Aydheea 11:12 - Wëël Jwøk

¹² Eni ŋïï mare tïŋe maal baŋ wïth juurre, ni cooŋ jø Icriel moa no omaa ki tøŋ; ni cooŋ jø Juuda moa no okeethø ki yïth tuk piny moa na aŋween.

Aydheea 11:12 Iomraidhean Croise

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 18:3

'Ba uuni bëët, u ni en bäät piny, ni bee u ki dëëtu ni wø bëëdö yie, kanyo ö ŋïï noo tïŋi maal ki paana en bäät kïte, oneennu, kanyo ö tuuŋŋi noo koodhi, dwøre owïnynyu.

Aydheea 24:16

'Ba øøni, dudi owïnynyø bäät piny bäre, mo köö, na «Ajiem en jï Jwøa beer.» 'Ba aani, aana köö, «Otïmö ni leth jïra! Otïmö ni leth jïra møn! Aana ränynyö! Jø wø tïïc gïï mo reyø ki piny, ge poot bëëdö ni ge tïïya gïï mo reyø; ni ge bëëdö ni ge cäätha maal ki tïï gïï mo reyø.»

Aydheea 27:13

Noo tïme na dïcäŋeca thuwø, tuuŋ di koodhø ni dwøre ena maal døc, ni ö jiyi moa no orwäänyö yi ŋööm Aciria, ki moa no okeethø yi ŋööm Ijep, ni öge ni wøørge Wuuö Jwøk bäät kïnna en kur keere yi Jerucalem.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 49:22

Man beeye dwøl mana caan Kwäärö Wuuö Jwøk, ena köö, ni «Ka adïëri møn, cera tïŋa maal bäät wïth juurre, ni tïŋa nyuudhi mara maal jï wïth juurre; ni öge ki wäätu ni käärge ka tiet jööthge, ni nyïïu käärge ka göökge.

Aydheea 49:5

'Ba ennø, man beeye dwøl mana caan Wuuö Jwøki, eni na cwääc aani ec, naa tïma ni aana dhaanhnhe, nee nyïïkwaac Jeekap duua baŋe, nee ge na jø Icriel dëëtge cooŋge ree; kiper mana näk mo aano wøørø ki nyïm Wuuö Jwøk, ni eni na Jwøk mara bee teek mara.

Aydheea 54:7

Kiper aani, ïïna kwiera ki kany mo thiinh, 'Ba ki køør bäth ec mara na dwøŋ, ï cäŋa ka duu baŋa.

Aydheea 56:8

Kwäärö Wuuö Jwøk, eni ni wø cooŋ jø Icriel moa no okeethø, aköö, ni «Poot da jiy møøk mo cooŋa bäät jiy moa no onø cooŋ.»

Aydheea 59:19

Ni ö jø wø bëëdö jï løø kur pänh-cäŋ ki jø wø bëëdö jï løø kur tuul-cäŋ ni putge lwäyö ki nyeŋ Wuuö Jwøk ka ajiem mare; kiper Wuuö Jwøk öö kaamar jwïïö mo pänhnhö, mo køøle ka jam dhee.

Aydheea 60:4

Tïŋ wïïï maal ni lwïthï, jiy moï bëët rege acooŋge ni ge ööa baŋï; wäätï gena cäänhnhö ki kany mo bäär, ni nyïï di käärö ki tiet jööthi.

Aydheea 62:10

U na jø Jerucalem, cou dønynyu wøk ki dhøk kiir, ni tïïyu øtjöö ni leer kiper jiy; thørru jöö nee tïme na øtjöö mo dwøŋ, ni daagu kïte yie, ni mooyu gø ki ŋïï nee ŋäc jiyi bëët.

Aydheea 66:19

Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Jeremaya 23:3

'Ba aani ki dëëra, jiya moa näk odööŋ ni kwøw ni caal pïïth dïëk 'moa, lema lemø yïth mïëri bëët moa riema geni yïthge, ni duua geni kar bëëtö marge, ni ö geni ni nyöötge ni nyaacge.

Jeremaya 30:17

'Ba a na Wuuö Jwøk, a caana gø ni bëëtö maru na raac dwøga kare ni beer, ni beeye bëëtö maru ni caal atwøda, kiper uuna cwøl jiyi ni u ege jarø jaak, ni köge, ni «Jø Dhayan, bäŋ ŋat many geni.» ›

Jeremaya 50:4

«'Ba noo tïme na yïth nïröke, yi kar kaace, jø Icriel oööi, geni ki jø Juuda bëët, ni ge cäädhi ni ge jwöŋö, ni beeye aani na Wuuö Jwøk, Jwøk marge, noo manyge.

Jeremaya 51:12

ŋïï wär tïŋu maal nou tugu kiir Babiløn; koor wär tïïyu ni teek døc; ni cïïmmu jiy mo rääŋö, ni ö jiyi møøk ni møørge piny. Kiper Wuuö Jwøk acaara mare wëëge thur kare, ni beeye gïna näk ee nø ŋøl ni tïïe tïïö dëër Babiløn.

Edhikiel 28:25

«'Ba man beeye luumma caan Kwäärö Wuuö Jwøki, ena köö, ni ‹Kanyo cuuŋa jø Icriel ki dï wïth juurre moa näk geno keethø yïthge, ajiem mara nyoodha nyoodhø dïge ni nëënö jï wïth juurre. Køøre geno bëëdö yi ŋöömö marge mana cïba jï dhaanhnha ma Jeekap.

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Odheea 2:2

«Köömmu miiu, köömmu eni, kiper eni paa cïïa këët, naa patha cwøre këët thuwø. Beerra man wec gath-dëël mare man wø nëëni täärnyïme, ni daak bëët käp mare yïthakic thure.

Jepaniya 3:10

'Ba jiy moa en løø näp jø Kuuc løøga, ni beege jiy 'moa moa no okeethø ni wø wøør aani, geno känni jïra ki muuce.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 8:7

Wuuö Jwøk, eni na wïth jammi bëët, aköö, ni «Ka adïëri møn, aani jiya moa en jï løø kur tuul-cäŋ ki moa en jï løø kur pänh-cäŋ piema piemø,

Jøøn 7:35

'Ba jø Juuth acäänö yïthakicge keerge, ni köge, ni «?Ŋati, a kanya ŋø cøøn noo ci yie, ni eni ba joodø en? ?Aŋø, eni manynya man ci baŋ jø Juuth moa näk okeethø dï jø Gïrïïk, nee jø Gïrïïk pwönynye?

Tiet Ciik 32:26

Aana köö ni ge daa thöörö na bäre nee bäŋe dhaanhø mo par gïrge këët.

Jeemeth 1:1

Aana Jeemeth na laŋ Jwøk ki Kwäärö ma Jecu Krictø. A määtha uuni na tuŋi apaar kurriiø, u no okeethø dï piny.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.

Mana Nyooth 7:1

Køør manøgøøni, nyïïatwiet maal aŋween ajooda ni ge cuŋŋa yïth tuk piny karge ŋweeni, ni kwör wø kwön jame ki yïthge karge ŋweeni ege mänö nee bäŋe jamø mo kwön bäät piny, wala bäät näpa døøŋŋø, wala ri jaathø.