Aydheea 1:26 - Wëël Jwøk

²⁶ Køøre a tïŋŋa maal jïrï ki pïëmme kaawat mana dïkwøŋ, ni tïŋŋa maal jïrï ki jø wø cïpi ka acaare kaawat mana tïïa ya acääŋŋe. Kanyøgø nø, ï na Jerucalem, ï di cwølø ni Pääny Bëënynyö, ni Pääny mo Bëënna Adïëri.»

Aydheea 1:26 Iomraidhean Croise

Aydheea 1:21

Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 33:5

Wuuö Jwøk kare dwøŋ, ni eni bëëdö maal; eni ŋøl mana na adïëri ki bëët adïëri otïïe ni dwøŋ yi Dhayan.

Aydheea 54:14

Tierï okëët piny yi bëëtö mo tiir, ni tïm karï ni bäär ki caannø; kiper ï tïmö ni bäŋ gïn mo lwäärï, ni ö adigööŋ lwär ni daak ree buutï, ni tïme ni ba løny ki man nyänh buutï.

Aydheea 60:14

'Ba wäät jøøa dïïm ïïni geno ööi ni këëlge cøŋge piny nyïmï; jiy bëët moa taak ïïni, wïthge okuulge piny ni nuumge tietï ni ge wøøra ïïni, ni cwølge ïïni ni Pääny Wuuö Jwøk, ni bee ï Dhayan na näk mar Jwø Icriel na en kur keere.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Jeremaya 33:7

Ni ö jø Juuda ki jø Icriel bëët ni dwøga bëëtö marge kare, ni cäŋa tietge këël piny ni teek kaawat mana bëëtge dïkwøŋ.

Edhikiel 45:8

Ŋøøm moøgø otïmö na kur dïbwödhi yi Icriel. 'Ba dïbwöthe 'moa, jiya ba thielge piny këët; 'ba ŋøøm ocïpge jï dhi øt Icriel ki køør wïth tuŋi moge.

Mikiya 4:8

Wui Dhayan, ï na thuur man wø ö Jwøki ni wø neet jiye ki yie, na caal pïïth dïëk, ï na thuur mar jø Dhayan, bëët käär jiy mana dïkwøŋ cäŋ ka duu kare jïrï, ni beeye käädö mar nyec noo dwøk kare yi pääny Jerucalem.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»

Jepaniya 3:9

«Køøre aano cïpi ki lëëpi mo waany jï wïth juurre, ni tïmge bëët ni ge cøøra nyeŋŋa, a na Wuuö Jwøk, ni tïnyge aani ni dëëtge ege dwalø na aciel.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Kwään Jiy 12:3

'Ba Modhe beeye dhaanhø mo mwöl døc, ni mööl mare kaala mar jiy bëët moa en bäät piny.

Kwään Jiy 16:15

'Ba Modhe awëër døc. Køøre ena köö jï Wuuö Jwøk, ni «Kär niï jïëy ki muuy marge. Bäŋ gïn mo yaa lwørø baŋge, këël arëën aciel, ni bäŋ gïn mo leth mo yaa tïïö dëëtge.»

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.