Aydheea 10:24 - Wëël Jwøk

²⁴ Kiper manøgønø, Kwäärö Wuuö Jwøk, eni na wïth jammi bëët, aköö, «Wui, u na jiya ni wø bëëdö Dhayan, käru lwäyö ki jø Aciria kanyo öge noo pwötge uuni ka athøra, noo tïŋge athøra marge maal bäätu, kaawat mana tïïc jø Ijepi.

Aydheea 10:24 Iomraidhean Croise

2 Nyeye 19:6

'Ba Aydheea aköö jïge, ni «Wär caannu jï nyeya maru, ni man beeye dwør Wuuö Jwøk, ena köö, ni ‹Käru lwäyö kiper luubö mana wïnynyu, na ö jic nyeny Aciria na janyge aani ki gø.

Bwøth Wøk 14:9

'Ba jø Ijep aläp køør jø Icriel ko okwëënyi mo Peerø bëët ki jïëthe moe mo wø tut okwëënyi, ki jø okwëënyi moe, ki lwaak mar leny mare, ni maage ge bäät Naama Kwaar kanya näk twïër marge ege tïïö yie nyïm Pii-Ayröt na näk dïët ki Baal-Dhapön.

Bwøth Wøk 5:14

Køøre thuwø, wïth jø tïïe na näk jø Icriel, na näk orøøny jic Peerø mo wø käär tïïe nee bëëtge na wïthge, atïmö ni ge di pöötö ni ge di pëënynyö, na «?Aperŋø na ba thööru kwään thuube moa näk okwaanø ya awääre wala dïcäŋi, kaawat mana wara kwøŋu tïïc cøøn?»

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 14:29

«Wui, u na jø Pilitin u bëët, kär yïthu mïnnö kiper mana toor athøra mana pwöt uuni ki gø, kiper athøra manøgø otïmö na thwöl mo olwierø mo wïnni døc, ni ö nyi thwör olwierø manøgø ni tïme na thwöl mo määdö.

Aydheea 27:7

?Aŋø, Wuuö Jwøk jiye ajääle na bëëde, kaawat mana jääl nyïïmän moge? Wala jiye ma jø Icriel anääe na bëëde, ka teeŋ mana näk nyïïmän moge?

Aydheea 30:19

Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 30:32

'Ba kanyo ö Wuuö Jwøki noo pwöt jø Aciria ka athøra ni jääla geni, noo wëëk teek bade ööny piny noo tïïc leny bäät Aciria, otïmö ni wïnynya dööt anëët ki dööt thøme mo meeŋ ki baŋ jø Icriel.

Aydheea 35:4

Caannu jï jøø ni cwïnyge olwäyö yøø, ni kööu, ni «Magu cwïnynyu ni ba lwäyu. Ka adïëri møn, Jwøk maru ööa baŋ ajäla, eni öö kuna cool kwöri mou, ni piem uuni.»

Aydheea 37:22

dwøl mana caan Wuuö Jwøki kiper nyeny Aciria beeye en, ena köö, «ni ‹Dhayan, ni beeye Jerucalem, na caal nyakøø mo dëër dïcwøø poot kuue, ïïna taae ni päät ïïni, ï na nyeny Aciria, ni keny wïïe ni buua ïïni kanya reŋï.

Aydheea 37:6

'Ba Aydheea aköö jïge, ni «Wär caannu jï nyeya maru ni man beeye dwør Wuuö Jwøk, ena köö, ni ‹Käru lwäyö kiper luubö mana wïnynyu, na ö jic nyeny Aciria na janyge aani ki gø.

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 51:13

?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 7:4

Ni caanï gø jïre, ni ‹Gwøk riï, ni cïbï cwïnyï piny, ni ba lwäyï, ni ö cwïnyï ni ba pädhe kiper wëër mar Recin ki jiye ma jø Aram, ki wëër mar o Remaliya, jøøgø na ariiø yøø ni caal dhøk ameethi ariiø mo marge duuŋ jaak.

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Mikiya 5:5

ni bee eni noo käl bëët-mëër. 'Ba kanyo ö jø Aciria noo öge yi ŋöömö marø, noo nyøønge paan dwøŋ ki tietge, øøni, ø puta jääk baŋge ki dïbwöthe moa teek mo leny.