Aydheea 12:5 - Wëël Jwøk

⁵ Wärru ki dut pwøc jï Wuuö Jwøk, kiper ena tïïö ki tïïe mo nyeŋŋe di jiemø ki rege; beerra man tïm tïïe moøgø ni ŋäc ki bäät piny bäre.

Aydheea 12:5 Iomraidhean Croise

Bwøth Wøk 15:1

Køøre Modhe ki jø Icriel duut man awärge jï Wuuö Jwøk ni köge, ni «Aani a wär jï Wuuö Jwøk, kiper ena tïmö na ajieme cäätha maal. Okweeny ki ŋata en bäät gø aleeŋ yi Naama Kwaar.

Bwøth Wøk 15:21

Ni ö Mariyammi ni jøl duut ni kööe, ni «Wärru jï Wuuö Jwøk, kiper ena tïmö na ajieme cäätha maal; okweeny ki ŋata en bäät gø aleeŋ yi Naama Kwaar.»

Aydheea 24:14

'Ba jiy moo dööŋ, döötge otïŋge maal, ni kwöŋge ki met ec. Geno kwöŋŋi ki jï løø kur pänh-cäŋ kiper dööŋö mar Wuuö Jwøk.

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 42:10

Wärru ki duut mo nyään jï Wuuö Jwøk, wärru nou pwøya nyeŋŋe, u ni en teegi mo piny! Pwøyu nyeŋŋe, u ni wø cäädhi dï naama dwøŋ, ki gïï wø en yi naama dwøŋ bëët. Pwøyu nyeŋŋe, u na wïth juurre mo wø bëëdö yïth mïëri moa en bäät naama dwøŋ, ki u jø wø en yïthge bëët.

Aydheea 42:11

Beerra man ö paana näk dïtëën ki päänye moa en yie ni tïŋge döötge maal ni ge pwøya Wuuö Jwøk; beerra man ö atude mo wø bëët jø Këdar yïthge ni mïn yïthge. Beerra man ö jø wø bëëdö Cela ni wärge ni döötge ena maal; beerra man kwöŋge ki met ec ni ge ena wïth kïte.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.