Aydheea 1:3 - Wëël Jwøk

³ Dhieŋ wänni ŋääe, ni ö arëënni ni ŋäc kar cam mana jiiŋ wänni jïre; 'ba jiya ma jø Icriel, a na wääge a kucge, ni tier luumma ba kwanyge.»

Aydheea 1:3 Iomraidhean Croise

Pwöc Leec Wïc 28:5

Jøøa reyø tier ŋøl ma adïëri bäŋ wø ci cwïnyge, 'ba jø wø many Wuuö Jwøk tier gø wø cøøa cwïnyge bäre.

Pwöc Leec Wïc 6:6

Wui ï na ŋat leth dëël, ci baŋ ŋiinynyø; ni raŋï jöör tïïc mare, ni lëëny wïïï.

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 42:20

«Uuna rääŋö ki jammi mo thööth, 'ba tietge käru kwanyø; ïthu bëëdö ni ŋammø, 'ba bäŋ gïï mo wïnynyu.»

Aydheea 44:18

'Ba geni bäŋ gïn mo ŋäcge ni tier gø ba kwanyge, kiper nyeŋge omiiø nee ba nëënge, ni cwïnyge otïïö ni teek kiper nee tiere ba ci cwïnyge.

Aydheea 5:12

Ni ge bëëdö ni ge pöödö ki wïth thøme ma teeŋi kwör maath moge, ni ge pöödö ka anëët ni ge kudhö ko opele; 'ba ïthge ba cekge ki tïïe mo Wuuö Jwøk, ni bäŋ gïn caarge kiper japa tïïc Jwøki.

Aydheea 5:13

Kiper manøgønø, ge na jiya geno käl ni geno maa ki tøŋ, ni bäŋ gïn ŋäcge. Jiy moge moa kwörge døøŋŋø ge thøw ni ge 'näga käci, ni ö lwaae moge ni tal kööthge ki riew.

Aydheea 56:11

ni ge caala guu mo owär mo ge ba jäŋ, ni ge caala dïkwääc dïëk mo tiet luup ba kwanyge. Ge bëët, gena gaa wøk ni aacge ki øtjöö marge keerge, ni ŋati man nø dëëtge manynya gïn mo joode kiper dëëre keere.

Jeremaya 10:14

'Ba jiy bëët bëëdö ni wïthge bäŋ acaara, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 35:16

Ka adïëri møn, nyïïkwaac Jönadap o Rëkap, luum kwarge mana kööm geni ki gø agwøkge, 'ba jøøi ii mara kärge wïnynyö.›

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Jeremaya 8:7

Këël ajaak ni wø määdö maal kany wø duue yie ki yi cwiir ŋääe, ni ö oluua ka agwëëi ko ojwägi ni gwøkge kar wääth marge; 'ba jiya ciik 'moa, a na Wuuö Jwøk, ba gwøkge.

Edhikiel 16:30

Kwäärö Wuuö Jwøk acäänö ki Jerucalem, ni kööe, na «?A teeŋ rääya ŋø ni raayï ki gø en? Jammi moøgø bëët atïïyï ni ïïna kääbi mo waŋï teek jaak.

Daniel 9:11

Dhaanh Icriel bäre ciik moï akaalge, ni løkge ŋäthge, ni kwierge dwørï. «Kiper manøgønø, acïëni ki kööŋ mar ajäla na näk ogöör piny yi wëël ciik Modhe, eni na dhaanh Jwøk, akïth bäätwa, kiper waana bääyö dëërï.

Odheea 2:8

Kiper kuue ki man näk mo bee aani ni wø mooc gø ki beel, ki køøŋø mo met, ki maaw, ni wø cïp gwet-bïrö ki warkey ni thööth jaak jïgø, jap wø kønyge dëëtge ki ge ki man jiiŋge jwøge man wø cwøl ni Baal.

Mathiew 13:19

Kany wø ö dhaanhe wø wïny luum buya käl maal ni ba kwany tier gø, ŋata raac wø öö ni juth gïna näk opiith cwïnye wøk. Manøgø caala mana näk ojør thääŋ jöö.

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

2 Piter 3:5

Ni ge tïïya wïthge no owïl ki gïn en, ni maal nutö cøøn ki køør dwør Jwøk, ni piny käl wøk ka yïth pïï, ni bëëdö dï pïï.