Aydheea 10:17 - Wëël Jwøk

¹⁷ Eni na näk tar mar Icriel otïmö na maac, ni ö eni na en kur keere ni tïme na leep maac. Ni ö maaøgø ni put koodhi ko otwel mo Aciria thöör ki dïcäŋ aciel keere.

Aydheea 10:17 Iomraidhean Croise

Dut Pwøc 27:1

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 27:4

Aani, a ba wëër ki gø këët. 'Ba ni näk mo da ŋat mo känna bääta ko otwel ki koodhi ni mare leny, aani, ge nyøøna piny ni puta ge waaŋ na bäre bäre.

Aydheea 27:7

?Aŋø, Wuuö Jwøk jiye ajääle na bëëde, kaawat mana jääl nyïïmän moge? Wala jiye ma jø Icriel anääe na bëëde, ka teeŋ mana näk nyïïmän moge?

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 31:9

'Ba man beeye dwør Wuuö Jwøk, na näk maac mare ena Dhayan, ni këën maac mare man wø liel døc ena Jerucalem, ena köö, ni «Kïn gwøk røk mana teek mar jø Aciria pädhö ki køør böök, ni ö kwääri mo lwaa leny moge ni lwäcge døc kanyo neenge ŋïï mar leny.»

Aydheea 33:12

Wïth juurre owaaŋ ni tïmge na bur, kaamar man wø waaŋ koodhi mo oŋøt piny.

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 37:23

?Aŋa nø na päätï na janynyï? ?Aŋa na kwöŋŋï bääte, na ŋuuï nyeŋŋï wøk bääte niï töödö? ?Paa bääta, a na Jwø Icriel na en kur keere?

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Aydheea 47:14

Neenï, jøøgø, ge tïmö kaamar luum mo otal, ni waaŋi ya maaci. Geni, ge ba løny ki man piemge dëëtge cer teek leep maac. 'Ba manøgø paa maac mo di juŋö ki gø, ni paa maac mo pïïa piny deŋŋe.

Aydheea 60:19

Kanyøgønø, otïmö ni patha cäŋ këët noo cïp tar jïrï, ni patha tar mar dwääy noo rieny bäätï; 'ba a na Wuuö Jwøk, aano tïmö na tar marï mano bëëdö na bäre bäre; a na Jwøk marï, aano tïmö ni aana ajiem marï.

Aydheea 66:24

Køøre geno ci wøk ni raŋge dëët jiy moa no othøw na gëëmö ki aani. Kiper twöŋi moo cam dëëtge ba thøw, ni ö maaci mana jääl ge ki gø ni bëëde ni ba bïp, ni putge tïmö na gïn mo raac døc ki baŋ jiy bëët.»

Aydheea 9:18

Ka adïëri møn, bëët rääö wääŋö kaamar maac, ni wø thöör otwel ki koodhi, ni tïme ni caala maa dwaar kany wø waaŋ lul, ni ö jïrö mare ni neetul maal.

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.

Jepaniya 1:18

Bäŋ gwel-bïrö marge wala warkey marge mo løny jïre ki man piem geni yi cäŋ wëër mar Wuuö Jwøk; piny bäre ränynyö ki maa këëny cwïny mare, kiper eni jø bäät piny bëët thööre thöörö ki 'näk ki jöö mo di lwäärö.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Kwään Jiy 16:35

Ni put maaci öö ki baŋ Wuuö Jwøk thuwø, ni thöör jøøa näk dïpe ariiø ki pïërabïïc moa cïpö ki gïna näk jïye ŋwääi ni met.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Tiet Ciik 4:24

Kiper Wuuö Jwøk na näk Jwøu beeye Jwøk ma ŋat keec, ni caala maac ni wø thöör jiy.

Ibaru 12:29

Kiper Jwøk marø beeye maa wø räänyö.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.

Mana Nyooth 22:5

Ni bäŋe wäär këët. Ni bäŋ däär lamba mo manyge wala tac cäŋ, kiper Kwäärö Wuuö Jwøk tïmö na tar marge. 'Ba geno bëënni këël na bäre bäre.