Aydheea 13:1 - Wëël Jwøk

¹ 'Ba luubö mana nyooth Wuuö Jwøki na joot Aydheea wär Amöth kiper Babiløn bee en:

Aydheea 13:1 Iomraidhean Croise

2 Nyeye 9:25

Køøre Jiyu aköö jï Bedekar ŋat köör mare, ni «Lwør eni ni leeŋï gø piny yi pwöth Naböth nyï Jedhriel. Par wïïï ki luubö mana caan Wuuö Jwøki kiper wänni ma Akap kanya ö aani ki ïïni na cäädhö ki bäät okwëënyi køør Akap.

Aydheea 1:1

Moi beege luup mo wø nyooth ki yi wïc na nyooth Jwøki jï Aydheea wär Amöth kiper jø Juuda ki jø Jerucalem yïth nïr Udhaya, ki Jötham, ki Eeyeth, ki Edhekaya, kanya bëëtge ni gena nyeye mo Juuda.

Aydheea 13:19

'Ba Babiløn, na näk mïërö mar mïëc nyeye, na näk gïr ajiem mar atöör mar jø Kaldia, otïmö kaamar Cødam ki Gømöra kanya raanynyi ya Jwøki.

Aydheea 14:28

'Ba yi cwiina thøw nyeya ma Eeyeth, luubö man anyooth Wuuö Jwøki na ennø nø,

Aydheea 15:1

'Ba luumma nyooth Wuuö Jwøki kiper jø Möap beeye en: Ëër na näk pääny Möap aränynyö, araanynyi ki wäär aciel! Kir na näk pääny Möap aränynyö, araanynyi ki wäär aciel!

Aydheea 17:1

'Ba luumma nyooth Wuuö Jwøki kiper Damacka bee en: «Neennu, Damacka kare aløny ni cään ki man tïme ni paa pääny, eno pädhi ni neeruuth.

Aydheea 19:1

'Ba luumma nyooth Wuuö Jwøki kiper jø Ijep beeye en: Ka adïëri møn, Wuuö Jwøk öö ni ena bäät pöölö mo rïïŋö døc, ni ööa Ijep. Ni ö kït gïï wø lam mo jø Ijep ni put dëëtge tïmö ni kwanynyi nyïme, ni ö cwïny jø Ijepi ni bwøkge ki gø.

Aydheea 20:2

kar kaaca Wuuö Jwøk onø cäänö ki Aydheea wär Amöth ni kööe, ni «Pät keeca wøk mana näk iï dwøl dëërï ni kälï war wøk moa en tietï.» Ni ö Aydheea ni put gïnögø tïïc, ni cäädhe ki dëëre, ni bäŋ war tiete.

Aydheea 21:13

'Ba luumma nyooth Wuuö Jwøki kiper Areebia bee en: U na jø Didan, ni wø cäädhi ki bäät athïrööle, ni wø tïïc twïër marge ki wäär yïth abuŋŋe mo Areebia,

Aydheea 22:1

'Ba luumma nyooth Wuuö Jwøki kiper jøøa bëëdö goor wø nyooth luup yie bee en: «?Aŋø, agïnaŋø na tägö rou ennø, ni tïme ni u bëët, u puta eth wïth uudi maal en?

Aydheea 22:25

'Ba Wuuö Jwøk, eni na wïth jammi bëët, mare acaane, ni kööe, «Dïcäŋeca, jaath mana no orääö ni teek kanya no oŋäädhö tïmö ni lwäägö, ni toore ni pädhe, ni ö gïïa no olïër dëëre bëët ni ränyge.» Kiper eni na Wuuö Jwøk mare ee nø caan.

Aydheea 43:14

Man bee dwør Wuuö Jwøk, eni na Jwø Icriel na en kur keere na wïïl u wøk, ena köö, na «A jääga Babiløn ki jø leny kiperu, ni ö jø Kaldia bëët ni päärge wøk, ni ge aay ka baabuure mo wø töötge kiperge.

Jeremaya 24:1

'Ba kanya nø ö Nabukedenecörri nyeny Babiløn na nø mak Jekönaya wär Jeyöakëm nyeny Juuda, ki jø kööre mo Juuda, ki rëëmme, ni maae Jerucalem ki tøŋ ni nø kïth geni Babiløn, Wuuö Jwøk anyuuthö jïra ko orööge ariiø mo päŋ ki nyïïolämmi mo ocïp piny nyïm Øt Wuuö Jwøk.

Jeremaya 28:8

Nyïïkuk Jwøk moa kwøŋ nut nyïmmø cøøn, da gïï maa køpge, ni beege gïï lenye ki gïr gïï mo leth ki gïr täwe mo reyø moo tägi dëët tiet mïëri mo thööth ki dëët akwöm moa døøŋŋø mo nyeye.

Jeremaya 50:1

'Ba man beeye dwøl mana caan Wuuö Jwøki ki dhi nyikuŋ Jwøk ma Jeremaya kiper Babiløn, ni beeye ŋööm jø Kaldia, ena köö,

Jeremaya 51:51

«U wø köö, ni ‹Wïthwa alääö kiper ajøøŋ man wø wïnywa, ni tïm nyeŋwa ni law, kiper jiy mo path adøny kwöra en kur keerge yi Øt Wuuö Jwøk.›

Edhikiel 12:10

Wär caanï jïge ni man beeye luumma caan Kwäärö Wuuö Jwøki, ena köö, ni ‹Tier gïn beeye kiper dïbwöthe mo Jerucalem ki jø dhi øt Icriel bëët mo wø bëëdö yi Jerucalem.›

Daniel 5:28

«PARCIN beeye pääŋŋö, ni tiere beeye na akwöm nyec marï di pääŋŋö ni mëëge jø Mëdön ki jø Parca.»

Daniel 5:6

Køøre nyeya täärnyïme aput niduk, ni put cwïnye tïmö ni pärö ka acaara mare, ni ö nyeŋ ocwiiye ni tïmge ni nhønhnhi, ni ö wïth cøŋŋe ni pöötge rege.

Neeyam 1:1

Man beeye wëëlö mar gïna nyooth jï Neeyam nyï Elköc, ni beeye dwøl mana caal tëër na cäänö kiper pääny Nineba.

Abakuk 1:1

Man beeye dwør Wuuö Jwøk mana caal tëër na ö bäät nyikuŋ Jwøk ma Abakuk.

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Dhekaraya 9:1

Luum Wuuö Jwøk na caal tëër ena bäät ŋööm Adrak ni jääla gø, këël mano këët Damacka; kiper jiy ki wïth tuŋi bëët mo Icriel, nyeŋge atïmö ni ena dëër Wuuö Jwøk.

Milkiya 1:1

Man beeye dwøl mana caan Wuuö Jwøki jï jø Icriel ki dhi nyikuŋŋe ma Milkiya.

Mathiew 1:11

ni ö Jöcaya ni näk wää Jekönaya ki nyïïmenni. 'Ba kar kaagø beeye kanya ö jø Juuthi na magi ya jø Babilønni ni kïthge ge poge.

Mana Nyooth 14:8

Ni ö riet nyïïatwiet maalli mør ni läw cäännö, ni «Babiløn na dwøŋ apädhö ki pädhö mo ba thiinh, nyaana wëëk mïëri bëët mäthö ki køøŋ nyïïomøki mar käp mare.»