Aydheea 1:21 - Wëël Jwøk

²¹ Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 1:21 Iomraidhean Croise

2 Camiel 8:15

Køøre Deebit aput bëëdö na nyeya mar jø Icriel bëët; ni luup ŋøle na karge, ni tïïya adïëri jï jø Icriel bëët.

2 Luup Nyeye 19:9

Ni kööm geni, ni kööe jïge, ni «Tïïyu tïïc man na kare ki cwïnynyu bäre nou lwäär ki Wuuö Jwøk.

Neemiya 11:1

'Ba dïbwöthe gena bëëdö ni ge bëëdö Jerucalem. 'Ba jiy bëët møga nyuuthe mo wø tïïc ni pätha bäät ŋati man nø atïïcge, ni ŋato päth bääte nø røk jiy apaar nee kälge nee bëëde Jerucalem, päänya en kur keere na mar Jwøk, nee jiy abïŋween moi nø mo odööŋ ki ra apaar nee bëëtge ni ge bëëdö yïth päänye møga.

Dut Pwøc 48:1

Aydheea 1:22

Wui, Jerucalem, gwet-bïrö moï aränynyö ni dööŋge na nyal, ni ö kwøk nyïïomøki mo wø maathï ni jääpge rege ki pïï.

Aydheea 26:10

Këël na bëëdï niï nyøtha mëër marï jï jøøa reyø, jöör adïëri poot ba kwanyge. Ge poot bëëdö ni ge temma gïï mo reyø po jøøa marge thïïŋ, ni bäŋ gïn caarge kiper dööŋö mar Wuuö Jwøk.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Aydheea 59:14

Køøre ŋøl luup ma adïëri adwøk ŋäc, ni ö bëënynyö ni cuŋŋe ni kare bäär; bëët adïëri apäth piny nyeŋ jïëthe, ni ö bëëtö mana thïïŋ ni dööŋe wøk.

Aydheea 59:15

Kare møn, adïëri arwäänyö, ni ö ŋat wø kwier bëët raay ni tïme ni di caannø. 'Ba kanya ö Wuuö Jwøki na joot gø ni bäŋ ŋøl luup ma kare, yie atïmö ni raac.

Aydheea 59:3

Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Odheea 11:12

«Jø tuuŋ Ipariem deŋŋa acielge ki tööt, ni ö jø dhi øt Icrielli ni cielge deŋŋa ki cwøk. 'Ba jø tuuŋ Juuda thuwø wïthge poot känni ki man jïëcge aani, a na Wuuö Jwøk, ni bee aani na Jwøa en kur keere na näk mare adïëri.»

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Abakuk 1:4

Kiper manøgø nø, ciik atïmö ni ba tïïö, ni tïm ŋøl luup ni ba thur karge. Jø raay jøøa marge beer acielge dïër, ni tïm ŋøl luup ni di wellø.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Luk 13:34

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.

Mana Nyooth 11:8

ni ö rïŋ dëëtge ni bëëtge no opäänhnhö waŋjöör paana dwøŋ, na näk nyeŋŋe obaaŋ ri Cødam ki Ijep, kanya 'näk Kwääcge yie bäät jaadha no odëëdö.

Mana Nyooth 17:1

Kanyøgø nyïïatwiel maal aciel dëët nyïïatwiet maal moa näk abïriiø na käär kuure abïriiø aöö ni kööe jïra, ni «Ööï, nee ajäla mano pïï dëër kääbi mana dwøŋ na näk opï bäät pïï mo thööth nyoodha jïrï,