Aydheea 13:8 - Wëël Jwøk

⁸ 'Ba geno lwäyi døc, ni ö räämmi mo teek ki bëëtö mo leth ni put tägö dëëtge. Geni, dëëtge døøcge døøyø kaamar dhaagø mo ogøøc mäc lwaarri. Ŋati man nø rege watge oneene ni yie othäŋŋö, ni täärnyïme owïïtö ki lwär.

Aydheea 13:8 Iomraidhean Croise

2 Nyeye 19:26

Ni ö jiyi moa bëëdö yïthge ni tïmge ni jägö, ni ge lwäär ni wïthge laay; ni tïmge kaamar gïï mo otuy yi pwöla, kaamar luum mo mar mo otuy yi kaŋ, ki luum mo otuy wïth uudi ni wø laar waaŋ ni poot kär døøŋŋø.

Aydheea 26:17

Bëëtö marwa nyïmï atïmö kaamar dhaagø mo ogøøc mäc lwaarri, mo jwöŋö ni ree døøye døøyø ki rääm kanyo tïm kar lwaarri ni cään.

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 30:6

Pëënynyu dëëtu mø, ni raŋŋu gø døøc, nee da dïcwøø mo olwaar ki nyilaal. ?A ennø, aperŋø ni jooda cwøw bëët ni ŋati man nø piere ee maa ki ceŋŋe kaamar dhaagø mo ogøøc mäc lwaarri en? ?Na aperŋø ni nëën täärnyïm ŋati man nø no oniduk ki lwär en?

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 46:5

«?Aŋø, agïnaŋø na tägö ni nëëni jïra enø? Jø Ijep, dëëtge atïmö ni kwanynyi ki lwär, ni døøge ŋäthge. Otëëe mo leny moge abööti, ni bwøkge ni reŋge; ni bäŋ ŋat mo olwïthö ŋääe, ni ö lwärri mo dwøŋ ni pääŋ piny bäre.» Luummögø caana Wuuö Jwøki.

Jeremaya 48:41

Päänye mo Möap omak ki tøŋ, ni mak kwör leny moe moa näk ogeerø ni teek. Dïcäŋöca cwïny otëëe mo Möap otïmö kaamar cwïny dhaagø mo ree da mäc lwaar.

Jeremaya 49:22

Ka adïëri møn, jø leny öö ni läänna kuna tukge Bödhra kaamar odhuuth mo bwöpe ee peerø mo läänna baŋ lääy; ni dïcäŋöca cwïny otëëe mo Ëdöm otïmö kaamar cwïny dhaagø mo ree da mäc lwaar.»

Jeremaya 49:24

Jø Damacka bäätge opädhi, ni løkge ŋäthge ni reŋge. Cwïnyge obwøk, ni ö lwärri mo dwøŋ ni mak geni, ki rääm mo caala rääm dhaagø mo ree da mäc lwaar.

Jeremaya 50:43

Nyeny Babiløn gïna caan kiper jø leny moøgø awïnynye, ni ö bääte ni pädhe; ni ö lwärri mo dwøŋ ni mak eni, ki rääm mo caala rääm dhaagø mo ree da mäc lwaar.

Jeremaya 51:30

Jø leny moa teek mo Babiløn leny owecge, ni bëëtge ni ge kaanna rege kwör gwøk røk moa teek; teek marge othum, ni tïmge kaamar mään; kwör bëëte moge onyep ki maac, ni ö dïdëëdi mo dhøk kiir mare ni tøyi.

Edhikiel 20:47

Caanï jï jø ŋöömma en jï løø tier-piny ni wø bëëdö na lul, ni kööï jïge, ni ‹Wïnynyu dwør Wuuö Jwøk. Man beeye luumma caan Kwäärö Wuuö Jwøki, ena köö, Ni ka adïëri møn, aani, a ena bäät man nyeba pou ki maac, nee jenni mou put maaci thöör bëët, ni beege jenni mou moa thec bëët ki moa no otal. 'Ba maac manøgø obëëdö ni ba løny ki bïp, ni ö jammi bëët moa en yi ŋöömö mar jï løø tier-piny këël jï løø wï-piny ni putge waaŋ ki maac.

Odheea 13:13

Rääm mo leth mo caala man wø lwaarø ki nyilaal atägö dëër Ipariem. 'Ba eni caala nyilaal mo wïïe ba leer. Kiper kanya pïïc kar lwaar mare man lwaarø ki gø, wïïe käre nyuuth wøk.

Jool 2:6

Jiy cwïnyge obwøk døc nyïmge, ni ö täärnyïmge bëët ni nigeduk.

Neeyam 2:10

Nineba di twierø ni ränynye ni neeruuth, ni ö cwïny jiy ni bwøkge, ni ö nyeŋ cøŋge ni pöötge rege, ni ö pëët jiy ni nigelway, ni ö täärnyïmge bëët ni nigiduk.

Jøøn 16:21

Dhaagø kany wø täk mäc lwaarri dëëre, cwïnye wø pädhö, kiper na ö kare. 'Ba kany wø ö nyilaalli wøk, eni wïïe ba caare ki rääm këët, kiper na tïm yie ni met ki nyilaal mana nywøle.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.