Aydheea 13:11 - Wëël Jwøk

¹¹ 'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 13:11 Iomraidhean Croise

Jööp 40:12

Jøøgø bëët ni töödö yøø raŋŋï ni dwøgï wïthge piny; ni ö jø wø tïïc gïï mo reyø ni raanynyï geni kwör wø bëëtge yïthge.

Pwöc Leec Wïc 11:31

?Ni näk mo ŋata mare beer di cunnö bäät piny kany, a ŋat raay ki ŋat wø tïïc gïï mo reyø okääŋge nidïï?

Pwöc Leec Wïc 8:13

Ki man lwäär Wuuö Jwøk beeye ki man mänö ki raay. Aani na leec wïc, a män ki koorø ka atöör, ki bëët jöör raay ki wel luup.

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 14:21

Jiiŋŋu kany ŋar wäät jø Babiløn yie kiper gïïa reyø na tïïc kwäcge; ba beer ki man öge maal ki man ci pinynyi ceŋge, ni pääŋge piny bäre ki päänye.»

Aydheea 14:5

Wuuö Jwøk athøra mar jø raay anø toore, ni beeye athøny kwär mar cuumme,

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:12

'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 22:14

'Ba Wuuö Jwøk, eni na wïth jammi bëët, ree anyoodhe jïra ni kööe, ni «Ka adïëri møn, raay moa tïïyu, u ba wëënni ki geni këël mano thøwu.» Manøgø beeye dwør Kwäärö Wuuö Jwøk, eni na wïth jammi bëët.

Aydheea 23:9

Beeye Wuuö Jwøk, eni na wïth jammi bëët, na ŋøl gïnögø bäät gø, ni lää wï gø, ni raany japa mïërö bëët na tööde kiperge, ni tïïc jic gø bëët moa no owøørø nee taak bäät piny.

Aydheea 24:21

Dïcäŋeca, Wuuö Jwøk gïïa jïge da teek maalø jääle jäälö kwöra enge yïthge maal, ni jääl nyeye mo piny bäät piny.

Aydheea 25:3

Kiper manøgønø, wïth juurre moa teek ïïno jiemge; ni ö päänye mo wïth juurre moa no ogäy ni lwäcge ki ïïni.

Aydheea 25:5

ni caala lïëth piny man wø en dïtëën. Dïlweel mar wïth juurre wø wëëgï nibäc, kaaman wø ö lïëth pinynyi oŋïnynye ki tïm pøøl, ni ö dööt jøøa no ogäy ni wø wär ki dudi ni put nikïïl.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 29:20

Kiper jøøa no ogäy tïmö ni bäŋgø, ni ö jø abuua ni thumge, ni ö jø wø cwïnyge piew ki tïïc gïï mo reyø ni thøwge,

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 3:11

Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Aydheea 5:15

Kanyøgønø wïth jiy døøa piny, ni ö jøøa kwörge døøŋŋø ni dwøk wïthge piny, ni ö bëëtö mar jø wø tïŋ dëëtge maal ni dwøgi piny.

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Jeremaya 48:29

Gïr atöör mar Möap ŋäcwa; eni koorrø døc. Ni eni ŋäya dëëre keere ni eni töödö, ni dëëre ee tïŋ maal.

Daniel 4:34

'Ba kanya thum cwiiri moøgø na abïriiø yøø, a na Nabukedenecör, nyeŋŋa ataa maal, ni ö acaara mara ni put duu baŋa, ni ö Jwøa dwøŋŋi ni en maal ni puta gø pwøc, ni wøøra eni, ni jiema eni, eni ni wø bëëdö na bäre bäre. Teek mare bëëdö na bäre bäre, ni buc nyec mare këëta yïth beenhnhe bëët,

Abakuk 2:4

«Ka adïëri møn, ŋat atöör bäŋ bëëtö mo tiir yi cwïnye, 'ba ŋata mare beer kwøw ki køør ŋäädhe mare.