Aydheea 1:25 - Wëël Jwøk

²⁵ 'Ba aani da gïn mo tïïa tïïö dëërï thuwø, ï na Jerucalem, gïïa reyø dëërï na caal apøk nyal, twöna wøk, kaawat man wø ö apøk nyalli mo wø en dëër nywïënyö wø twöni wøk kany wø leeny nywïënyö ki maac. Gïïa reyø bëët moa en dëërï käla wøk.

Aydheea 1:25 Iomraidhean Croise

Aydheea 1:22

Wui, Jerucalem, gwet-bïrö moï aränynyö ni dööŋge na nyal, ni ö kwøk nyïïomøki mo wø maathï ni jääpge rege ki pïï.

Aydheea 27:9

Kiper manøgønø, gïnögø otïmö na jöö man wëën bääyö mar Jeekap ki gø; ni gïno duu wëën raay manøgø beeye kanyo ö eni noo raany kïte mo gïn wø cïp olämme bääte ni tïïc ge kaamar tør mar kïn booya; ni beeye kanyo ö jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge noo tïmge ni bäŋgø mo cuŋŋi këët.

Aydheea 4:4

Wuuö Jwøk raay mo määr Dhayan penye penyø, ni peny remø mana køny piny dï Jerucalem ki køør teek ajäla mare ka ajäl maac mano käle ki ri Jwïëye.

Jeremaya 6:29

Opïc thäth akwath døc, ni ö arecaaci ni leenyi ya maaci ni thume, ni këël na bëëde ni nywïënyö poot di nøøyø ki leeny jaak, gwel-bïrö dëëre käre pääö ki nywïënyö. 'Ba jiya thuwø bëëdö na enøgønø, kiper dïge da jiy mo reyø mo ba løny jïër wøk.

Jeremaya 9:6

'Ba ï na Jeremaya, kar bëëtö marï ena dï jø cwøk, ni geno kweer ki man ŋäcge aani ki køør cwøk moge.» Luummögø caana Wuuö Jwøki.

Jeremaya 9:7

Kiper manøgønø, luumma caan Wuuö Jwøki, eni na wïth jammi bëët, beeye en, ena köö, ni «Ennø, ge päära päärö ki gïï mo leth kaamar ŋat wø päär nywïënyö ki maac, ?kiper gïn mør mo daa tïïö kiper jiya agïnaŋø?

Edhikiel 20:38

Jiy mo wø tïïö ki raay ki jiy mo wø gëëmö ki aani daa daa buutu. Ge käla wøk yi ŋöömö man ni bëëtge yie en, 'ba ge ba døny yi ŋööm Icriel këët. Køøre nø ŋäyu ŋääö ni bee aani na Wuuö Jwøk.›

Edhikiel 22:19

Kiper manøgønø, man beeye luumma caan Kwäärö Wuuö Jwøki, ena köö, ni ‹Kiper mana tïmu bëët kaamar nyal, aani u cooŋa yi Jerucalem.

Edhikiel 22:20

Kaawat man wø ö gwel-bïrö ki nywïëny møøk ma teeŋi wø kïthi ya dhaanhe yi maac ni leenya ge, aani thuwø u cooŋa cooŋø ki wëër mara, ni beeye wëër mara ni wø liel kaamar maac, ni kïtha u dï pääny ni jääla uuni ka ajäla mo caala man wø leeny nywïënyö.

Edhikiel 22:22

Kaawat man wø leeny gwel-bïrö yi këën thääth, aani u leenya leenyø dï pääny, ni putu gø ŋäc ni bee aani na Wuuö Jwøk na køny wëër mare bäätu.› »

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Milkiya 3:3

'Ba eni, eno bëëdö ni caala ŋato leeny gwel-bïrö ni twøn gø; ni ö eni ni tïïc nyïïkwaac Libay ni waany, keda man wø twøn warkey wala gwel-bïrö, ni twøn ka maac, kiper nee ge cïpge ki muuce jïra, aa na Wuuö Jwøk, ni cwïnyge leer.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»

Mana Nyooth 3:19

«Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.