Aydheea 10:2 - Wëël Jwøk

² nee luup jøøa näk jïge bäŋ teek na can nee ba ŋølge na kare, ni teek bëëtö mar jiya moa can ba gwøkge; nee bëëtge ni ge møønna määr thuunhnhi, ni jap kïïe twierge twierø.

Aydheea 10:2 Iomraidhean Croise

Jööp 31:16

«'Ba aani, gïïa many jøøa canni kära mänö, ni waŋ cï thøø kära tïïö ni can;

Bwøth Wøk 23:6

«Luum ŋata can kär kaatï kar løøk.

Pwöc Leec Wïc 22:22

Kär niï twiera ŋata can kiper na cane, ni ba thielï luubö piny mar ŋata näk jïre bäŋ teek kar løøk;

Pwöc Leec Wïc 30:14

Da jiy mo lakge otïïö ni beth kaamar opëëllö, ni nyämme moge otïïö ni caala caakïïne, nee jøøa can ki jøøa näk ocaarø løønyge yïthakic jiy bäät piny.

Aydheea 1:17

ni kwänynyu ki man tïïyu jammi moa beyø. Bëëdu nou tïïya ŋøl ma kare, ni joogu jøøa no ogäy. Cuŋŋu løø kïïe ki määr thuunhnhi.»

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 29:21

ni beege jø wø kïth luup bäät jiy ni wø kat luup kar løøk, ni ge cara luup tööt, kiper nee jøøa marge tiir nee ba ŋunni kar løøk.

Aydheea 3:14

Ni ö Wuuö Jwøki ni täge ki løøk ki jø døøŋŋø ki dïbwöthe mo jiy moe, ni kööe, ni «Bee u ki dëëtu na raany pwöth omøki, ni jammi moa twierru baŋ jøøa can ena yïth mïëri mou.

Aydheea 3:15

?Tiere ŋø cøøn ni thielu jiy 'moa piny en, ni røtu täärnyïm jiy moa can ki yïth ŋøøm?» Manøgø caana Wuuö Jwøki, eni na wïth jammi bëët.

Aydheea 32:6

Kiper ŋat mo wïïe ba leer cara luup mo oballe jaak, ni rääö man wø en cwïnye okadhø, ni bëëdö ni temma raay, ni Jwøk ee kwierø, ni cara gïï mo reyø dëër Wuuö Jwøk; ni tïïya dhaanhø mo onäk käci nee ba jääŋe, ni judha pïï wøk dhi dhaanhø mo onäk riewi.

Aydheea 5:23

jø wø jïëc luum dhaanhø mo mare raac ki køør gïn wø cïp ki piny, ni wø kwier luum ŋata beer na mare thïïŋ.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Aydheea 59:15

Kare møn, adïëri arwäänyö, ni ö ŋat wø kwier bëët raay ni tïme ni di caannø. 'Ba kanya ö Wuuö Jwøki na joot gø ni bäŋ ŋøl luup ma kare, yie atïmö ni raac.

Jeremaya 7:6

ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Wëël Kïmmö 3:35

ki kany wø tïm bëët dhaanhø ni kär koorø ki nyïm Jwøa Dwøŋ ni en Maal,

Edhikiel 22:7

Jiy moï bäŋ wödö mo tïïcge kiper wëëe ki mëëe yi paayø; ge bëëdö ni wëëlle caarge caarø, ni ge tïïö ki gïï mo reyø dëët kïïe ki määr thuunhnhi.

Amøc 2:6

Wuuö Jwøk aköö na ennø, ni «Kiper mana ö jø Icrielli na kaathge bääyö marge, a ba døø ŋääa ki man jääla geni, kiper ŋata beer wø gathge gadhø kiper pïïn gwel, ni gathge ŋata can kiper pïïn war.

Amøc 2:7

Wï ŋata näk oööl wø nyøønge piny yi tør, ni kierge wïth jøøa mwöl. Ni ö dhaanhe ki wänni ni cige baŋ dhaagø aciel, kiper nee nyeŋŋa na en kur keere nee raanyge.

Amøc 5:19

Otïmö keda dhaanhø mo ŋwieya ŋuu, ni røømme ki cwieny; køøre noo døny yi øde ni këël cere ri øtø, eni put thwölli ka cam.

Mikiya 3:1

'Ba aana köö, ni «U na dïbwöthe mo nyïïkwaac Jeekap, ki u na kwääri moge, ge na jø Icriel, ennø, wïnynyu gïn. ?Aŋø, paa u na doo ŋäc ŋøl ma adïëri?

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.