Aydheea 11:11 - Wëël Jwøk

¹¹ Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 11:11 Iomraidhean Croise

Wïlöölö 10:10

Ni ŋøøm moe tägi ka Babel ki Ërëk ki Akat ki Kalnë, mïëya en yi Cinaar.

Wïlöölö 10:22

Wäät Cëm beege Ilam ki Acör ki Arpakat ki Lut ka Aram.

Wïlöölö 11:2

'Ba kanya paanyge dëëtge jï løø kur tuul-cäŋ, gena aay ni jïtge ki gool yi ŋööm Cinaar ni bëëtge yie.

Wïlöölö 14:1

'Ba ki yïth nïra bëët Amrapëlli na nyeny Cinaar, ki Aryök nyeny Elacar, ki Kedör-Laömer nyeny Ilam, ki Tidal nyeny Göyim, da gïn mo otägö.

Wïlöölö 2:13

Ni nyeŋ riet naam maya cwøl ni Giyön, ni caatha deŋ ŋööm Kuuc bäre.

2 Nyeye 17:24

'Ba nyeny Aciria akännö ki jiy ki Babiløn ki Kuta, ka Awi, ka Amath, ki Cepar-Waym, ni kïth ge yïth päänye mo Cameria nee bëëtge kwöra wara bëët jø Icrielli yïthge; ni put Cameria tïmö na marge, ni putge bëëtö yïth päänye moe.

Acther 10:1

Kanyøgø nyeya ma Ayacewëëröc ajwäk aput tïïc bäät mïëri moe bëët moa karge cään këël moa karge bäyö.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 10:20

'Ba noo tïme na dïcäŋeca, jø Icriel moo dööŋ ni kwøw, na bøth ri dhi øt Jeekap, otïmö ni ge ba göök ri jiy moa thöör geni këët, 'ba ge puta göök ri Wuuö Jwøk, Jwø Icriel na en kur keere na adïëri møn.

Aydheea 10:9

?Aŋø, pääny Kaalnö ba caal pääny Karkëmec, na Amath ba caal Arpat, ni Cameria ba caal Damacka?

Aydheea 11:16

Kanyøgø otïmö ni da jöö mo dwøŋ man ŋun jiyi moe ki yie moa no odööŋ ni kwøw ya Aciria, kaawat mana tïïe kiper jø Icriel kanya öge wøk ki Ijep.

Aydheea 19:21

Wuuö Jwøk dëëre onyoodhe jï jø Ijep, ni ö jø Ijepi ni ŋäcge Wuuö Jwøk dïcäŋeca, ni putge tïmö ni Jwøk lamge ni ge cïpö ko olämme ki muuce, ni ge kööŋ nyïm Wuuö Jwøk ni gwøkge japa kööŋge kiperge.

Aydheea 19:22

'Ba Wuuö Jwøk Ijep ojääle; geno jääle møn, 'ba ge cäŋe ka kønynyø; ni ö geni ni duuge baŋ Wuuö Jwøk, ni ö Wuuö Jwøki ni wïny kwac marge ni køny geni.

Aydheea 21:2

Luubö mo teek anyooth jïra ki yi wïïa na ennø nø: Ni ŋat wø tïïc gïï mo reyø ki piny poot bëëdö ni tïïya ge, ni ö dïräänyi ni bëëde ni poot räänyö. Wui, u na jø Ilam ki jø Mëdön, ööu maal ni cou ni cielu Babiløn dïër; Wuuö Jwøk gïïa tïïc jø Babilønni na wëëk jø møøk cooyø otïïe nee cuŋge.

Aydheea 22:6

Jø Ilam jap leny alwørge, ni jiiŋge jïëth leny mo wø tut okwëënyi, ki jø leny mo wø këëdi ki bäät okwëënyi; ni ö jø paana cwøl ni Kir ni lwørge kööde mo leny moge.

Aydheea 24:15

Kiper manøgønø, u ni en jï løø kur tuul-cäŋ, jiemmu Wuuö Jwøk, ni ö uuni ni en bäät naama dwøŋ ni tïŋu nyeŋ Wuuö Jwøk maal, eni na Jwø Icriel.

Aydheea 37:31

'Ba jiy moo dööŋ ni kwøw røk jø dhi øt Juuda, tietge cäŋa këët piny ni nyaacge.

Aydheea 42:10

Wärru ki duut mo nyään jï Wuuö Jwøk, wärru nou pwøya nyeŋŋe, u ni en teegi mo piny! Pwøyu nyeŋŋe, u ni wø cäädhi dï naama dwøŋ, ki gïï wø en yi naama dwøŋ bëët. Pwøyu nyeŋŋe, u na wïth juurre mo wø bëëdö yïth mïëri moa en bäät naama dwøŋ, ki u jø wø en yïthge bëët.

Aydheea 42:12

Beerra man ö geni ni pwøcge Wuuö Jwøk, ni caange ajiem mar gø jï wïth juurre mo wø bëëdö yïth mïëri moa en bäät naama dwøŋ.

Aydheea 42:4

'Ba eni këël kanyo tïïc ŋøl luup mana näk kare bäät piny, eni ba ööl, ni ba døø ŋääe. 'Ba wïth juurre mo wø bëëdö yïth mïëri moa en bäät naama dwøŋ, ge bëëdö ki ŋäädhe ni ge køya ciik mo gø.»

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 49:12

Ka adïëri møn, jiya öö ki kany mo bäär, ni møøk käla jï løø wï-piny ni møga käla jï løø kur pänh-cäŋ, ni ö møøki ni kälge paana cwøl ni Cinim.»

Aydheea 66:19

Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Jeremaya 25:25

ki nyeye bëët mo jø Dhimri; ki nyeye bëët mo jø Ilam; ki nyeye bëët mo jø Mëdön;

Jeremaya 31:10

«U na wïth juurre, wïnynyu luum Wuuö Jwøk, ni caannu gø jï mïëri moa kwörge bäyö, ni kööu, ni ‹Eni na keeth jø Icriel, ge cäŋe ka cooŋŋø, ni gwøk geni kaawat man wø ö dïkwääyi wø gwøk pïïth dïëk moe.›

Jeremaya 44:1

'Ba dwøl man aö bäät Jeremaya kiper jø Juuth bëët moa bëëdö Ijep, na bëëdö Migdöl ki Thapinac ki Mempic ki thääŋ ŋööm Ijep ma Patröc, ni kööe,

Jeremaya 49:23

'Ba man beeye luumma caan Wuuö Jwøki kiper Damacka, ena köö, ni «Jø Amath ki jø Arpat wïthge otïmö ni laay, kiper noo wïnyge waac mo reyø. Cwïnyge opädhi ni bëët cwïnyge ni ba pï piny kaamar naam mo yie da athaga.

Edhikiel 27:6

Geni, opääli moï atïïcge ki jera teek na käl kanya cwøl ni Baacan; ni ö jera teek na käl yïth mïëc Caypara moa en bäät naama dwøŋ ni tïïcge ge no opämi mo wø peeth piny iï, no ojiiŋŋø ki lak lïëy.

Edhikiel 29:14

Geni, ge duua wøk ki yi bëët laŋ ni kïtha ge yi ŋööm Ijep mana cwøl ni Patröc, ni beeye ŋöömma beet kwäcge. 'Ba buc nyec marge odwøk piny kaagø.

Edhikiel 30:14

Aani, thääŋ ŋööm Ijep mana cwøl ni Patröc wëëga ränynyö, ni wëëga pääny Dhöän waaŋ ki maac, ni puta pääny Tëbic jääl.

Edhikiel 32:24

«Nyeny Ilam ena kaace, ni bwör mo lwaae moe rege ciel deŋ bwörö mare. Geni bëët gena thøw, ni ge 'näk ko opëëllö. Jøøa wara tïïc mïëri ni lwäär, gena ci tiet ŋøøm ni ge kär daŋø. Geni, lään wïc marge arøm dëëtge, ge ki jøøa no onø ci kar bëët jwïëc jiy moa no othøw.

Edhikiel 38:8

'Ba noo tïme na køør nïne mo thööth, ïïno cwøl baŋ leny. 'Ba noo tïme na yïth cwiiri moo en nyïm, paana näk odøø kare køør leny otugï, ni beege jøøa lem ki røk wïth juurre na duu bäät kïte mo Icriel na bëëdö no oränynyö dïkwøŋ, ni geni bëët ge käl wøk ka røk wïth juurre; 'ba ennø, ge bëët ge bëëdö ni bäŋ gïn lääŋge.

Daniel 1:2

'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.

Daniel 11:18

Køøre eni nyïme løøe baŋ jø wø bëëdö bäät näm, ni mak jiy mo thööth. 'Ba kwääc lwaa leny, apääda mar gø raanynye raanynyø, ni dwøk apääda manøgø wï gø.

Daniel 8:2

'Ba kanya bëëda naa raŋŋa gïna nyooth ki yi wïïa, ajooda naa ena yi kiira näk ogeerø ni teek yi pääny Cuca na en po jø Ilam, ni kanya raŋŋa gïna nyooth ki yi wïïa, ajooda naa ena deŋ naam man wø cwøl no Ulay.

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Odheea 11:11

Geno ööi ki Ijep kaamar weny, ni öge ki ya Aciria kaamar akuyi; ni ge ööi ni dëëtge kwanynyi. Køøre geno wëëga pïïn piny yïth mïëri moge. Luummögø caana aani, a na Wuuö Jwøk.

Mikiya 7:12

Ni kanyo tïme na yïth nïröke, jiy oö baŋu, ni ge käla ya Aciria, ki yïth päänye mo Ijep, ki mano täge ki Ijep bäre, këël mano këët bäät Naam Upareeti. Ni ö møøki ki bäät naama dwøŋ këël bäät naama dwøŋ maya, ni ö moa kwörge bäyö bäät kïte ki bäät kïte møga ni öge.

Jepaniya 2:11

'Ba Wuuö Jwøk oput tïmö na gïr lwär jïge kanyo ö Wuuö Jwøki noo raany juu bëët moa en yi ŋöömge. 'Ba wïth juurre bëët moa en bäät naama dwøŋ cøŋge okëëlge piny nyïm Wuuö Jwøk ni wøørge gø, ni ŋati man nø ena yi ŋööm poge.

Dhekaraya 5:11

Ni løk gø jïra, ni «Ge kïtha gø yi ŋööm Babiløn nee gëënni ki øtø yie. 'Ba kanyo jiiŋ øtø manøgø, eno put bëëtö kare kunece.»

Dhekaraya 8:7

Wuuö Jwøk, eni na wïth jammi bëët, aköö, ni «Ka adïëri møn, aani jiya moa en jï løø kur tuul-cäŋ ki moa en jï løø kur pänh-cäŋ piema piemø,

Dhekaraya 9:2

'Ba ŋööm Amath na kïïö ki mïëyögø di jäälö thuwø, këël mano këët Tayar ki Caydan, këël na bëët mïëri moøgø na mïëri mo wïth jiy moge leer døc.

Wëëlö Mana Göör Pøølli Baŋ Jø Röm 11:15

?'Ba ni näk kwier marge na kwier geni ki gø beeye na cäŋ piny dwøk kanya ciel ki Jwøk, a kanyo jïëc geni, ba put tïmö ni beeye kwøwa eni køør thøø?

Wëëlö Mana Göör Pøølli Baŋ Jø Röm 11:26

Kanyøgø nø jø Icriel bëët opiem. Kaawat mana gööri, ni «Pïëmi oööi ki yi Dhayan, ni käl ataa wøk cwïny jic Jeekap.

2 Körin 3:16

'Ba kany wø ö dhaanhe wø løø ree baŋ Wuuö, abïïnögø odaaø.

Tiet Ciik 9:29

'Ba geni, ge poot na jiyï ni beege thöögï na kälï wøk ki køør teegï na dwøŋ ki teek badï.›