Aydheea 10:13 - Wëël Jwøk

¹³ Kiper nyeny Aciria onø köö, ni «Ki køør teek bada ki riek waŋ mara gïnögø atïïa, kiper aani gïnögø tiere yaa nø kwany. Aani, nyeŋ kee mo wïth juurre yaa nø raanynyø, ni twiera jammi moa en jïge. Aani, mïëc nyeye moge adïïma ki teek mara.

Aydheea 10:13 Iomraidhean Croise

2 Nyeye 15:29

'Ba ki yïth nïne moa bëët Peka ni ena nyeny Icriel, Tiglat-Pilëëcër nyeny Aciria aöö ni mak päänye moa cwøl ni Ijöön, ki Abël-Bëëth-Maika, ki Janöa, ki Këdëc, ka Adhör, ki ŋööm Gelät ki ŋööm Galili, ni beeye ŋööm jø tuuŋ Naptali bäre; ni mak jiy ki tøŋ ni kïth ge ya Aciria.

2 Nyeye 16:8

Køøre, Eeyeth gwel-bïrö ki warkey moa joot Øt Wuuö Jwøk ki moa joot kwör kän moa en øt nyec, alwøre ni jääŋ ge baŋ nyeny Aciria na muuy.

2 Nyeye 17:24

'Ba nyeny Aciria akännö ki jiy ki Babiløn ki Kuta, ka Awi, ka Amath, ki Cepar-Waym, ni kïth ge yïth päänye mo Cameria nee bëëtge kwöra wara bëët jø Icrielli yïthge; ni put Cameria tïmö na marge, ni putge bëëtö yïth päänye moe.

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

2 Nyeye 18:11

Køøre nyeny Aciria jø Icriel amaae ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

2 Nyeye 18:15

Ni ö Edhekaya ni cïp gwel-bïrö bäre mana joot yi Øt Wuuö Jwøk, ki moa joot kwör kän moa en yi øt nyec.

2 Nyeye 18:32

këël kanyo ööa noo käla uuni noo kïtha uuni yi ŋöömö mo caala ŋöömö maru, ni beeye ŋöömö mo beel ki nyïïomøki ciek yie; mo yie da caammi, ki pwöth nyïïomøki, ki jenni mo wø nyïïge wel na maaw, ki maar kïc; kiper nou bëëdu nou kwøw, nou ba thøw.› 'Ba kany wø kö Edhekaya, ni ‹Wuuö Jwøk ø pieme piemø,› kär luumme wïnynyu, kiper eni løøa wïthu wøk.

1 Luup Nyeye 5:26

Kiper manøgønø, Jwø Icriel atïïö cwïny Puul nyeny Aciria, ni beeye Tiglat-Pilëëcër, ni mak ge ki tøŋ ni käl geni, ni beege jø tuuŋ Ruben ki jø tuuŋ Gaat ki thääŋ jø tuuŋ Maneeca, ni kïth geni ya Alay ka Abör ka Ara ki bäät Naam Gödhan, ni putge bëëte yie këël dïcäŋi en.

Pwöc Leec Wïc 28:11

Ŋat mo okwär wø cädö ni wïïe leer ki jïre, 'ba ŋat mo can mo wïïe da acaara, gïïa en cwïny ŋatøgø di joodø.

Aydheea 10:8

Kiper ena köö, na «?Aŋø, kwääc lwaae mo leny 'moa, paa nyeye bëët?

Aydheea 5:21

Otïmö ni leth jï jø wø köö ni leerra wïthge keerge, ni wø car riek waŋ marge keerge.

Jeremaya 46:8

Jø leny mo Ijep bwönna wøk kaamar pï naam poge ma Nail, ni ge rïïŋi kaawat man wø rïïŋ pï nämmi mo kwödö ko odhäny. Ni köge, ni ‹Wa bwönna wøk, ni pääŋwa piny bäre; ka adïëri møn, päänye bëët ki jø wø bëëdö yïthge raanywa raanynyø.›

Jeremaya 48:14

«?U na jø Möap, aŋø ni wø kööu, ni ‹Waano otëëe, ni waana jiy mo këëdö ki leny mo teek.›?»

Edhikiel 25:3

ni kööï jïge, ni ‹Wïnynyu dwør Kwäärö Wuuö Jwøk.› Man beeye luumma caan Kwäärö Wuuö Jwøk, ena köö, ni ‹Kiper mana ŋeethu bäät øt lam mara na en kur keere kanya päädi, ki mana ŋeethu bäät ŋööm Icriel na dööŋe no oränynyö, ki mana ŋeethu bäät mäk mar jø Juuda kanya mak geni ki tøŋ,

Edhikiel 26:2

«Wär Dhaanhø, pääny Tayar aŋeethø bäät Jerucalem ni kööe, ni ‹Dhøk kiir mo wø duny wïth juurre yi Jerucalem ki yïthge atoor piny, ni dööŋge ni ŋaam jïra. Ennø, ena ränynyö, 'ba aani, a kwär nø.›

Edhikiel 29:3

Caanï jïre ni kööï, ni man bee luumma caan Kwäärö Wuuö Jwøk, ena köö, « ‹Ka adïëri møn, ï na Peerø nyeny Ijep, ï jääla jäälö; ï ni bëëdö kaamar lääna dwøŋ, ni ïïno but piny yïthakic nyeŋ näm moï, ni kööï, ni «Naam Nail bee mara, ni eni tïïa kaper dëëra.»

Edhikiel 35:13

Ïïna cäänö niï töödö bääta ki luup mo thööth, ni wïnynya luup moï.

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Daniel 4:30

ena köö, na «?Aŋø, man paa beeye Babiløn na dwøŋ na geera, ni beeye kar bëët nyec na geera ki teek mara na dwøŋ, na gïr ajiem mar dööŋ kar mara, a na nyeya?»

Amøc 5:27

Kiper manøgø nø, u wëëga mak ki tøŋ ni kïth uuni ŋää Damacka.» Luummögø caana Wuuö Jwøki, eni na wïth jammi bëët.

Amøc 6:13

Uuna tïmö nou töödö kiper mana magu pääny Lödebaar, nou cäänö thuwø, ni «Kaarnam amakwa ki teek marwa.»

Abakuk 1:11

Køøre ki kany mo thiinh ge puta nimany kaamar jamø, ni laarge pöödhö. 'Ba ge di kwaanø ni geno bääyö, ge na teek marge ege tïïö na jwøk marge.»

Abakuk 1:16

Kiper manøgø nø, ge wø cïpö ko olämme jï ajääpi moge, ni wääŋge ki gïn wø jïye ŋwääi ni met jï ajääpi moge, kiper beeye ki køør gïïögø na jïtge ki kwärö, ni tïm cam marge ni päl.

Abakuk 2:6

«?Aŋø, jøøi bëët ii, jøøgø ba cäŋge ki duut aŋaada, ni marge abuua ni ge jøøŋŋa geni, ni köge, ‹Otïmö ni raac jï jø wø löör jammi piny jïge mo paa moge. Kiper akëël kany mo nyïëdi noo bëëtge ni dëëtge thørge thørø ki jap dïgïti?›

Tiet Ciik 8:17

Kanymør u köö ki cwïnynyu, ni ‹Beeye riek waŋ marwa ki teek bäätwa na tïïc japi ni thööth ii jïwa.›

Pïëmme 7:2

'Ba Wuuö Jwøk aköö jï Gidien, ni «Jø leny moøgø ni buutï yøø, atïmö ni thööth døc ki man cïba jø Midien ceŋge, kiper kanymør jø Icriel ŋwöö jaak ni köge, ni ‹Waani, jø Midien aböötwa ki teek marwa keerwa.›