Aydheea 10:32 - Wëël Jwøk

³² 'Ba dïcäŋi kiree nyimän apïï Nöp, ni tuuŋ cere ni mare ŋwøc kiper gïno tïïe dëët jø Kïn Dhayan ni beeye Kïn Jerucalem.

Aydheea 10:32 Iomraidhean Croise

2 Luup Nyeye 32:1

'Ba køør tïïe moøgø na näk karge yøø na tïïc Edhekaya, Cenakerëp nyeny Aciria aöö ki jø leny moe ni tuk Juuda, ni ciel päänye mo Juuda dïër moa näk kiiri moge ogeerø ni teek, ni cäde ki man døny yïthge ki teek nee maae na moe.

2 Luup Nyeye 32:2

'Ba kanya ö Edhekaya na joot gø ni Cenakerëp oöö ki man këëde ki jø Jerucalem,

Neemiya 11:32

ka Anathöth, ki Nöp, ka Ananaya,

Aydheea 1:8

'Ba Dhayan awec ni dööŋe ni caala abïl koor man wø dööŋ yi pwödhö, ni caala pääny mo ociel dëëci dïër.

Aydheea 10:24

Kiper manøgønø, Kwäärö Wuuö Jwøk, eni na wïth jammi bëët, aköö, «Wui, u na jiya ni wø bëëdö Dhayan, käru lwäyö ki jø Aciria kanyo öge noo pwötge uuni ka athøra, noo tïŋge athøra marge maal bäätu, kaawat mana tïïc jø Ijepi.

Aydheea 10:31

Jø Matmëna anø bwøk, ni ö jøøa bëëdö Gëëbïm ni nø kaange rege.

Aydheea 11:15

Wuuö Jwøk weel naama dwøŋ mar Ijep taale taalø; cere tïŋe maal bäät Naam Upareeti ki jamø mo lïëth, ni put gø ŋørø na nyeŋŋi abïriiø, ni put tïmö ni ŋøl jiyi ŋølø ki war jaak.

Aydheea 13:2

«Tïŋŋu maal ki ŋïï mar leny bäät kïnna näk bäŋ gïrpiny bääte, ni tïŋu döötu maal nee wïny jø lenynyi, ni tuuŋŋu ceŋŋu na nyuudhi nee jø leny dønyge ki dhøk uudi mo jøøa kwörge døøŋŋø.

Aydheea 16:1

U na jø Möap, jäägu ki nyïïdïëk na ajwäk jï ŋata en paaci cere na en bäät Kïn Dhayan, ni ööu ki pääny Cela nou cura jöör wø cør dï paap.

Aydheea 19:16

'Ba dïcäŋeca, jø Ijep otïmö kaamar mään; dëëtge otïmö ni kwanynyi ki lwär kanyo ö Wuuö Jwøki, eni na wïth jammi bëët, noo tuuŋ cere bäätge.

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Aydheea 29:2

'Ba ï na Ariël, ï wëëga jwør gïï mo leth, ni wëëga ïïni kïmmö ko oduuru, ni tïmï kaamar gïn wø cïp olämme bääte mo ogääbö ki remø.

Aydheea 37:22

dwøl mana caan Wuuö Jwøki kiper nyeny Aciria beeye en, ena köö, «ni ‹Dhayan, ni beeye Jerucalem, na caal nyakøø mo dëër dïcwøø poot kuue, ïïna taae ni päät ïïni, ï na nyeny Aciria, ni keny wïïe ni buua ïïni kanya reŋï.

Aydheea 8:8

Køøre pïï kwönna dï Juuda bäre ni muulö ki dïëre bäre na jwïëö, këël mano päŋe noo këët cwaak, këël mano ö were moe noo gaaŋge na løle ni put ŋööm Juuda bäre thaar, ni beeye ŋöömö marï, ï na Imanuwel.»

Jeremaya 6:23

'Ba ceŋge da athëëre ki tøøŋi. Gena jiy mo näk marge raac døc, ni cwïnyge ba pädhi ki näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge uuni, u na jø Dhayan!»

Mikiya 1:9

Kiper ränynyö mar Cameria caala atwøda mo ba caŋŋi, ni ränynyö manøgø kare onø cäännö ki man pïïe Juuda, këël dhi kiir mar jiya mar Jerucalem.

Dhekaraya 2:9

Ka adïëri møn, cera puta ka tïŋ maal bäätge ni jääla ge, ni ö jøøa näk ege caarø ni twierge ge. Køøre nø, putge ka ŋäc ni bee Wuuö Jwøk, eni na wïth jammi bëët, na jääŋ aani.

1 Camiel 21:1

'Ba Deebit apïï Nöp baŋ Ayemëlëk na näk Kwääy Lam Mana Dwøŋ. Kanyøgønø, Ayemëlëk aö baŋ Deebit ni dëëre miel ki lwär. Ni kö Ayemëlëki jï Deebit, na «?Aŋø ni ööï keerï en ni bäŋ dhaanhø mou cäädhi ka gø?»

1 Camiel 21:2

'Ba Deebit aköö jï Ayemëlëk na näk Kwääy Lam Mana Dwøŋ, ni «Da gïn mo aano kööm nyeya ki gø, ni kööe, ni ‹Kär dee ŋat mo ŋäya gïn ni jääŋŋa ïïni baŋe en, ni beeye gïna köömma ïïni ki gø.› 'Ba jiy moa cääthwa ki geni, da kany mo yaa caanø jïge ni wa røømwa yie ki geni.

1 Camiel 22:19

'Ba Cøøl jiy bëët moa bëëdö Nöp pääny mar dïlämme aput tïïc nee ge 'näk ko opëëllö, ni beege cwøw, ki mään, ko obwöre, ko obwöre moa näk poot dhøøth; këël dhäk, ka arëëni ki dïëk anääe thuwø.

1 Camiel 22:9

'Ba Döweek nyï Ëdöm, na näk cuŋŋö buut jø tïïc mo Cøøl kaagø, mare aløøe ni kööe, ni «Deebit o Jeci ajooda kanya pïïe Nöp baŋ Ayemëlëk wär Akitöp.