Aydheea 10:27 - Wëël Jwøk

²⁷ 'Ba dïcäŋeca, tëër mana peek mar nyeny Aciria otïŋ maal göögu, ni ö jaath puurri mare man wø rïï ŋut, ni käli wøk ŋutu, ni ö jaath puurri manøgø ni toore kiper lørø maru.

Aydheea 10:27 Iomraidhean Croise

2 Camiel 1:21

«Wui, ï na Kïn Gilböa, beerra man tïme ni bäŋ thööy wala køth bäätï, ni ö pwöthi moa en bäätï ni bäŋe caammi mo ciek yïthge. Kiper kööde mo leny mo jøøa teek adööŋ piny bäätï kaace no onipäät jaak, ni ö kwöt leny mar Cøøl ni käri wïïrö ki maaw këët.

Aydheea 14:25

Aciria nyøra nyørø ni raanynya gø yi ŋöömö mara bäät kïte 'moa. Gïïa leth na tïïe na caal jaath puur man wø rïï ŋut dhieŋ di paanyø bäät jiya, ni ö tëërri mare na peek ni tïŋi maal göök jiya.

Aydheea 30:23

Køøre nø, Wuuö Jwøk køth ojääŋŋe jïïu kiper köödhi moo piithu yi ŋöömö, ni ö jammi moo ciek yi ŋöömö ni duunne jïïu ki cam mo päl. 'Ba dïcäŋece, lääc paac mou geno cämö kar kwaath mo laac.

Aydheea 37:35

'Ba aani, a na Wuuö Jwøk, pääny man gwøa gwøø ni piema gø kiper nyeŋŋa ki nyeŋ dhaanhnha ma Deebit.»

Aydheea 52:2

Wui ï na Jerucalem, ï na näk omaa ki tøŋ, teeŋ tør wøk dëërï nø, ni ööï maal! Wui ï na Dhayan na caal nyakøø, ï na näk omaa ki tøŋ, pät oguudi wøk nø moa no otwöö cwaagï.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Jeremaya 30:8

«'Ba Wuuö Jwøk, eni na wïth jammi bëët, aköö, ni ‹Kanyo tïme na dïcäŋöce, teek dïïm mana en bäätge na caal jaath puur man wø twöö ŋut rwaath raanynya raanynyø, ni päda geni, ni bëëtge ni ge patha laaŋe këët jï jiy mo path.

Edhikiel 30:18

'Ba kanyo raanynya teek mar Ijep, muudhö onijïïm bäät Thapinac, ni ö teeki mare man wø tööde kipere ni ŋøle kaace. Eni rïëp pøølli rïëbö, ni ö atude moe ni mak geni ki tøŋ.

Ciik Kiper Dïlämme 7:35

Gïïögø beege gïïa cïp kur keerge jï Aran ki wääte dïcäŋa nyooth geni ki man tïnyge Wuuö Jwøk ni gena dïlämme, ni gïïögø lwørra røk olämme mo wø waaŋ ki maac jï Wuuö Jwøk.

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Jøøn 1:41

Ni cøøe ni kwøŋ coki ma Cayman joot, ni kööe jïgø, «Waani Macaaya ajootwa;» na näk tiere beeye Krictø.

Moa Tïïc Nyïïatwieli 4:27

Kiper ka adïëri møn, yi paani en, Eerat ki Pøntia Paylat, ki juurre ki jø Icriel, gena dwätö ni nywääkge dëër Dhaanhnhï ma Jecu na en kur keere, na näk iï jierø.

1 Jøøn 2:20

'Ba uuni, uuna jør ŋata en kur keere na näk mar Jwøk ki maaw, ni jammi bëët ŋäyu.

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.