Amøc 9:8 - Wëël Jwøk

⁸ 'Ba ennø, a na Wuuö Jwøk, nyeŋŋa ena bäät paac man wø tïïc raay, ni raanynya gø na bäre bäre bäät piny. 'Ba nyïïkwaac Jeekap ba raanynya bëët.» Beeye Wuuö Jwøk ni cäänö enø.

Amøc 9:8 Iomraidhean Croise

Wïlöölö 6:7

Ni kö Wuuö Jwøki, «Aani dhaanhø mana cwääa raanynya raanynyø bäät piny, ki mano täge ki dhaanhø këël mano këët ri lääy, ki gïï wø muuli, ki wec maal bëët; kiper cwïnya apädhö kiper mana cwääa geni.»

Wïlöölö 7:4

Kiper køør nïne abïriiø aani køth jääŋŋa jääŋŋö bäät piny, ni pädhe ki cääŋŋe ma pïëraŋween ki wärre ma pïëraŋween; ni ö gïïa cwääa bëët na näk kwøw ni puta geni raanynyø bäät piny.»

1 Nyeye 13:34

'Ba gïnögø aput tïmö na raay jï dhi øt Jeröbäm, këël mana put tïmö ni beeye pädhö mare, ni dït wïthge bäät piny.

Pwöc Leec Wïc 15:3

Waŋ Wuuö Jwøk ena bäät piny bäre, ni eni neeta moa reyø ki moa beyø bëët.

Pwöc Leec Wïc 5:21

Kiper uutjïëth tïïe mo dhaanhø nëënö jï Wuuö Jwøk, ni jïëth tïïe mo dhaanhø bëët wø di neetø.

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 44:27

Ennø, waŋa yaa këël rege nee gïn mo leth kïtha bäätge ni patha gïn mo beer, ni ö jø Juuda bëët moi ni en Ijep ii ni thøwge ko opëëllö ki käc, këël mano thumge bëët.

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Jeremaya 5:10

Ni kö Wuuö Jwøki, ni «Cou yi pwöth omøki, ni beeye po jø Juuda, ni raanynyu gø, 'ba kär raanynyu bäre. Jäu bäätge wøk, kiper ge patha 'moa, a na Wuuö Jwøk;

Odheea 1:4

Køøre Wuuö Jwøk aköö jï Odheea, ni «Cak nyeŋŋe ni Jedhriel, kiper ki kany mo cään dhi øt Jiyu raanynya raanynyø kiper remø mana køny piny päänya cwøl ni Jedhriel, ni ööa ni tïïa buc nyec mar dhi øt Icriel nee cuŋŋe.

Odheea 1:6

Køøre Gömër yie acäŋ jïtö ki dhaanhø ni lwaare ki gø na nyakøø. Køøre Wuuö Jwøk aköö jï Odheea, ni «Cak nyeŋŋe ni Lö-ruama, kiper aani bäŋ bäth ec mo nyoodha nyoodhø jï dhi øt Icriel këët, ni ge ba wëënna këët.

Jool 2:32

'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Amøc 3:12

Ni kö Wuuö Jwøki na ennø, ni «Ka teeŋ mano ö dïkwääyi ö käl tiel ariiø ki thääŋ ïth diel wøk ki dhi ŋuu, jø Icriel mo wø bëëdö Cameria oränynyi na enø nø thuwø, jøøa wara bëëdö ni dëëtge ege nyaaŋ piny bäät pëëmme mo opeedhø ka abïïe mo mïërö.»

Amøc 7:17

«Kiper manøgø nø, gïna caan Wuuö Jwøki beeye en, ena köö, «ni ‹Cïïï otïmö na kääbi dï pääny, ni ö wäätï ki nyïïï ni nääi ri leny, ni ö ŋøømmi moï ni rømi ni pääŋŋi jï jø møøk, ni ö ïïni ki dëërï ni thøøï yi ŋöömö mo path. Ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Amøc 9:10

Jøøa näk jø raay bëët dëët jiya, othøw ri leny, jø wø köö, ni ‹Gïn mo raac ba pïï dëëtwa.›

Amøc 9:4

Këël ge doo maa ki tøŋ ni kïth geni paac mør, geno wëëga näk ki tøŋ kunöce. Ni raŋŋa jïge ki waŋ mo raac ni patha waŋ mo beer.»

Tiet Ciik 4:31

Kiper Wuuö Jwøk na näk Jwøu beeye Jwøk mo yie bäth; u ba wiie, u ba raanynye, ni wïïe ba wïl ki luumma tuude na kööŋe ki gø jï kwäyu.

Tiet Ciik 6:15

kiper Wuuö Jwøk na näk Jwøu ni en dïïu enø beeye Jwøk ma ŋat keec. Ni näk mou cäädhö køør juu møøk, wëëc Wuuö Jwøk na näk Jwøu puta liel dëëtu kaamar maac, ni thöör uuni bäät ŋøøm.