Aydheea 10:20 - Wëël Jwøk

²⁰ 'Ba noo tïme na dïcäŋeca, jø Icriel moo dööŋ ni kwøw, na bøth ri dhi øt Jeekap, otïmö ni ge ba göök ri jiy moa thöör geni këët, 'ba ge puta göök ri Wuuö Jwøk, Jwø Icriel na en kur keere na adïëri møn.

Aydheea 10:20 Iomraidhean Croise

2 Nyeye 16:7

Kanyøgønø, Eeyeth ajääk baŋ Tiglat-Pilëëcër nyeny Aciria, ni kööe, ni «Aani, aana dhaanhnhï ni näga wäädï; ö kuna kønyï aani cer nyeny Aram ki cer nyeny Icriel, ge ni këëdi ki aani en.»

2 Nyeye 19:31

Kiper da jiy mo dööŋ mo tuula wøk ki yi Jerucalem ki bäät Kïn Dhayan. 'Ba gïnögø otïïc Wuuö Jwøki, eni na wïth jammi bëët, ki køør këëyö mare.

2 Luup Nyeye 14:11

Køøre Aca Wuuö Jwøk Jwøk mare akwaae, ni kööe, ni «Wui Wuuö Jwøk, bäŋ ŋat mør këët mo køny jøøa jïge bäŋ teek kany wø këëtge ki jøøa jïge da teek, 'ba bee ïïni keerï. Wui Wuuö Jwøk Jwøk marwa, køny waani, kiper wa ŋäätha ïïni. 'Ba ki køør mana ŋääthwa nyeŋŋï, waana ö baŋ leny ki jøøi ni thööth ii. Wui Wuuö Jwøk, bee ï na Jwøk marwa; beerra man ba ö jiyi ni böötge ïïni.»

2 Luup Nyeye 28:16

'Ba na tïme na kaagø, nyeya ma Eeyeth ajääk baŋ nyeny Aciria kiper køny.

2 Luup Nyeye 28:20

Køøre Tiglat-Pilëëcër nyeny Aciria aöö ni tïme ni tïïya gïn mo raac dëër Eeyeth ni ba køny gø.

Edhera 9:14

?A ennø, ciik moï cäŋwa ka kaallø, ni nywømwa dëëtwa ki juurre moøgø ni wø tïïö ki gïïögø ni raac eci ki ge yøø? ?A ïïni, ï ba wëër ki waani ni raanynyï wa këël mano tïme ni bäŋ dhaanhø mo dööŋ wala mo bøth?

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 11:16

Kanyøgø otïmö ni da jöö mo dwøŋ man ŋun jiyi moe ki yie moa no odööŋ ni kwøw ya Aciria, kaawat mana tïïe kiper jø Icriel kanya öge wøk ki Ijep.

Aydheea 37:4

'Ba kiper manøgønø, beerra man lämï jï Wuuö Jwøk, Jwøk marï, kiper jiy moa no odööŋ ni kwøw. Kanymør ni Wuuö Jwøk, Jwøk marï, luup bëët moa caan kwääy lwaa leny wïnynye wïnynyö, ni beeye ŋata jääŋ nyeny Aciria nee eni na Jwøa kwøw pääde, ni ö eni na Wuuö Jwøk ni jook luupa wïnynye na car ŋatøgø.› »

Aydheea 46:3

«Wui, jø dhi øt Jeekap, cegu ïthu ki mara, u na jø dhi øt Icriel moa no odööŋ, u na käära ki mana täge nou ena ec, naa poot bëëdö naa käära uuni ennø ki mana täge ki kanya nywøl uuni;

Aydheea 50:10

?Aŋa dïïu ni lwäär ki Wuuö Jwøk, na jïëc luum dhaanhnhe mana näk ee jierø, ni cäädhi ka yi muudhö ni bäŋ tar jïre? Beerra man ö eni ni ŋääth Wuuö Jwøk, ni bëëde no ogöök ri Jwøk mare.

Aydheea 6:13

'Ba këël ni näk mo dööŋŋa dhaanhø aciel ki ra apaar yi ŋöömmögø, poot cäŋa waaŋ; ni tïmge kaamar jaath mo teek kanyo ŋødi piny ni dööŋ gutö mare. 'Ba gutö manøgø beeye noo tïmö na kunhnhö mana näk ena kur keere.»

Jeremaya 3:23

Ka adïëri møn, wa cøøga rewa jaak ki mana tïïwa ki kwör lam bäät thuuri, ni 'näkwa rewa ki dïlweel bäät kïte. 'Ba ka adïëri møn, ï na Wuuö Jwøk, Jwøk marwa, beeye ïïni noo piem waani, wa jø Icriel.

Jeremaya 44:14

'Ba ki røk jø Juuda moa dööŋ na aay nee bëëtge Ijep, bäŋgø mo bøth, ni bäŋgø mo dööŋ ni kwøw mo døøa yi ŋööm Juuda mana manyge ki cwïnyge ni ge døøa yie nee bëëtge yie. Geni, bäŋgø mo døøk, 'ba beege mo nøk keerge noo døøk.»

Odheea 14:3

Nyeny Aciria wa ba kønye, wa ba eth bäät okwëëc leny këët; ni jammi moa tïïcwa ki ceŋwa ba cwølwa këët ni ‹Jwøk marwa,› kiper beeye ïïni ni wø nyooth bäth ec marï jï kïïe.»

Odheea 5:13

'Ba kanya ö jø Ipariemmi ki jø Juuda na jootge gø ni gïï mo leth opïï dëëtge, jø Ipariem nyïmge aløøge baŋ Aciria, ni jääkge baŋe, eni na nyeya mana dwøŋ kiper nee jïtge ki køny. 'Ba ba løny jï nyeny Aciria ki man køny ge ki gïïa leth na en bäätge.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»