Aydheea 13:18 - Wëël Jwøk

¹⁸ Athëëre moge, obwöc cwøw moa näk wøpe thöörge thöörö. Geni cwïnyge ba pädhi ki man 'näkge obwöre moa mar, ni yïthge ba warge ki 'näk obwöre moa therø.

Aydheea 13:18 Iomraidhean Croise

2 Nyeye 8:12

'Ba Adhaël aköö, na «?Awuuö, ï jwöŋï kiper ŋø?» Ni løgi ya Ilaaca jïre, ni «Beeye kiper mana ŋääa gïïo reyø noo tïïyï dëët jø Icriel, noo waaŋï kwör gwøk røk moge moa teek, noo 'nägï jiy moge moa näk poot na wøpe ko opëëllö, noo gøyï obwöre moge ki piny, noo rietï yïth mään moge moa näk yïthge da jiy.»

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

Aydheea 13:16

Obwöre moge moa therø di gøyø ki ri kïte ni petge ni nëënö jïge; ni ö gïïa en yïth uudi moge ni twieri, ni buudö ki määrge ki teek.

Aydheea 47:9

'Ba gïïögø na ariiø yøø puta tägö dëërï ni cwöba rïï ki dïcäŋ aciel keere. Obwöre moï thøw, ni dööŋï ni ïïna cï thøø. Gïïögø bëët tägö dëërï na kare kiree, këël na bëëdï ni jïrï da jap ajuuk mo thööth, ki teek mo dwøŋ man wø tïïyï ki køør thïëth marï.

Aydheea 5:28

Athëëre moge beth, na atume moge bëët ege niidø; tiet okwëënyi moge teek kaamar kïte, ni jïëth okwëënyi moge kany wø rïïŋge, tietge lwör kaamar atuunna.

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 5:16

Geni, gena jiy mo 'näk jiy ka athëëre ŋäcge; ni gena jiy mo teek ki leny døc.

Jeremaya 50:30

Kiper manøgønø, wøpe moe opäänhnhi dï uutjïëthe moe, ni dït wïth jø lenynyi moe bëët dïcäŋöce.

Jeremaya 50:42

'Ba ceŋge da athëëre ki tøøŋi. Gena jiy mo 'näk marge raac døc, ni cwïnyge ba pädhi ki 'näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge ïïni, ï na Babiløn.

Jeremaya 51:22

Beeye ïïni na raanynya cwøw ki mään ki riï, ni beeye ïïni na raanynya jäle ko obwöre ki riï, ni beeye ïïni na raanynya wøpe ki nyïïakuue ki riï.

Jeremaya 6:23

'Ba ceŋge da athëëre ki tøøŋi. Gena jiy mo näk marge raac døc, ni cwïnyge ba pädhi ki näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge uuni, u na jø Dhayan!»

Edhikiel 9:10

'Ba aani cwïnya ba pädhi ki gïna tägö dëëtge, ni ba wiia geni, 'ba tïïe moge na reyø dwøga wïthge.»

Daniel 7:5

«Køøre riet cwieny mør ajooda mo caala dïb, 'ba eno tïŋ maal ki bwøbe ki løøk aciel, ni dhee da ŋëëdi adäk ki yïthakic lage, ni caani jïre, ni ‹Ö maal ni cämï ki rïŋö mo päl.›

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Neeyam 2:1

Wui Nineba, ŋat mo keetha ïïni ööa baŋï! Koor kar gwøk røk, ni neetï nyeŋ jïëthe, ni twöyï riï, ni cooŋï jø leny moï!

Neeyam 3:10

'Ba jø Thëbic gena käl ni ge mak ka tøŋ, ni ö obwöre ni gøyi ki piny nyeŋ jïëthe ni pet ge na thäŋi, ni ö dïbwöthe moe ni pääŋŋi ki køør nyuuthe mo wø tïïc ki ri kwääk ki baw, ni twöc geni ko oguudi.