Aydheea 11:15 - Wëël Jwøk

¹⁵ Wuuö Jwøk weel naama dwøŋ mar Ijep taale taalø; cere tïŋe maal bäät Naam Upareeti ki jamø mo lïëth, ni put gø ŋørø na nyeŋŋi abïriiø, ni put tïmö ni ŋøl jiyi ŋølø ki war jaak.

Aydheea 11:15 Iomraidhean Croise

Bwøth Wøk 14:21

Køøre Modhe cere arwiee bäät Naama Kwaar; ni ö Wuuö Jwøki ni dwøk naam ŋääe ki køør jamø mana teek na tïïe nee kwöde ki yi wäär bäre, ni kwönni ki jï løø kur tuul-cäŋ, ni ö pïïyi ni pääŋge rege, ni ö naammi ni tale.

Bwøth Wøk 14:22

Ni ö jø Icrielli ni cørge dï naam ni ge cäädhi ki kanya no otal, ni pïï cuŋŋi kaamar dëër øtø bäät cämge ki bäät cwïcge.

Bwøth Wøk 14:29

'Ba jø Icriel acäädhö ki kany mo otal dï Naama Kwaar, ni pïï cuŋŋi kaamar dëër øtø bäät cwïcge ki bäät cämge.

Aydheea 19:16

'Ba dïcäŋeca, jø Ijep otïmö kaamar mään; dëëtge otïmö ni kwanynyi ki lwär kanyo ö Wuuö Jwøki, eni na wïth jammi bëët, noo tuuŋ cere bäätge.

Aydheea 43:16

Man bee dwør Wuuö Jwøk, eni na tïïö ki jöö mo cøra dï naama dwøŋ, ni beeye jöö mo cøra dï pïï mo kwödö ni teek,

Aydheea 44:27

Bee aani ni wø köö ki naama dwøŋ na päŋ, ni ‹Talï!› ni puta nyeŋŋi moe taal.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 63:12

?Age eni na jääŋ bade na teek na näk bada ajiem bäät cer cwïï Modhe? ?Age eni na pääŋ pïï ki dïëre nyïmge, na tïïc nyeŋŋe nee bëëde ni ŋäc na bäre bäre?

Aydheea 7:20

'Ba dïcäŋeca Kwäärö Wuuö Jwøk wïthu oliele ki muuc mo käla løø Naam Upareeti løøga, ni liel jïëc tietu, ki jïëc tïgu thuwø; ni manøgø beeye nyeny Aciria.

Aydheea 8:7

ennø, a na Kwäärö Wuuö Jwøk, pï Naam Upareeti na thööth ni wø kwönni ni teek jääŋŋa jääŋŋö Juuda, ni beeye nyeya mar Aciria ka ajiem mare bäre; ni tïme kaamar pïï mo onithar yïth nyeŋŋi mo Juuda bëët, këël mano mut ageele moge bëët.

Edhikiel 29:10

kiper manøgønø, ï na Peerø, ïïno jääla ki näm moï, ni raanynya ŋööm Ijep ni put dööŋŋö ni bäŋ gïrpiny yie, ni beeye ki mano täge ki Migdöl këël Acwan, ni pööth keew ki ŋööm Kuuc.

Edhikiel 30:12

Løle mo naam Nail wëëga talø, ni gadha ŋööm Ijep ki jøøa reyø. Aani, jøøa path jääŋŋa kuna raanyge gø, ni ö ŋöömö mare ni ränynye ki gïïa en yie bëët. Luummögø caana aani, a na Wuuö Jwøk.›

Dhekaraya 10:11

Geni, ge puta pöödhö ki yi bëëtö mo leth mo caala athaŋ naama dwøŋ, 'ba aani, athaga manøgø gøøa gøø, nee kwöra päŋ mo Naam Nail talge, ni ö atöör mar Aciria ni puti dwøk piny, ni ö teeki mar Ijep ni ränynye.

Mana Nyooth 16:12

Ni ö bïcier nyïïatwiet maalli ni køny kuura mare bäät Naam Upareeti na dwøŋ, ni ö pïïe ni talge, ni jiiŋŋa jöör nyeye moo ööi ki jï løø kur tuul-cäŋ.