Aydheea 10:1 - Wëël Jwøk

¹ Wui, otïmö ni leth jï jø wø kän wøk ki ciik mo reyø, ki jø wø ŋudö ki luup mo ba tiir,

Aydheea 10:1 Iomraidhean Croise

1 Nyeye 21:13

Køøre jiy ariiø mo wïthge reyø gena öö ni pïge piny nyïme. Ni ö jøøgø ni wïthge reyø yøø ni cäänge ki luup dëër Naböth nyïm jiy ni köge, ni «Naböth Jwøk ki nyeya ajanynye.» Køøre ena put jiyi kïth wøk ŋää pääny, ni këërge gø ki kïte, ni put thøø.

Bwøth Wøk 23:3

Kär dhaanhø cwagï kar løøk kiper can mare.

Bwøth Wøk 23:6

«Luum ŋata can kär kaatï kar løøk.

Aydheea 29:21

ni beege jø wø kïth luup bäät jiy ni wø kat luup kar løøk, ni ge cara luup tööt, kiper nee jøøa marge tiir nee ba ŋunni kar løøk.

Aydheea 3:11

Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Aydheea 3:14

Ni ö Wuuö Jwøki ni täge ki løøk ki jø døøŋŋø ki dïbwöthe mo jiy moe, ni kööe, ni «Bee u ki dëëtu na raany pwöth omøki, ni jammi moa twierru baŋ jøøa can ena yïth mïëri mou.

Aydheea 5:11

Otïmö ni leth jï jø wø päny maal ka amöölla døc, ni wø läät bäät kwøŋ moa keec, jø wø këët dïwäär ni ge mädhö ni wø meeyi døc.

Aydheea 5:18

'Ba otïmö ni leth jï jø wø tuut raay bäätge ki jöör tööt, kaawat man wø tuut gïrpiny bäädi ki thøøl, ni wø tuut rääö bäätge kaawat man wø tuut jää okweeny,

Aydheea 5:23

jø wø jïëc luum dhaanhø mo mare raac ki køør gïn wø cïp ki piny, ni wø kwier luum ŋata beer na mare thïïŋ.

Aydheea 5:8

'Ba otïmö ni leth jïïu, u ni wø meet uudi mou ki uudi møøk, ni wø mëën bäät pwöth mou ki pwöth møøk, ni tïme ni bäŋ kany mo dööŋ jï jiy møga, ni dööŋŋa u keeru yi ŋöömö manøgø.

Aydheea 59:13

ni beege tïïc gïïa reyø, ki mooŋ Wuuö Jwøk, ki løø nyïm wøk ki Jwøk marø; ka acoona mar caar jiy, ka ageem, ki car luup tööt mo wø cooŋø ki yïth cwïnynyø.

Aydheea 59:4

Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Jeremaya 22:13

Wuuö Jwøk aköö, no «Otïmö ni raac jï ŋat wø geer øt nyec mare ni jø tïïc ee mødø, ni gëët bäät ødøgø ki øtø mør ni jø tïïc ee caarø, ŋat wø wëëk jiy tïïc jaak, ni bäŋ gïn coole jïge kiper tïïc marge;

Amøc 2:7

Wï ŋata näk oööl wø nyøønge piny yi tør, ni kierge wïth jøøa mwöl. Ni ö dhaanhe ki wänni ni cige baŋ dhaagø aciel, kiper nee nyeŋŋa na en kur keere nee raanyge.

Mikiya 6:16

Kiper u bëëdö nou gwøga kööŋŋe mo nyeya ma Ømri, ki gïïa tïïc wääde bëët ma Akap ki jøøa käl dëëre, ni bëëdu nou caatha køør acaare moge. Kiper manøgønø, aani, u cïba cïbö jï ränynyö; u ni wø bëëdö päänyögø, u tïïa tïïö na gïr abuua, ni bëëdu, u na jiya, nou käära ajøøŋ yi piny bäre.»

Abakuk 2:12

«Otïmö ni raac jï jø wø geer pääny ki jap rem jiy mo wø kønyge piny, ni wø këël tier pääny piny ni teek ki køør tïïc gïï mo reyø.

Abakuk 2:15

«Otïmö ni raac jï ŋat wø lwør athöönh køøŋ ajäla ni maath jø tiet mïëri moa en deŋŋe ni meerge, ki man raŋ lään wïc marge mar bëët wääth dëël.

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

Abakuk 2:6

«?Aŋø, jøøi bëët ii, jøøgø ba cäŋge ki duut aŋaada, ni marge abuua ni ge jøøŋŋa geni, ni köge, ‹Otïmö ni raac jï jø wø löör jammi piny jïge mo paa moge. Kiper akëël kany mo nyïëdi noo bëëtge ni dëëtge thørge thørø ki jap dïgïti?›

Abakuk 2:9

«Otïmö ni raac jï ŋat wø gwän øde ki jammi ki jöö mo raac, ŋat wø bëëdö ni øde ee geer maal kaamar øt wenyø, nee bäŋe gïn mo raany gø.

Mathiew 11:21

Ni kööe, no «Otïmö ni raac jïrï, ï na Köradhin. Noo tïmö ni raac jïrï, ï na Betheeda. Kiper doo naa tïïe moa døøŋŋø na tïïc dïïu, tïïca yi Tayar ki Caydan, cwïnyge doo na ege nø løk cøøn, ni ge käära keece na abïïe ni ge bëëdö yi bur.

Mathiew 23:23

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac, ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø.

Mathiew 23:27

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u caala bwör mo orwødhø ki booya mo tar, ni wø nëëni ni mïërö ki wøk, 'ba yïthge päŋ ki cuu jiy mo othøw ki gïï mo reyø bëët.

Mathiew 23:29

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper uuni, uut bwör mo nyïïkuk Jwøk wø geerru geerø ni ŋwaŋŋu bwöc jøøa beyø ni mïërö,

Mathiew 26:24

'Ba ennø, Wär Dhaanhø aay keda mana gööri kipere. 'Ba otïmö ni raac døc jï ŋato cïp Wär Dhaanhø ceŋ nyïïmän. Doo beerra eni kiper ŋatøce ki mana ba dii nywølø.»

Luk 11:52

Otïmö ni raac jïïu, u wø caan tiet ciik Jwøk. Kiper muktää man wø jap jöör adïëri ki gø, alwørru. Uuni ki dëëtu, u kär ci yie, ni tïmu nou gëëŋŋa jøøa doo dønyø.»

Jøøn 19:6

'Ba na neeni ya kwääc laammi ki dïkuye mo Øt Jwøk, gena rëëdö døc, ni köge, ni «Gurï! Gurï bäät jaadha no odëëdö!» 'Ba Paylat aköö jïge, ni «Lwørru ki dëëtu ni guru gøøni bäät jaadha no odëëdö, kiper aani bäŋ gïn mo obøth mo yaa joodø baŋe.»

Jøøn 9:22

Luummögø acaan jøøa nywøl gø kiper na lwäärge ki jø Juuth. Kiper onø ŋøl jø Juuthi ni noo dee dhaanhø mo caan gø ni Jecu beeye Krictø, eni di mänö ki ööny øt acooŋ lam.

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.