Aydheea 1:13 - Wëël Jwøk

¹³ Muuce mou moø ni bäŋ tietge yøø kär cïpu këët! Gïï wø jïcge ŋwääi ni met mou, yia raac ki ge døc. Wödö man wø wøørru cäŋ man wø päär dwääyi yie, ki wøør cäŋ jwömö, ka acooŋe mo wø cwøllu, a ba jïëy ki ge; kiper acook lam mo wø tïïyu, tïïyu ni bëëtö maru patha kare.

Aydheea 1:13 Iomraidhean Croise

2 Nyeye 4:23

'Ba cwøre aköö, na «?Aŋø ni ciï baŋe dïcäŋi en? Kee paa kany wø päär dwääyi yie dïcäŋi wala cäŋ jwömö.» 'Ba ena köö, ni «Bäŋ gïre.»

1 Luup Nyeye 23:31

këël kany wø cïp olämme mo wø waaŋ bäre jï Wuuö Jwøk ki cäŋ jwömö, ki kany wø päär dwääyi, ki kwör ajwöm moa näk ocïp piny cooth. 'Ba kwään jø tuuŋ Libay mo wø tïïö cooth nyïm Wuuö Jwøk ocïp piny na ciik.

Bwøth Wøk 12:16

Kanyo tïme na dïcäŋ mana dïkwøŋ, u doo jïtö ka acooŋa mo ena kur keere, ni cäŋu jïtö ka acooŋa mør mo ena kur keere ri bïriet nïne; kär dee tïïe mo tïïyu yïth nïne moøgø na ariiø yøø. 'Ba tïïc mano tïïyu keere beeye tïï cam man wø cam ŋati man nø.

Pwöc Leec Wïc 21:27

?Ni näk mo Jwøk yie raac ko olämi mar ŋata raac, a rääye onäk nyïëdi nø kanyo cïp gø ki cwïny mo raac?

Pwöc Leec Wïc 7:14

ni «Thääŋ rïŋ olämi mana cïba nut paac, ni dïcäŋi nïr kööŋ 'moa yaa thöörö.

Aydheea 66:23

Kany wø päär dwääyi man nø, ki kany wø ö cäŋ jwömö man nø, jiy bëët geno wäro ö nyïma ni wøørge aani.

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Wëël Kïmmö 2:6

Eni, kar bëëtö mare atoor piny kaamar abïl koor, ni raany kany wø røømme yie ki jiy. Wuuö Jwøk Dhayan atïïe nee wïïe wïle ki kwör ajwöm moe, ki nïr jwöm moe. Eni nyeya ki dïlämme akwiere ki køør wëër mare ni wø liel kaamar maac.

Edhikiel 20:39

«'Ba kiperu, u na jø dhi øt Icriel, luumma caan Kwäärö Wuuö Jwøki jïïu bee en, ena köö, ni ‹Cou, ni ö ŋati man nø ni tïny kït gïï wø lame! 'Ba ki køør gïïögø, uuni ïthu cegu ciiø na adïëri ki luumma, ni tïme ni nyeŋŋa na en kur keere ba päätu këët ki muuce mou ki kït gïï wø lämmu.

Odheea 2:11

Aani thuwø ajwöm moe bëët mo wø wøøre ŋøla ŋølø, ni beege ajwöm moe mo wø wøøre ki yi cwiir, ki wödö mare man wø wøør päär mar dwääy ki gø, ki man wø wøør cääŋŋe mo jwöm, ka ajwöm moe møga bëët moa no ocïp piny nee wø wøør.

Jool 1:14

Uuni, gööyu piny ki cäŋ mo you cïp kur keere mo jiy ba cämö yie, ni cwötu ka acooŋa mo ena kur keere, ni cooŋŋu jø døøŋŋø yi Øt Wuuö Jwøk, Jwøk maru, ki jø wø bëëdö yi paac bëët, ni gööu ko oduuru dëër Wuuö Jwøk.

Jool 2:15

Uuni, koothu tuuŋ yi Dhayan, ni gööyu piny ki cäŋ mo you cïp kur keere, mo jiy ba cämö yie, ni cwötu ka acooŋa mo ena kur keere,

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Milkiya 1:10

Ni cäŋ köö, «Beerra mana di dhaanhø acielli cøø dëëtu ni cïëk dhøgi mo kal mar Øt Jwøk, kiper nee bäŋe dhaanhø dïïu mo äp maac bäät gïn wø cïp olämme bääte mana näk mara ki gïn mo bäŋ tiere jaak. Bäŋ gïn mo døøc yia mo met ki uuni; olämme moo cïpu jïra ba jïëa.

Kwään Jiy 10:2

ni «Thädhï ki tuŋi ariiø ma gwel-bïrö kiper nee tïmge na gïï wø cwølï lwaak ki ge, nee tïmge na nyuuthe kiper daak twïër thuwø.

Mathiew 15:9

Naa wøørge ka wödö mo oballe jaak, ni ge pöö ka pwöc jiy ni keda luum Jwøk.› »

Luk 11:42

«'Ba otïmö ni raac jïïu, u jø Paricith. Kiper u wø cïpa paac wïth jammi na jëëthe røk gïï wø thenh thenh wø piith bëët, ni weyu mëëc Jwøk ki ŋøl luup ma kare na caane. Gïïögø beege gïïa dou tïïö, ni ba weyu moøgø thuwø.

1 Körin 11:17

'Ba luup caana jïïu en, a ba pwøc uuni, kiper dwätö maru man wø dwätu kanya ciel paa dwän bëënynyö, 'ba beeye dwän rääö.

Epeca 4:30

Kär cwïny Jwïëc Jwøk na en kur keere wëëgu ränynyö, ŋata jootu ŋïï ree kiper cäŋo wïïr kwöri mou yie.

Pilipay 1:15

'Ba jø møøk gïr Krictø køpge kaper gwön ki pïëm na en cwïnyge, ni ö jø møøki ni køpge gø ni cwïnyge leer jaak.