Aydheea 1:4 - Wëël Jwøk

⁴ Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Aydheea 1:4 Iomraidhean Croise

Wïlöölö 13:13

'Ba jø Cødam bëëdö na jø raay mo tïïö ki gïï mo reyø døc nyïm Wuuö Jwøk.

2 Nyeye 21:22

'Ba eni Wuuö Jwøk, Jwø kwäcge, awiie, ni bëëde ni eni ba caath køør Wuuö Jwøk.

2 Luup Nyeye 12:1

'Ba kanya nø ö Reeyöbömmi ni këël tier buc nyec mare piny ni teek, eni ki jø Icriel bëët ciik Wuuö Jwøk awecge.

2 Luup Nyeye 27:2

'Ba ena bëëdö ni tïïya gïï mo nëëni ni beyø ki jï Wuuö Jwøk, kaawat moa tïïc wänni ma Udhaya. 'Ba eni kär bääyö kaawat mana bääc wänni yi Øt Wuuö Jwøk. 'Ba jiy abëëdö ni ge poot tïïö ki raay.

Neemiya 1:7

Waani, waana tïïö ki gïï mo reyø døc dëërï, ni waani ciik moï, ki gïïa cemï, ki luup ŋøl moï, moa cïpï ki ri dhaanhnhï ma Modhe, kärwa gwøø.

Bwøth Wøk 32:7

Køøre Wuuö Jwøk acäänö ki Modhe, ni kööe, ni «Laar ci piny, kiper jiyï, na kälï wøk ki yi ŋööm Ijep, dëëtge araanyge keerge.

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 1:28

'Ba jø ageem ki jø raay ge di raanynyø na aciel bëët, ni ö jø wø wec Wuuö Jwøk ni ränyge.

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 14:20

Ïïni, ï ba koony kaamar nyeye møga, kiper paac marï araanynyï, ni 'nägï jiy moï. Beerra man ö nyïïkwaac jiy mo wø tïïö ki gïï mo reyø ni rwääny nyeŋge na bäre bäre ni ba cwøl.

Aydheea 29:19

Jøøa no othiel piny, met ec marge okadhi ki Wuuö Jwøk, ni ö jøøa canni ni mïn yïthge ki Jwø Icriel, eni na en kur keere.

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 30:1

Wuuö Jwøk aköö, no «Otïmö ni leth jï obwöre moa wïthge teek, jø wø cïp piny ka acaare ni tïïcge gø, ni patha ki køør mana manynya, ni wø tudö ki luup, ni patha ki køør Jwïëy 'moa, ni ge meeda raay bäät raay moge møga.

Aydheea 30:15

Kiper man beeye gïna caan Kwäärö Wuuö Jwøki, Jwø Icriel na en kur keere, ena köö, ni «Ki man løgu cwïnynyu ni jïtu ki jwöm, beeye jöör pïëm man piem uuni ki gø, ni ö bëëtö man bëëdu nou lïŋö nou ŋäätha aani, ni näk beeye teek maru; 'ba gïnögø käru jïëö.

Aydheea 30:9

Kiper jøøgø beege jø ageem, ni geno obwöre ma tööte, ni beege obwöre mo wïthge teek ki man wïnyge ciik Wuuö Jwøk;

Aydheea 31:2

'Ba Wuuö Jwøk thuwø, wïïe leer; eni ba døø ŋääe ki luumme mo ee caanø. Eno känni ki gïï mo leth. Eni ööa maal ni tïïc gïn mo raac dëët jø wø tïïö ki gïï mo reyø ki dëët jø wø køny geni.

Aydheea 37:23

?Aŋa nø na päätï na janynyï? ?Aŋa na kwöŋŋï bääte, na ŋuuï nyeŋŋï wøk bääte niï töödö? ?Paa bääta, a na Jwø Icriel na en kur keere?

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 41:20

nee joot jiyi, ni ŋäcge gø, nee caarge ni kwanyge tier gø, ki man näk mo bee aani na Wuuö Jwøk ki dëëra kiree na tïïc gø, ni bee aani na cwääc gø, a na Jwø Icriel na en kur keere.»

Aydheea 5:19

ni beege jø wø cäänö ni ge jaŋa Jwøk ni wø köö, ni «Beerra man ö Jwøki ni lääde, beerra man ö eni ni lac tïïc mare, nee neenø. Beerra man ö eni na Jwø Icriel na en kur keere ni laar tïïe moe wëëk thur karge nee ŋääø.»

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Aydheea 57:17

Aana gootø ki geni ni jääla geni kiper päl cwïny marge na raac, ni kana täärnyïma ki geni ni mara gootø. 'Ba këël na jääla ge, gena cäŋ bëëdö ni ge gaa wøk, ni bëëtge ni ge cäädhi ka køør jap wø many cwïnyge.

Aydheea 58:2

Kiper a manyge manynyø ki yi cäŋ cooth, keda gena jiy mo yïthge met ki man ŋäcge uutjïëthe 'moa. Dëëtge ege tïïö kaamar jiy mo caatha køør bëënynyö, ni ge bëëdö ni caala jiy mo ciik Jwøk marge kärge wiiø. A pëënyge pëënynyö ki man ŋunna geni, keda gena jiy mo ge mëër ki man ena buutge.

Aydheea 65:11

«'Ba u na wec aani, a na Wuuö Jwøk, u na wïthu wïl ki Dhayan na näk kïdi mara na en kur keere, ni wø nywaak caammi mou ki juu møøk, ni wø tïïc athööthe ni päŋ ki køøŋ nyïïomøki mo ojääbö nee cïpu jï juu møøk,

Aydheea 65:3

Ni beege jø wø tïïc aani cooth naa goota, ni wø cïp olämme moge jï juu møøk yïth ajïniine, ni wø wääŋö ki gïï wø jïcge ŋwääi ni met bäät thuube,

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 2:33

«Ï na Icriel en, wääth køør juu møøk akwanyï kiree, kaamar kääbi mo ŋweeya køør cwøw, niï caala dhaagø m mään moa reyø kwänynyö baŋe.

Jeremaya 2:5

Luumma caan Wuuö Jwøki beeye en, ena köö, na «?Agïnaŋø na raac na joot kwäyu baŋa, ni tïïcge karge ni bäär ki aani, ni putge cäädhö køør juu mo oballe jaak, ni tïmge ni bäŋ karge en?

Jeremaya 32:32

kiper gïïa reyø bëët na tïïc jø Icrielli ki jø Juuda ni raanyge cwïnya, ni beeye geni ki nyeye moge, ki jø kööre moge, ki dïlämme moge, ki nyïïkuk Jwøk moge, ki jø wø bëëdö Jerucalem ki dï Juuda bäre.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 51:5

Kiper jø Icriel ki jø Juuda kär kwier Jwøge ma Wuuö Jwøk, eni na wïth jammi bëët, këël na bëët ŋööm Babilønni man bëëtge yie en ni päŋ ki raay mo di temmø nyïm Jwø Icriel na en kur keere.

Jeremaya 7:19

?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Edhikiel 16:33

Jiy bëët mo wø gath dëëtge ki käp, ge wø di cunnö ki gwel, 'ba ïïni, ï cïpö ki muuce jï omëërri moï jaak niï ŋeewa geni ki man öge baŋï ki kwöra enge yïthge bëët, ni käbï ki ge.

Edhikiel 16:45

Ïïni, ïïna nyi meru møn na männö ki cwøre ko obwöre moe; ïïni, ïïna cöögö møn dï nyïïmeru moa männö ki cwøwge ki nyïïge. Meru beeye nyijø Këth, ni wäru beeye ŋat Amör.

Daniel 9:11

Dhaanh Icriel bäre ciik moï akaalge, ni løkge ŋäthge, ni kwierge dwørï. «Kiper manøgønø, acïëni ki kööŋ mar ajäla na näk ogöör piny yi wëël ciik Modhe, eni na dhaanh Jwøk, akïth bäätwa, kiper waana bääyö dëërï.

Jepaniya 1:6

ni beege jøøa døø ŋäthge ki man ba cääthge køør Wuuö Jwøk, na kweer ki man manyge gø wala man pëënyge gø.»

Kwään Jiy 32:14

«'Ba ennø, uuna läw kar wëëgu, ni uuna jø raay møøk mo nyärö, nee wëëc Wuuö Jwøk meetu bäät jø Icriel.

Mathiew 11:28

«Ööu baŋa, u na näk ööl bëët ki gïï wø tïïyu ki gïïa peek ni wø kääru ki cwïnynyu; uuno mooa ki jwömö.

Mathiew 23:33

?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu?

Mathiew 3:7

'Ba kanya ö Jøønni na neen jø Paricith mo thööth ki jø Cajucith ni ge ööa baŋ lwøk na nyuudhi, ena köö jïge, ni «?U na nyïï thwöre en, aŋa na kööm uuni ni bwøgu ki wëër mano ööi?

Wëëlö Mana Göör Pøølli Baŋ Jø Röm 8:7

Kiper cwïny man wø näk ocïp køør dëël, män ki Jwøk, ni dwør ciik Jwøk ba leŋe, ni ba maar lønyø jïre ki man leŋ gø.

1 Körin 10:22

?Kwäärö døø wëëga këëyö? ?Aŋø, teeka øøni ki eni?

Tiet Ciik 29:25

«Køøre oløk jiyi, ni köge, ni ‹Beeye kiper mana wecge luumma tuut Wuuö Jwøki na näk Jwø kwäcge kanya käl geni wøk ki Ijep,

Tiet Ciik 31:16

Ni kö Wuuö Jwøki jï Modhe, ni «Neenï, ï thøw ni läpï køør kwäyu. 'Ba jøøi ii, kanyo pïïcge yi ŋöömö mano cige yie enø, ge gëëmö ki aani ni tïm cwïnyge no onieŋ køør juu møøk, kaawat man wø tïïc dhaaŋ paaci mo rïïŋö køør käp; ni wecge aani, ni kwierge luubö mana tuuda ki geni.

Tiet Ciik 32:19

«'Ba Wuuö Jwøk gïna tïïc wääte ki nyïïe, ni beege jø Icriel, ajoode, ni männe ki geni kiper mana cwaatge yie këël mana wëëre.

Tiet Ciik 32:5

«'Ba jø Icriel gïïa tïïcge dëëre beeye gïï mo reyø. Kiper rääö marge gena tïmö ni patha obwöre moe, ni tïmge na beenhnhø mo raac mo döönni.

Köløcia 1:24

'Ba kawaane, yia amïnnö ki gïïa leth ni wø jwøra kiperu. 'Ba ki dëëra man, a thööra gïïa dööŋ ri moa jwør Krictø kiper dëëre na näk acooŋ Jwøk.

Mana Nyooth 18:5

Kiper raay moe rege alöörge ni këëtge maalø, ni ö Jwøki ni par wïïe ki rääye.

Pïëmme 10:10

Køøre jø Icriel ajwöŋö dëër Wuuö Jwøk ni köge, ni «Waana bääyö dëërï, kiper waani, ïïna wecwa, ï na Jwøk marwa, ni tïmwa ni wa tïnynya Baal.»