Aydheea 1:7 - Wëël Jwøk

⁷ Ŋöömö maru araanynyi, ni waaŋ päänye mou ki maac; ni ö pwöthi mou ni lwøri ya jøøa pathi ni nëënö jïïu, ni wëëkge jammi mou bëët ränynyö.

Aydheea 1:7 Iomraidhean Croise

2 Luup Nyeye 28:5

Kiper manøgønø, Eeyeth acïp Wuuö Jwøki, Jwøk mare, cer nyeny jø Aram, ni ö jø Arammi ni böötge eni, ni put jiye mo thööth mak ki tøŋ ni kïthge ge yi Damacka. 'Ba ena cäŋ cïp cer Peka nyeny Icriel thuwø; ni ö Peka ni 'näk jic Eeyeth ki näk mo raac døc.

Aydheea 1:8

'Ba Dhayan awec ni dööŋe ni caala abïl koor man wø dööŋ yi pwödhö, ni caala pääny mo ociel dëëci dïër.

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 34:9

Nyeŋ näm mo ŋööm Ëdöm otïmö na maaw mo nwaaŋ, ni tïm ŋøøm moge na teeŋ tør man wø liel; ni paac marge bäre bëëdö na maaw mo liel.

Aydheea 49:19

«Kiper kwöra no owiiø na no odööŋ keerge, ki ŋöömö maru na no oraanynyø, ka adïëri møn, otïmö ni thiinh kiper jø obëëdö yie, ni ö jøøa caar uuni ni tïm karge ni bäär døc.

Aydheea 5:17

Køøre nyïïdïëk ocämö dï paac kaamar kar kwaath marge, ni ö wëëlle ni caamge gïïa jootge wïth mïëri moa no oränynyö mo jøøa no okwär.

Aydheea 5:9

Wuuö Jwøk, eni na wïth jammi bëët, akööŋ ni wïnyö jïra ni kööe, ni «Ka adïëri møn, uudi mo thööth odööŋ keerge, këël uudi moa døøŋŋø na mïërö, odööŋ ni bäŋ jiy yïthge.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Aydheea 60:15

«Këël na bëëdï ni ïïno kwierø ni jiy omännö ki ïïni, ni bäŋ ŋat mo cur dïërï, ï na Jerucalem, nyeŋŋï tïŋa maal ka ajiem mo bëëdö na bäre bäre, ni tïmï ni ïïna kar met ec jï beenhnhe moo ööi cään bëët.

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Aydheea 64:10

Päänye moï na en kur keerge atïmö na dïtëën, këël Dhayan na näk Jerucalem atïmö na paap, ni bäŋ gïrpiny yie.

Aydheea 9:18

Ka adïëri møn, bëët rääö wääŋö kaamar maac, ni wø thöör otwel ki koodhi, ni tïme ni caala maa dwaar kany wø waaŋ lul, ni ö jïrö mare ni neetul maal.

Aydheea 9:5

Kiper war bëët mo wø ŋooŋ jø lenynyi ki ge, ka abïïe moge moa näk ogääbö ki remø, di waaŋø ni thööri ya maaci.

Jeremaya 2:15

Nyïïmänne amärö bääte kaamar ŋuuwe, ni märge døc ni döötge ena maal. Paac mare atïïcge ni bäŋ gïn mo odööŋ yie, ni ö päänye moe ni ränyge, ni bäŋ jiy mo bëëdö yïthge.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 44:6

Kiper manøgønø, räny cwïny mara ki wëër mara ni wø wääŋö kaamar maac akïtha bäät Jerucalem ki bäät päänye mo Juuda, ni putge niruuth ni ränyge kaawat man bëëde dïcäŋi en.

Jeremaya 6:8

Ï na Jerucalem, ï köömmi; 'ba ni näk miï ba köömmi, ø pääö ki ïïni, ni tïïa ïïni na paac mo owii kur keere, na ŋöömö mo ba beet.»

Jeremaya 7:34

'Ba kar kaace dïlweel mar met ec, ki dwør met ec, ki kanynyø mar nywöm oraanynya dï Jerucalem ki yïth päänye mo Juuda møga bëët, kiper paac bäre oränynyi.» Luummögø caana Wuuö Jwøki.

Wëël Kïmmö 5:2

ŋøøm moa cïpï jïwa akäl jø møøki, ni ö mïëri mowa ni tïmge na mo wëëlle.

Edhikiel 25:4

kiper manøgønø, ka adïëri møn, aani, u cïba ceŋ jiy mo wø bëëdö kur tuul-cäŋ ni tïmu ni uuna moge. Geno tïïö dïïu ki kwör bëëte moge, ni cwöthge oduŋkaare moge yïthakiyu, ni camge nyïïjenni mou, ni maathge caak mou.

Edhikiel 30:12

Løle mo naam Nail wëëga talø, ni gadha ŋööm Ijep ki jøøa reyø. Aani, jøøa path jääŋŋa kuna raanyge gø, ni ö ŋöömö mare ni ränynye ki gïïa en yie bëët. Luummögø caana aani, a na Wuuö Jwøk.›

Odheea 7:9

Teek marge alwør jøøa pathi ni bäŋ gïn mo ŋäcge, këël mana tuc wïthge ki lwaar ni poot kucge.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Ciik Kiper Dïlämme 26:34

Køøre ŋöömö maru yie omïnni kanyo bëëde ni ree ee jwömö ki yïth nïne bëët mo ränynyö mare, ni uuni ki dëëtu u ena yi ŋöömö mar nyïïmän mou. Kanyøgønø, ŋöömö maru ree jwöme jwömö, ni mïn yie ki yïth nïr jwöm moe.

Mikiya 5:11

Aani thuwø, päänye moa en yi ŋöömö maru raanynya raanynyø, ni ö kwör gwøk røki mou moa teek ni nyaa ge piny.

Mikiya 6:13

Kiper manøgønø, aani u wëëga täw mo leth ni raanynya uuni, ni ränynyu ki køør raay mou.

Tiet Ciik 28:33

Caammi mou moo ciek yi ŋöömmu, ki gïïa jootu ki køør öölö maru, ocam jiyi møøk mo dëëtge kuyu; 'ba mano jootu keere beeye thiel piny ki caannø cooth.

Tiet Ciik 28:43

«Juurre mo wø bëëdö dïïu ööa maal bäätu, ni tïm bëëtö marge ni cäätha maal, 'ba bëëtö maru odøø piny ni tïme ni cäätha piny.

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›