmö na muudhö ni piny dhïïth; na cäŋ mo maal tïmö na pöölö bäre, ki muudhö mo cøl døc.

Dhekaraya 14:1

Wui Jerucalem, ka adïëri møn, cäŋ Wuuö Jwøk aløny ni öö, ni beeye cäŋo twier ïïni yie, noo pääŋ jammi moï nyïmï ni nëënö jïrï.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Mana Nyooth 18:8

Kiper manøgø nø, jap räny piny moo ö bääte, oööi ki yi cäŋ aciel, teeŋ ka thøø, ki kïmmö, ki meel. Ni ö eni ni waaŋi ki maac. Kiper Kwäärö Wuuö Jwøk na jääl gø dwøŋŋa eni.»