Aydheea 13:20 - Wëël Jwøk

²⁰ Otïmö ni bäŋ jiy yie, ni ba beet, ki mano täge ri beenhnhø maneca këël mano këët røk beenhnhe moo ööi. Ni bäŋ jø Araba mo cwödha oduŋkaare moge yie, ni bäŋ dïkwääye mo tïïc lääc paac moge nee butge piny yie.

Aydheea 13:20 Iomraidhean Croise

2 Luup Nyeye 17:11

'Ba jø Pilitin møøk gena kännö ki muuce ki gwet-bïrö ni cïpge ge na ajwäk jï Jøcapat. Ni ö mïëya Arabe thuwø ni cïpge jïgø ki pïïth dïëk, ni beege nyöök rööm ma kume abïriiø ki dïpe abïriiø, ki nyöök atëëe ma kume abïriiø ki dïpe abïriiø thuwø.

Jööp 3:7

Ka adïëri møn, beerra man ö wäärri manøgø ni dööŋe ni bäŋ gïrpiny yie; beerra man tïme ni bäŋ dwør met ec mo wïnynyi yie.

Obeec Dudi 1:7

Wui, ï na mëëra ki ïïni, caanï jïra, ?A kaa ŋø ni wø kwaayï dïëk moï yie? ?Na kaa ŋø ni wø wëëgï dïëk moï jwöm yie ki dhöör? Caanï jïra, naa ba tïma kaamar dhaagø mo wïïe ee loobø kaamar kääbi, mo cäädhö yïthakic dïëk mo nyïïawäädi moï.

Aydheea 14:23

«Aani thuwø, paanøgø tïïa tïïö na kar bëëtö mar thëëwe, ni pïï omägö yie, ni puta gø jwiec ki jwïëc mar aranya.» Manøgø beeye dwør Wuuö Jwøk, eni na wïth jammi bëët.

Aydheea 21:1

'Ba luumma nyooth Wuuö Jwøki kiper paaba näk tëën na en buut naama dwøŋ bee en: Kaawat man wø ö atuunna wø jwiec paana en jï løø tier-piny, da gïn mo räänyö mo öö ki dï paaba näk tëën, ni beeye yi ŋöömma näk di lwäärö.

Aydheea 25:2

Päänye araanynyï ni tïïyï ge na wïthur, ni wëëgï päänye moa no ogeerø ni teek ränynyö; ni ö mïëc juurre moa no ogeerø ni beyø ni tïmge ni bäŋgø, ni ge ba cäŋ geerrø këët na bäre bäre.

Aydheea 34:17

Wuuö Jwøk beeye na pääŋ ŋøøm jïge, ni mooc man nø ki kare, ni put tïmö na moge na bäre bäre; këël beenhnhe moge moo ööi køørge poot bëëdö yie.

Jeremaya 49:33

Adhör otïmö na kar bëëtö mar othööe, ni bëëde noo ränynyö na bäre bäre, ni bäŋ ŋat mo bëëdö yie, ni bäŋ ŋat mo joot kaace.»

Jeremaya 50:13

Ki køør wëër mar Wuuö Jwøk eni ba beet këët, 'ba eni ränynyö na bäre. Ni ö jø wø pöödhi ki buute ni thäŋ yïthge, ni buuge gø kiper gïïa leth bëët noo pïï bääte.

Jeremaya 50:21

«U cøø ni tugu jø wø bëëdö Merathayim, ni cou ni tugu jø wø bëëdö Peköt. Geni wär 'nägu ni raanynyu geni na bäre, ni tïïyu ka køør gïïa köömma uuni ki ge bëët.

Jeremaya 50:3

Kiper wï jur mo käla jï løø wï-piny öö ni tuk Babiløn, ni raany ŋöömö mare bäre, ni bäŋ ŋat mo bëëdö yie. Jiy ki lääy bëët obwøk ni aacge.

Jeremaya 50:39

«Kiper manøgønø, cwëënyi ko odïï bëët obëëdö kaace, ni ö ude thuwø ni bëëtge yie. Ni eni ba beet këët na bäre bäre, ni bäŋ ŋat mo bëëdö yie këël yïth beenhnhe bëët.

Jeremaya 50:45

Kiper manøgønø, wïnynyu gïno tïïc Wuuö Jwøki, ni beeye acaara mare kiper gïno tïïe dëët jø Babiløn, yi ŋööm Kaldia bäre. Ka adïëri møn, obwöre moa therø na en dïge otuut wøk, ni tïm cwïny jiy ni böö ki gïno tägi dëëtge.

Jeremaya 51:25

«Wui, Babiløn, ï na teek kaamar kïdi, na raany piny bäre; ka adïëri møn, a na Wuuö Jwøk, mara caana caanø dëërï, ni bëët cera ni ena dëërï, ni ŋïëla ï piny ki bäät kïdi, ni wëëga ï waaŋ ni tïmï na bur.

Jeremaya 51:29

Piny otïmö ni kwanynyi ni jäŋŋi, kiper Wuuö Jwøk, gïna näk ee caarø ni tïïe tïïö dëër Babiløn bëëdö kare, ni beeye ki man raany ŋööm Babiløn, nee bäŋe jiy mo bëëdö yie.

Jeremaya 51:37

Babiløn oränynyi ni needwöt, ni tïme na kar bëëtö mar othööe, na gïr abuua, ni tïm cwïny jiy ni böö ki gïno tägi dëëre, ni bäŋ jiy mo bëëdö yie.

Jeremaya 51:43

Päänye moe otïmö ni cwïny jiy böö ki gïno tägi dëëtge, ni tïm ŋöömö mare na paap ma tëën, na ŋöömö mo bäŋ ŋat mo bëëdö yie, na kany mo bäŋ dhaanhø mo cør yie.