Amøc 9:4 - Wëël Jwøk

⁴ Këël ge doo maa ki tøŋ ni kïth geni paac mør, geno wëëga näk ki tøŋ kunöce. Ni raŋŋa jïge ki waŋ mo raac ni patha waŋ mo beer.»

Amøc 9:4 Iomraidhean Croise

Wïlöölö 44:21

«Køøre ïïna köö jï laaŋe moï, ni ‹Kälu eni baŋa kany kiper nee eni jooda.›

2 Luup Nyeye 16:9

Kiper waŋ Wuuö Jwøk wïdö bäät piny bäre ni neeta gø kiper nee cïpe ki teek jï jø wø many eni ki cwïnyge bäre. 'Ba ïïni kiper mana tïïï ki gïn mo wïïï kärï caarø ki gø, ki mano täge ennø, ï bëëdö ni da lenye yïthakiyu ki jø møøk cooth.»

Bwøth Wøk 14:24

'Ba na tïme na köök gwïën, Wuuö Jwøk lwaa leny mar jø Ijep aneene ki yi pöölla näk liel kaamar maac ki wäär, ni kier wï lwaa leny mar jø Ijep.

Jeremaya 12:12

Jøøgø no raany paac yøø, kanyo öge, ge öö ki dï paap, ni ge cura bäät thuuri bëët moa leer, kiper beeye tøŋ mara, a na Wuuö Jwøk, no dïïrge wïth jiy ki gø, ki mano täge ka aŋuun paac maya këël aŋuunne maya, ni bäŋ dhaanhø aciel mo bëëdö ki bëët-mëër.

Jeremaya 21:10

Kiper a na Wuuö Jwøk, wïïa yaa nø këël ri päänyi ki man tïïa ki gïn mo leth dëëre, ni patha gïn mo beer. Päänyi en 'cïba cer nyeny Babiløn, ni ö eni ni waaŋ gø.›

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 39:12

ni «Lwør Jeremaya ni gwøgï gø, ni bäŋe gïn mo raac mo tïïyï dëëre; 'ba gïn wø manynye wär tïïyï jïre.»

Jeremaya 39:16

ni «Ciï ni caanï gø jï Ebet-Melek nyï Ithiöpia ni luumma caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, luup moa caana kiper pääny man 'käla bääte, ni beege gïï mo leth ni patha gïï mo beyø, ni gïïögø, dïcäŋo täkge yie, tägö ni nëënö jïrï.

Jeremaya 44:11

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, wïïa këëla rou ni tïïa dëëtu ki gïn mo leth naa thööra jø Juuda bëët.

Edhikiel 5:12

Dää thäk jiy moï geno thøw dïërï ki täw mo raac ki käc, ni ö dää thäk jiyï møga ni näk geni ko opëëllö ŋää kiir marï, ni keetha dää thäk jiyï møga yïth tuk piny, ni puta køørge ŋwiec døc ko opëëllö.

Edhikiel 5:2

'Ba kanyo thum nïne yie mo ciel Jerucalem dïër, dää thäk jïër wär waaŋï dï pääny. Ni lwørï dää thäk møøk ni ŋørï ge ko opëëllö deŋ pääny bäre. Ni ö thäk dääge moa no odööŋ ni kerï ge yi jamø. 'Ba aani, køørge ŋwiea ŋwieø ko opëëllö.

Ciik Kiper Dïlämme 17:10

« ‹Ni näk da ŋat dhi øt Icriel wala wëëllö mo path mo bëëdö dïge mo cämö ki remø, aani, a na Wuuö Jwøk, dëëtwa neenwa neenø ki ŋata cam remø enø, ni tïïa eni ni tøør yïthakic tuuŋge.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Amøc 9:8

'Ba ennø, a na Wuuö Jwøk, nyeŋŋa ena bäät paac man wø tïïc raay, ni raanynya gø na bäre bäre bäät piny. 'Ba nyïïkwaac Jeekap ba raanynya bëët.» Beeye Wuuö Jwøk ni cäänö enø.

Dhekaraya 8:10

Kiper kanya poot nïrögø, bäŋ tïïc mo di cunnö ki gwel kiper dhaanhø wala lääy; ni bäŋ dhaanhø mo duny yi paac wala mo dønynya wøk ki yi paac, kiper mana tïme ni bäŋ bëët-mëër kiper nyïïmän. Aani jiy bëët atïïa nee ŋati man nø døø ri nyawatge ki tïï gïn mo raac.