Aydheea 10:3 - Wëël Jwøk

³ ?'Ba agïnaŋø noo tïïyu noo tïme na dïcäŋ ajäla, kanyo ö ränynyö no ööe ki kany mo bäär ni ööa bäätu? ?Aŋa noo reŋŋu baŋe kiper køny? ?Jap kwärö mou, owiiu ge kaa?

Aydheea 10:3 Iomraidhean Croise

Wïlöölö 31:1

'Ba Jeekap luup moa car wäät Leeban awïnynye, kanya köge, ni «Jeekap jammi bëët mo wääwa alwøre, ni beege jammi mo wääwa ni kwäre ki geni yøø.»

2 Nyeye 7:15

Køøre gena ci køør jø Aram këël mana pïïcge bäät Naam Jördan; 'ba ka adïëri møn, waŋjöö bäre bëëdö ni päŋ ka abïïe ki jap leny moa leeŋ jø Arammi piny kanya reŋge. Køøre jøøa jääŋŋi gena duuö ni caange gïna jootge jï nyeya.

Jööp 31:14

?agïnaŋø ni daa dwøgø jï Jwøk kanyo pëëny aani? ?Na agïnaŋø ni daa løø jïre kanyo cwøl aani kar løøk?

Pwöc Leec Wïc 11:4

Jap kwärö dhaanhø ba kønyge cäŋ ajäla, 'ba bëët bëënynyö dhaanhø wø käle wøk cer thøø.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 17:4

'Ba noo tïme na dïcäŋeca, ajiem mar nyïïkwaac Jeekap ränynyö, ni ö lørø marge ni tïme na dwadø.

Aydheea 20:6

Kanyøgønø, jiy mo wø bëëdö mïëc jø Pilitin na en deŋ naama dwøŋ ge köö, ni ‹Neennu, jiy moøgø beege jiy moa wara ŋäädhø na wara reŋŋø baŋge kiper køny, nee ø piemge cer nyeny Aciria. ?'Ba ennø, øøni, øøno bødhø nidïï?› »

Aydheea 26:14

'Ba jøøgø gena thøw, ni ge ba kwøw këët, ni jwïëcge ba duu maal këët! Kiper gena jäälï ni dïïrï wïthge, ni tïïyï ge nee wïc ba par ki geni këët na bäre bäre.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 28:20

Uuno tïmö kaamar dhaanhø mo obut bäät pëëm mo ciek døc ni ba løny ki man rwiec tiete yie, mo dïmalïïcu mare thiinh døc ni ba løny ki man uum dëëre bäre.

Aydheea 29:6

Kwäärö Wuuö Jwøk, eni na wïth jammi bëët, oööi ni cwöba røk, ni jääl ïïni ki køth mo märö, ki dïjäŋ piny, ki dwøl mo löörö, ka atuunna, ki køth mo ree da atuunna, ki maac mo räänyö.

Aydheea 30:16

Uuna köö, ni ‹Ba løny, wa päära wøk ko okwëëc lääy, wa päära wøk ko okwëëc lääy mo rïïŋö døc.› Wøp nø, uuno päär wøk! 'Ba jiy moo rïŋ køøru ge rïïŋö døc ni kaala uuni.

Aydheea 30:5

ge bëët wïthge olääy kiper mano tïme ni bäŋ køny wala bëënynyö mo jootge joodø baŋ jøøa ŋääthge; 'ba otïmö ni beeye lään wïc keere ka ajøøŋ noo pïï bäätge.»

Aydheea 30:7

kiper køny mar Ijep bäŋ tiere. Kiper manøgønø, ena cwøla ni «Reeyap na näk bäŋ gïn mo løny ki tïïc jïre.»

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 39:3

Køøre nyikuŋ Jwøk ma Aydheea aö baŋ nyeya ma Edhekaya ni kööe jïgø, na «?Aŋø, jøøgø ge carge ŋø? ?Ge kälge kaa?» Ni løgi ya Edhekaya, ni «Gena ö baŋa ni ge käla paac mo bäär døc; ge käla Babiløn.»

Aydheea 5:14

Kiper manøgønø, kar bëët jwïëc jøøa no othøw, yie di tïïö ni laac, ni jap dhee døc ni päl, ni ö jø Jerucalemmi moa kwörge døøŋŋø, ki jiy moe bëët mo wø lweelli kwör maath, ki mo wø bëëdö ni yïthge met jaak ni wïthge owïl, ni päthge yie.

Aydheea 5:26

Eni ŋïï mare tïŋe maal nee joot wïth juurre moa kwörge bäyö, ni cwøl nyïïmän moa en teegi mo piny ki dwør lwiyø, nee laarge ö ni ge rwäänhnhö,

Jeremaya 22:7

Aani, jøw oraany ïïni jääŋŋa jääŋŋö baŋï, ni ŋati man nø cere da jap leny moe; ni öörge jer geer moï wøk moa beyø, ni leeŋge geni yi maac.

Jeremaya 4:30

?A ïïni nø, ï na Jerucalem na no oränynyö, agïnaŋø noo tïïyï? Këël na røyï abïï kït, ni døøyï dëërï mo mïërö ki warkey, ni rwøthï buny nyeŋŋï, ï døøya dëërï mo mïërö ki jaak. Cwøw mo wø many ïïni, ïïna kwierge, ni tïmge ni ge manynya man 'näkge ïïni.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 9:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Odheea 5:13

'Ba kanya ö jø Ipariemmi ki jø Juuda na jootge gø ni gïï mo leth opïï dëëtge, jø Ipariem nyïmge aløøge baŋ Aciria, ni jääkge baŋe, eni na nyeya mana dwøŋ kiper nee jïtge ki køny. 'Ba ba løny jï nyeny Aciria ki man køny ge ki gïïa leth na en bäätge.

Odheea 9:5

?Agïnaŋø noo tïïyu yïth cääŋŋe moa no ocïp piny ni wø wøør jï Wuuö Jwøk?

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Amøc 5:19

Otïmö keda dhaanhø mo ŋwieya ŋuu, ni røømme ki cwieny; køøre noo døny yi øde ni këël cere ri øtø, eni put thwölli ka cam.

Mikiya 7:4

ŋata no okøø dïge ni beerra eni døc caala koodhø, ni ŋata no okøø ni mare thïïŋ døc, rääye kaala koodhi mo olöör piny. 'Ba uuni, cäŋ mana caan jø koorri ma nyïïkuk Jwøk öö, ni beeye ööny ajäla maru, ni ö paaci ni jïte ko okiera.

Jepaniya 1:18

Bäŋ gwel-bïrö marge wala warkey marge mo løny jïre ki man piem geni yi cäŋ wëër mar Wuuö Jwøk; piny bäre ränynyö ki maa këëny cwïny mare, kiper eni jø bäät piny bëët thööre thöörö ki 'näk ki jöö mo di lwäärö.

Luk 19:44

ni gøcge u ki piny, ni beeye uuni ki nyïïu. Ni bäŋ kïdi aciel mo dege wii bäät kïdi mør pou, kiper mana käru lïïmmö mar Jwøk ŋiiø mana lïïmme baŋu.»

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.