Aydheea 11:14 - Wëël Jwøk

¹⁴ 'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 11:14 Iomraidhean Croise

Aydheea 14:29

«Wui, u na jø Pilitin u bëët, kär yïthu mïnnö kiper mana toor athøra mana pwöt uuni ki gø, kiper athøra manøgø otïmö na thwöl mo olwierø mo wïnni døc, ni ö nyi thwör olwierø manøgø ni tïme na thwöl mo määdö.

Aydheea 15:1

'Ba luumma nyooth Wuuö Jwøki kiper jø Möap beeye en: Ëër na näk pääny Möap aränynyö, araanynyi ki wäär aciel! Kir na näk pääny Möap aränynyö, araanynyi ki wäär aciel!

Aydheea 16:14

'Ba ennø, Wuuö Jwøk acäänö ni kööe, «Ni ki yïth cwiiri adäk, kaawat man wø kwaan ŋat tïïci, ajiem mar Möap na dwøŋ, ki jiye na thööth, ränynyö; ni ö jiye moo dööŋ ni kwøw ni dööŋge ni nøk døc ni jägö.»

Aydheea 25:10

Kiper Wuuö Jwøk cere ocïp bäät kïdi man, 'ba jø Möap onyøri kar bëëtö marge, kaaman wø nyør wär mo ojääbö ki juu ki pïï.

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 59:19

Ni ö jø wø bëëdö jï løø kur pänh-cäŋ ki jø wø bëëdö jï løø kur tuul-cäŋ ni putge lwäyö ki nyeŋ Wuuö Jwøk ka ajiem mare; kiper Wuuö Jwøk öö kaamar jwïïö mo pänhnhö, mo køøle ka jam dhee.

Aydheea 60:14

'Ba wäät jøøa dïïm ïïni geno ööi ni këëlge cøŋge piny nyïmï; jiy bëët moa taak ïïni, wïthge okuulge piny ni nuumge tietï ni ge wøøra ïïni, ni cwølge ïïni ni Pääny Wuuö Jwøk, ni bee ï Dhayan na näk mar Jwø Icriel na en kur keere.

Aydheea 63:1

?Aŋø, man aŋa ni ööi ki Ëdöm, ni ööi ki yi Bödhra ni eno ruyö ka abïï mo kwaar en? ?Man aŋa no oruyö ni mïërö ni cäädhi ni dwøŋ ki teek mare en? Ni løk gø, ni «Bee aani ni wø car luup ni thïïŋ, ni wø jïre da teek ki man piem jiy.»

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Jeremaya 40:11

'Ba jø Juuth bëët moa en Möap ki moa en po jø Amön ki moa en Ëdöm ki moa en yïth mïëri møga bëët awïnyge thuwø ni nyeny Babiløn awëëö ki jiy møøk nee dööŋge yi Juuda, ni nø røøny Gedaliya wär Akikam o Capan bäät jøøgø.

Jeremaya 48:40

'Ba man beeye luumma caan Wuuö Jwøki, ena köö, ni «Ka adïëri møn, da jø leny mo öö mo läänna kuna tukge Möap, kaamar odhuuth mo bwöpe ee peerø mo läänna baŋ lääy.

Jeremaya 49:2

Kiper manøgønø, ka adïëri møn, da nïne mo öö mo a na Wuuö Jwøk, a kännö ki jø leny mo ge ööi ni ge kudhö ki tuŋi, ni ge ööa kuna tukge Raaba, pääny mar jø Amön. Ni ö päänyögø ni ränynye ni needwöt, ni ö mïëri moa en deŋŋe ni waaŋi. Køøre Icriel ŋöömme olwøre ceŋ jøøa käl gø cere.

Jeremaya 49:22

Ka adïëri møn, jø leny öö ni läänna kuna tukge Bödhra kaamar odhuuth mo bwöpe ee peerø mo läänna baŋ lääy; ni dïcäŋöca cwïny otëëe mo Ëdöm otïmö kaamar cwïny dhaagø mo ree da mäc lwaar.»

Jeremaya 49:28

'Ba man beeye luumma caan Wuuö Jwøki kiper Këdar ki mïëri moa en ya Adhör moa dïïm Nabukedenecörri nyeny Babiløn, ena köö, ni «U ööa maal, ni cou kuna tugu Këdar, nou raanynya jø wø bëëdö jï løø kur tuul-cäŋ.

Edhikiel 25:14

Kwör coola coolø dëët jø Ëdöm ki ri jiya ma jø Icriel, ni tïïcge gïnögø dëët jø Ëdöm ki køør wëër mara ki gootø mara. Køøre nø, putge ka ŋäc ni manøgø bee cool kwör mara. Luummögø caana aani, a na Kwäärö Wuuö Jwøk.› »

Daniel 11:41

Ni ö eni thuwø ni tuk ŋööm wø cwøl ni Mïërö. Ni ö mïëri mo thööth ni päthge; 'ba Ëdöm, ki Möap, ki jøøa näk wïth jø Amön, ge di piemø dhi cere.

Jool 3:19

Ijep ränynyö ni tïme na tëën, ni ö Ëdömmi ni tïme na paap mo otal, kiper gïïa leth na tïïcge dëët jø Juuda, ni beeye yi ŋöömma kønyge rem jiy piny yie mo bäŋ gïn mo ege baaø.

Amøc 9:12

Køøre nø, jøw moa dööŋ dëët jø Ëdöm, ki juurre bëët moa no ocwøl ri nyeŋŋa, otïmö ni ena ceŋ jø Icriel.» Beeye Wuuö Jwøk ni cäänö enø, ni bee eni noo tïïc gø.

Abakuk 1:8

Okwëënyi moge rïïŋö døc ni kaala kwäänynye, ni ge kämö ni kaala orude mo wø lwääge ki wïthïënhö. Jø leny moge ge rïïŋö døc ki bäät okwëënyi, ni ge rïŋŋi ki kany mo bäär, ni ge määnni kaamar odhuuth mo päära bäät gïrpiny.

Jepaniya 2:5

Wui jø Kelita, otïmö ni leth jïïu, u ni wø bëëdö bäät naama dwøŋ. Wui, u ni en yi ŋööm Keenan, ni beeye ŋööm jø Pilitin, dwør Wuuö Jwøk jääla uuni. Eni u raanynye raanynyø, ni tïme ni bäŋ dhaanhø mo dööŋ mo beet ŋöömmögø.

Jepaniya 2:7

Ni put ŋöömmögø tïmö na mar jø dhi øt Juuda moa no odööŋ ni kwøw, ni tïme ni dïëk moge kwaacge yie. 'Ba wø tïme na abøøya, geno wäro ci yïth uut jø Ackelön kuna butge yïthge; kiper geno gwøk Wuuö Jwøki, Jwøk marge; ni ö eni na Wuuö Jwøk ni cäŋ bëëtö marge dwøk kare.

Jepaniya 2:9

Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Kwään Jiy 24:17

«Ŋato ööi anø jooda, 'ba öönynye patha ennø; ni eni nëënö jïra, 'ba kare ba cään. Nyeya othïïŋ ri jø Icriel, ni caala cëërö mo pøn ri jic Jeekap; ni ö eni ni gøøc jø Möap ki kare bäre, ni dïïr wïthge, ge na näk jø okiera.

Mathiew 8:11

A cäänna uuni, ni jiy mo thööth oööi ki jï løø kur tuul-cäŋ ki jï løø kur pänh-cäŋ, ni pïge piny lak cam ki Eeberam, ki Aydhak, ki Jeekap yi buya käl maal;

Pïëmme 6:3

Kiper kany wø tïme ni jø Icriel pïïdhö ki caammi, jø Midien wø puta öö ki jø Amalëk ki jø wø bëëdö jï løø kur tuul-cäŋ, ni ge ööa baŋ jø Icriel.