Aydheea 10:4 - Wëël Jwøk

⁴ 'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 10:4 Iomraidhean Croise

Aydheea 22:2

Wui, ï na pääny mo yie päŋ ki dïlweel, ni kwöŋŋö ki met ec dwøŋ yie en! Jiy moï moa thøw, ba thøw ni ge näk ko opëëllö, ni ge ba thøwa ri leny.

Aydheea 24:22

Geno cooŋ kanya ciel, kaamar jø tööc mo otwöö yi buur. Geno twöc, ni cïëk geni øt twöc ki kany mo yie bäär; køøre ge di jäälö ka ajäla mana dwøŋ.

Aydheea 34:3

Ni ö dëëtge moa no othøw ni leeŋi wøk; ni ö bäät kïte ni putge nikwaar ki remge; ni ö rïŋ dëëtge moa no othøw ni ŋwääge no okwäk.

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 66:16

Kiper Wuuö Jwøk jiy bëët jääle jäälö ki maac ko opëëllö mare, ni ö jiyi moo nääe ni tïmge ni thööth.

Aydheea 9:11

Kiper manøgønø, Wuuö Jwøk nyïïmän mo Recin atïïe nee öge bäätge, ni lac geni ki man laarge ö bäätge,

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:16

Kiper dïbwöthe mo jøøi, jiy atïïcge nee gaage wøk, ni ö jiyi moa bwøth ni ränyge.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 9:20

Gïïa en bäät cwïïcge okälge ni camge ge, 'ba käc marge ba riemme, ni kälge moa en bäät cämge thuwø ni camge ge, ni ba jäŋge. Ni ö ŋati man nø ni døø ro obwöre moe ni cam ge.

Aydheea 9:21

Jø Maneeca ge ööa maal bäät jø Ipariem, ni ö jø Ipariemmi ni öge maal bäät jø Maneeca, ni marge døø rege. 'Ba rege ocäŋge dwallø ni nywääkge dëër Juuda. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 15:2

'Ba kanyo pëënyge ïïni, ni ‹?Wa ciwa kaa ŋø?› wär caanï jïge ni mana ŋøl Wuuö Jwøki beeye en, ena köö, «ni ‹Jøøa näk marge thøø, othøw; ni jøøa näk marge ŋaal, oŋaal; ni jøøa näk marge käc, onäk käci; ni jøøa näk marge mäk ki tøŋ, omak ki tøŋ.›

Jeremaya 37:10

Këël doo naa jø leny bëët mo jø Babiløn moa këëdö ki uuni you böötö, ni tïme ni dööŋŋa jiy moa näk dëëtge da ŋwiili keerge, ŋati man nø dïge doo ööa wøk ki yo oduŋkaara mare ni öge maal ni waaŋge paac man.› »

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Odheea 9:12

'Ba ge këël doo jïtö ko obwöre, ge poot nääa nääö, këël mano tïme ni bäŋgø mo dööŋ. 'Ba otïmö ni leth kiperge kanyo wiia geni!»

Ciik Kiper Dïlämme 26:17

Aani dëëtø neenø neenø ki uuni, ni ö nyïïmän mou ni böötge uuni. Jiy moa män ki uuni, uuno bëëdö tietge, ni bëëdu nou böö ni bäŋ ŋat mo oŋwiec køøru.

Tiet Ciik 32:30

?Aŋø, doo na ge kär wec Wuuö Jwøki, Jwøge na teek, na cïp geni ceŋ nyïïmänge, nyimän aciel jø Icriel ma kuma a dee gø riemmø nidïï? ?A nyïïmän ariiø thuwø jiy ma kume apaar a dege gø riemmø nidïï?