Aydheea 12:4 - Wëël Jwøk

⁴ 'Ba dïcäŋeca uuno köö jï jiy, ni «Dwøgu met ec jï Wuuö Jwøk, ni pwøyu nyeŋŋe, ni caannu tïïe moe jï wïth juurre nee ŋäcge, ni parru wïthge ki nyeŋŋe ki man näk mo eni kare dwøŋ.»

Aydheea 12:4 Iomraidhean Croise

1 Luup Nyeye 16:8

Dwøgu met ec jï Wuuö Jwøk, ni pwøyu nyeŋŋe, ni caannu tïïe moe nee wïny wïth juurre.

1 Luup Nyeye 29:11

Wui Wuuö Jwøk, teek, ki dööŋö, ka ajiem, ki böödö, ki wödö en jïrï, kiper jammi bëët moa en maalø ki moa en piny beege moï. Wui Wuuö Jwøk, bura beeye marï, ni bee ï na wïth jammi bëët.

Neemiya 9:5

Køøre jø tuuŋ Libay, ni beege Jëcua, ki Kadmiël, ki Bani, ka Acabeniya, ki Cërëbiya, ko Odiya, ki Cebaniya, ki Petaya, gena köö, ni «Ööu maal ni pwøyu Wuuö Jwøk, Jwøk maru, eni na nut cøøn ni bëëdö na bäre bäre.» Køøre jiy abwøthge ki lam ni köge, ni «Wui Wuuö Jwøk, pwøc en ri nyeŋŋï na näk nyeŋ ajiem na bëëdö ni ena maal ni kaala nyeŋŋi bëët moa näk opwøø.

Bwøth Wøk 15:2

Wuuö Jwøk beeye teek mara ni bee eni na cäŋŋa ki duut; ena tïmö na dïkunyi mara. ena Jwøk mara, ni eni daa pwøø; ena Jwø kwara, ni eni daa jiemø.

Bwøth Wøk 33:19

Ni kö Wuuö Jwøki jï Modhe, ni «Aani ki dëëra kiree mara na beer tïïa tïïö nee pöödhe ki nyïmï, ni køba gïr nyeŋŋa nyïmï, a na Wuuö Jwøk; kiper met ec mara wø nyoodha nyoodhø jï ŋato kööa ni yia met ki gø, ni nyoodha bäth ec mara jï ŋato kööa ni bäth ec mara nyoodha nyoodhø jïre.»

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 24:15

Kiper manøgønø, u ni en jï løø kur tuul-cäŋ, jiemmu Wuuö Jwøk, ni ö uuni ni en bäät naama dwøŋ ni tïŋu nyeŋ Wuuö Jwøk maal, eni na Jwø Icriel.

Aydheea 25:1

Wui Wuuö Jwøk, ïïna Jwøk mara, nyeŋŋï tïŋa maal, ni pwøa nyeŋŋï; kiper ïïna tïïö ki gïï mo rëëma ec, ni beege japa caarï ya acääŋŋe na wëëgï tïïc na karge.

Aydheea 26:8

Wui Wuuö Jwøk, ka adïëri møn, wa raŋŋa jïrï, ni wa bëëdö ni wa caatha køør ŋøl luup marï, ni wa manynya man jiemwa nyeŋŋï ki cwïnywa bäre.

Aydheea 33:5

Wuuö Jwøk kare dwøŋ, ni eni bëëdö maal; eni ŋøl mana na adïëri ki bëët adïëri otïïe ni dwøŋ yi Dhayan.

Aydheea 42:12

Beerra man ö geni ni pwøcge Wuuö Jwøk, ni caange ajiem mar gø jï wïth juurre mo wø bëëdö yïth mïëri moa en bäät naama dwøŋ.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 66:19

Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Jeremaya 50:2

ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Jøøn 17:26

Nyeŋŋï anyoodha jïge, 'ba cäŋa ka nyoothø, kiper nee mëër mana mëërï ki aani ki gø, nee tïme ni ena cwïnyge, ni ena rege.»