Amøc 9:9 - Wëël Jwøk

⁹ «'Ba ennø, aano cïpi ki dwøl, ni jiera jø Icriel moa en dï juurre kaawat man wø pieth beel ki luul, ni bäŋ waŋ aciel mo päth piny.

Amøc 9:9 Iomraidhean Croise

Aydheea 27:12

'Ba noo tïme na dïcäŋeca, Wuuö Jwøk tägö ka ajäla mare kaawat man wø dïn beel, ni tägi ka Naam Upareeti këël mano pïïe waŋ naam mar Ijep. Wui, jø Icriel, uuno cäŋ cooŋ kanya ciel, nou käli na aciel aciel.

Aydheea 28:28

Beel mo wø cam na kwön wø di wälö, ni dhaanhø ba bëëdö cooth ni mare dïn keere jaak. 'Ba eni këël wø dïn beel ki gïr dïn mare, okweeny mare beel ba raanynye.

Aydheea 30:28

Dwør jwïëy mar jam dhee lwör kaamar naam mo pänhnhö, mo päŋ ni ena cwaak. Eni wïth juurre di jierø kaawat man wø pëëdhö ki luul, ni kïth dhøkge ki nywïëny dho okweeny man pee geni kar ränynyö ki gø.

Jeremaya 31:36

ena köö, ni «Ni näk mo cäŋ ki dwääy ki ceer tïïc mana cïba jïge ba tïïcge këët, kar kaace nyïïkwaac jø Icriel ge puta tïmö ni ge patha wï jur këët mana en cera.» Luummögø caana Wuuö Jwøki.

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Jeremaya 49:36

Aani, a kännö ki jø leny ma dhøgi aŋween mo tuga Ilam, mo ge öö kaamar atuunna, ni ge käla yïth akïï piny karge ŋweeni, ni keetha geni yïth kwörögø bëët. Ni tïme ni bäŋ po wï jur mo jøøa riem wøk ki Ilam ba ci yie.

Edhikiel 20:38

Jiy mo wø tïïö ki raay ki jiy mo wø gëëmö ki aani daa daa buutu. Ge käla wøk yi ŋöömö man ni bëëtge yie en, 'ba ge ba døny yi ŋööm Icriel këët. Køøre nø ŋäyu ŋääö ni bee aani na Wuuö Jwøk.›

Edhikiel 36:19

Aani, gena keetha dï wïth juurre, ni putge nibay yïth mïëri; ni ŋøla luup moge ki køør bëëtö marge ki tïïe moge.

Edhikiel 39:28

Køøre nø, oputge ŋäc ni bee aani na Wuuö Jwøk, Jwøk marge, kiper gena wëëga mak ki tøŋ ni kïtha ge yïthakic wïth juurre, ni cäŋa ge duu yi ŋöömö marge, ni bäŋgø mo yaa wiiø rege.

Edhikiel 5:10

Kiper manøgønø, jøøa nyöödö ko obwöre, obwöre moge ocamge dïërï, ni ö obwöre ni camge jøøa nywøl ge thuwø. Ajäla mo leth okïtha bäätï, ni ö jiyi moï moo dööŋ ni kwøw ni keetha ge yïth tuk piny.»

Edhikiel 5:12

Dää thäk jiy moï geno thøw dïërï ki täw mo raac ki käc, ni ö dää thäk jiyï møga ni näk geni ko opëëllö ŋää kiir marï, ni keetha dää thäk jiyï møga yïth tuk piny, ni puta køørge ŋwiec døc ko opëëllö.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Luk 22:31

Ni kööe, ni «Cayman, Cayman, neenï, Ceethan uuna manynye, nee u jeee kaamar beel.

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.