Aydheea 13:17 - Wëël Jwøk

¹⁷ «Neennu, jø Mëdön tïïa tïïö nee öge maal bäätge, ni beege jøøa näk ba løny ki cøøgø ki man ŋeei ki gwel-bïrö, wala di nøønø ki warkey.

Aydheea 13:17 Iomraidhean Croise

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

Aydheea 21:2

Luubö mo teek anyooth jïra ki yi wïïa na ennø nø: Ni ŋat wø tïïc gïï mo reyø ki piny poot bëëdö ni tïïya ge, ni ö dïräänyi ni bëëde ni poot räänyö. Wui, u na jø Ilam ki jø Mëdön, ööu maal ni cou ni cielu Babiløn dïër; Wuuö Jwøk gïïa tïïc jø Babilønni na wëëk jø møøk cooyø otïïe nee cuŋge.

Aydheea 41:25

«'Ba aani, a na Wuuö Jwøk, a tïŋŋa maal ki dhaanhø ki jï løø wï-piny, 'ba eno ööi ki jï løø kur tuul-cäŋ ni cøøra nyeŋŋa, ni ööe ni nyør kwääri, kaaman wø ö dïcwäc dääe wø nyør odhöönh.

Jeremaya 25:25

ki nyeye bëët mo jø Dhimri; ki nyeye bëët mo jø Ilam; ki nyeye bëët mo jø Mëdön;

Jeremaya 50:3

Kiper wï jur mo käla jï løø wï-piny öö ni tuk Babiløn, ni raany ŋöömö mare bäre, ni bäŋ ŋat mo bëëdö yie. Jiy ki lääy bëët obwøk ni aacge.

Jeremaya 50:30

Kiper manøgønø, wøpe moe opäänhnhi dï uutjïëthe moe, ni dït wïth jø lenynyi moe bëët dïcäŋöce.

Jeremaya 50:42

'Ba ceŋge da athëëre ki tøøŋi. Gena jiy mo 'näk marge raac døc, ni cwïnyge ba pädhi ki 'näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge ïïni, ï na Babiløn.

Jeremaya 50:9

Kiper ka adïëri møn, lwaa wïth juurre mo teek døc moa en wï-piny, yïthge otheŋa ni käla geni nee Babiløn tukge. Ni cïïmge rege na dhøgi nee këëtge ki paanøgø, ni makge jiy kaace ki tøŋ ni kälge geni. Gena jiy mo nyeŋge reegø ki thöör ka athëëre, ni ge ba duui ki ceŋge jaak.

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Daniel 5:26

«Ni man beeye tier gïnögø: «MENE beeye kwäänö, ni tiere beeye ni Jwøk nïr akwöm nyec marï akwaane ni raany gø.