Amøc 9:15 - Wëël Jwøk

¹⁵ Tiet jiya okëëlla piny yïth ŋøøm moge, ni bäŋ ŋat mo daak ge këët yïth ŋøøm moge moa cïba jïge.» Gïnögø caana Wuuö Jwøki Jwøk maru.

Amøc 9:15 Iomraidhean Croise

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Jeremaya 16:15

'Ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ki yïth mïëri bëët moa riem geni yïthge,› kiper ge duua yi ŋöömö marge na cïba jï kwäcge.

Jeremaya 23:8

'ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ni duu geni ki mïëri bëët moa riem geni yïthge.› Køøre geno bëëdö yi ŋöömö marge.»

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 3:18

'Ba ki yïth nïröke jø Juuda odwäti ki jø Icriel, ni öge wøk na aciel ki yi ŋöömma en wï-piny, ni öge yi ŋöömma cïba jï kwäyu na man dööŋ jïge.

Jeremaya 32:15

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Uudi ki pwöth beel ki pwöth omøki ocäŋ ŋeewø yi ŋöömmi en.› »

Jeremaya 32:37

Ka adïëri møn, aani, jiya lema lemø yïth kwöra riema geni yïthge bëët kanya räny cwïnya ni wëëra ki geni ki wëër mo liel kaamar maac; ni duua geni kany en, ni bëëtge ni geno nikwak.

Jeremaya 32:41

Aani, a bëëdö ni yia met ki geni naa tïïya gïn mo beer jïge, ni këëlla tietge piny døøc yi ŋöömmi en, ni tïïa ki cwïnya bäre ki jwïëya bäre.

Jeremaya 33:7

Ni ö jø Juuda ki jø Icriel bëët ni dwøga bëëtö marge kare, ni cäŋa tietge këël piny ni teek kaawat mana bëëtge dïkwøŋ.

Edhikiel 34:28

Geni, ge ba twier wïth juurre këët, ni ge ba cam lääc paapi këët. 'Ba geno bëëdö ni geno gwøø ni bäŋ gïn wëëk geni lwär.

Edhikiel 37:21

ni kööï jïge ni man beeye luumma caan Kwäärö Wuuö Jwøki, ena köö, ni ‹Ka adïëri møn, aani, jø Icriel käla wøk ki dï wïth juurre kwöra näk geno aa yïthge. Ge cuuŋa cuuŋö ki yïth kwörögø bëët ni duua geni yi ŋöömö marge;

Edhikiel 37:25

Geno bëëdö yi ŋöömö mana cïba jï dhaanhnha ma Jeekap, ni beeye ŋöömma bëët kwäyu yie. Geni ko obwöre moge ki nyïïkwaacge geno bëëdö yi ŋöömö manøgø na bäre bäre, ni ö dhaanhnha ma Deebit ni put bëëte na bwödhi marge na bäre bäre.

Jool 3:20

'Ba Juuda tïmö ni beeye noo beet na bäre bäre, ni tïm Jerucalemmi na mar beenhnhe bëët mo oööi.

Mikiya 4:4

'Ba ŋati man nø otïmö ni bëëdö tier jaath omøk mare ki tier olaam mare ni yie met jaak, ni bäŋ ŋat mo wëëk geni lwär; kiper Wuuö Jwøk, eni na wïth jammi bëët, bee eni na caan luummögø ki dhee kiree.