Aydheea 13:19 - Wëël Jwøk

¹⁹ 'Ba Babiløn, na näk mïërö mar mïëc nyeye, na näk gïr ajiem mar atöör mar jø Kaldia, otïmö kaamar Cødam ki Gømöra kanya raanynyi ya Jwøki.

Aydheea 13:19 Iomraidhean Croise

Wïlöölö 19:24

Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth,

Wïlöölö 19:25

ni ö päänye moøge, ki gøli moa en kwöreke bëët, ki jøøa bëëdö yïth päänye moøgø bëët, këël gïïa näk otuy na marr yïth ŋøøpøgø, ni puti ya Wuuö Jwøki raanynyø.

Aydheea 13:1

'Ba luubö mana nyooth Wuuö Jwøki na joot Aydheea wär Amöth kiper Babiløn bee en:

Aydheea 21:9

'Ba ennø, raŋï, jiy mo cäädhi na ariiø ariiø ki bäät okwëënyi mo lääy gena öö; 'ba da dwøl ma akøp, ni ‹Babiløn apädhö! Wui, ena pädhö møn, ni ö kït gïï wø lam na juu moe ni tøyi ni petge yïth ŋøøm!› »

Aydheea 47:5

«Wui, ï na Babiløn na caal nyakøø, pï piny ni niïkïïl, ni ciï yi muudhö, kiper ï ba cwøl këët ni ïïna cuumi mar buc nyeye.

Aydheea 48:14

«Uuni bëët, cooŋŋu rou ni cegu ïthu. ?A kït gïn wø lam mane na caan tiet luup moi ii? Eni na jier Wuuö Jwøki, mana many Wuuö Jwøki tïïe tïïö dëër Babiløn, ni ö teek bade ni bëëde ni ena dëëtge, ge na jø Kaldia, ni jääla ge.

Jeremaya 25:12

«'Ba kanyo thum cwiiri moøgø na pïërabïriiø yøø, a na Wuuö Jwøk, nyeny Babiløn, ki jiye bëët, ki ŋöömme ma Kaldia bäre jääla jäälö kiper bääyö marge, ni tïïa paac nee bëëde no oränynyö na bäre bäre.

Jeremaya 49:18

Teeŋ gïna tägö dëër Cødam ki Gømöra, ni ränyge ki mïëri moa kwörge cärö ki geni, tägö dëër Ëdöm, ni bäŋ ŋat mo bëëdö yie, ni bäŋ ŋat mo joot kaace.

Jeremaya 50:40

Teeŋ gïna tïïc Wuuö Jwøki dëër Cødam ki Gømöra, ni ränyge ki mïëri moa kwörge cärö ki geni, tägö dëër Babiløn; ni bäŋ ŋat mo bëëdö yie, ni bäŋ ŋat mo joot kaace. Luummögø caana Wuuö Jwøki.

Jeremaya 51:26

Kanyo ränynyï, bäŋ kïdi mo dööŋ mo jiy cäŋa gëëdö ki gø, kiper ï ränynyö na bäre bäre. Luummögø caana Wuuö Jwøki.

Jeremaya 51:29

Piny otïmö ni kwanynyi ni jäŋŋi, kiper Wuuö Jwøk, gïna näk ee caarø ni tïïe tïïö dëër Babiløn bëëdö kare, ni beeye ki man raany ŋööm Babiløn, nee bäŋe jiy mo bëëdö yie.

Jeremaya 51:41

«Cëcak, ni beeye Babiløn, a teeŋ mäk mo nyïëdi nø noo maai ki gø ki tøŋ, paana pwøc pinynyi bäre! Na a teeŋ böö mo nyïëdi nø noo böö cwïny wïth juurre ki gø ki gïno tägi dëëre!

Jeremaya 51:62

ni kööï, ni ‹Wui, Wuuö Jwøk, ïïna cäänö kiper paani en ni raanynyï raanynyø, ni tïme ni bäŋ gïn mo bëëdö yie, dhaanhø wala lääy, 'ba otïmö na paac mo oränynyö na bäre bäre.›

Daniel 4:30

ena köö, na «?Aŋø, man paa beeye Babiløn na dwøŋ na geera, ni beeye kar bëët nyec na geera ki teek mara na dwøŋ, na gïr ajiem mar dööŋ kar mara, a na nyeya?»

Amøc 4:11

«Jiy møøk araanynya rou, kaawat mana raanynya mïëya näk Cødam ki Gømöra, ni ö uuni na bøth ni tïmu nou caala jaath mo liel mo okäl wøk yi maac; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Jepaniya 2:9

Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Wëëlö Mana Göör Pøølli Baŋ Jø Röm 9:29

Ni manøgø caala luumma køp Aydheea, na kööe, no «Onää Wuuö Jwøk, eni na wïth jammi bëët, ø käre wëënnö ki köödhi, doo na øøno nø tïmö kaamar Cødam, ni tïïc ø kaamar Gømöra.»

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›

Mana Nyooth 18:11

Ni tïm jø wø gädhö ki jammi piny ni ge jwöŋö ni ge kïmmö ki gïre, kiper mana tïme ni bäŋ ŋat mo ŋëëö ki japge,

Mana Nyooth 18:19

Ni jøøpge tør wïthge kanya jwöŋge, ni ge guyö døc, ni «Wui wui, paana dwøŋ aränynyö, paana ö jøøa jïge da jïëthe bëët yïth näpa døøŋŋø na kwärge ki køør kwär mare. Ena ränynyö ki yi caa aciel.»