Amøc 9:14 - Wëël Jwøk

¹⁴ Jiya ma jø Icriel moa näk omaa ri leny oduua poge, ni cäŋge wïth mïëri moa no oränynyö geerrø, ni bëëtge yïthge; ni piithge jer omøki, ni maathge kwøk gø; ni tïïge ka ajïniine ni camge nyïïjer gø.

Amøc 9:14 Iomraidhean Croise

Aydheea 60:4

Tïŋ wïïï maal ni lwïthï, jiy moï bëët rege acooŋge ni ge ööa baŋï; wäätï gena cäänhnhö ki kany mo bäär, ni nyïï di käärö ki tiet jööthi.

Aydheea 61:4

Køøre mïëri moa no oränynyö ya acääŋŋe odwøkge karge, ni ö japa no oniruuth piny no oränynyö ni tïŋge ge maal; ni ö päänye moa no oruuki na beet beenhnhe moa pöödhö ni cäŋge ge geerrø.

Aydheea 65:21

Geni, ge gëëdö ki uudi, ni bëëtge yïthge, ni pïïthge ki jer omøki, ni camge nyïïge.

Jeremaya 12:15

'Ba kanyo nø bëët juurre moøgø nø ni ge yaa cööt wøk, cwïnya ocäŋ pädhö kiperge, ni dwøga geni yïth ŋøøpge, ni jøøi nø døøa yi ŋöömö marge.

Jeremaya 16:15

'Ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ki yïth mïëri bëët moa riem geni yïthge,› kiper ge duua yi ŋöömö marge na cïba jï kwäcge.

Jeremaya 23:8

'ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ni duu geni ki mïëri bëët moa riem geni yïthge.› Køøre geno bëëdö yi ŋöömö marge.»

Jeremaya 24:6

Ni neeta geni ki waŋ mo beer, ni duua geni yi ŋöömmi en, ni tïïa geni ni teek, ni ba nyaaa geni piny këët. 'Ba tietge okëëlla piny, ni ba cööda geni wøk këët.

Jeremaya 29:14

Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Jeremaya 31:28

Kaa mana bëëda naa neeta geni ki man cööda geni wøk, ni nyaaa geni piny, ni raanynya geni, ni tïïa gïï mo leth dëëtge, aani, a na Wuuö Jwøk, ge cäŋa ka neetø, ni tïïa geni ni teek, ni këëlla tietge piny.

Jeremaya 31:5

Uuno cäŋ pïïdhö ko omøki bäät thuuri mo Cameria; ni jøw pïïdhö, nyïï gïïa piithge ocamge.

Jeremaya 32:15

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Uudi ki pwöth beel ki pwöth omøki ocäŋ ŋeewø yi ŋöömmi en.› »

Jeremaya 32:37

Ka adïëri møn, aani, jiya lema lemø yïth kwöra riema geni yïthge bëët kanya räny cwïnya ni wëëra ki geni ki wëër mo liel kaamar maac; ni duua geni kany en, ni bëëtge ni geno nikwak.

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Jeremaya 33:7

Ni ö jø Juuda ki jø Icriel bëët ni dwøga bëëtö marge kare, ni cäŋa tietge këël piny ni teek kaawat mana bëëtge dïkwøŋ.

Edhikiel 16:53

« ‹'Ba aani, bëëtö mar Cødam ki nyïïe ki bëëtö mar Cameria ki nyïïe dwøga kare, ni dwøga bëëtö marï kare thuwø ki geni ciel,

Edhikiel 28:26

Geni, ge bëëdö ni geno gwøø kaace, ni gëëtge ki uudi ni pïïthge ki jer omøki. Geni, ge bëëdö ni geno gwøø kanyo jääla jiy moa en deŋge ni wø cäänö ki gïï mo reyø dëëtge. Køøre nø putge ka ŋäc ni bee aani na Wuuö Jwøk, Jwøk marge.› »

Edhikiel 37:21

ni kööï jïge ni man beeye luumma caan Kwäärö Wuuö Jwøki, ena köö, ni ‹Ka adïëri møn, aani, jø Icriel käla wøk ki dï wïth juurre kwöra näk geno aa yïthge. Ge cuuŋa cuuŋö ki yïth kwörögø bëët ni duua geni yi ŋöömö marge;

Edhikiel 39:25

«Kiper manøgønø, man beeye luumma caan Kwäärö Wuuö Jwøki, ena köö, ni ‹Aani, nyïïkwaac Jeekap na mak ki tøŋ oduua, ni cïba cwïnya piny ki geni, ge na jø Icriel bëët, ni mara këëyö kiper nyeŋŋa na en kur keere.

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Jepaniya 1:13

Geni, jap kwärö moge otwier, ni dööŋ uudi moge ni bäŋ gïrpiny yïthge. Geno gëëdö ki uudi, 'ba ge ba bëëdö yïthge, ni pïïthge ko omøki, 'ba kwøk nyïïomøki ba maathge.»

Jepaniya 2:7

Ni put ŋöömmögø tïmö na mar jø dhi øt Juuda moa no odööŋ ni kwøw, ni tïme ni dïëk moge kwaacge yie. 'Ba wø tïme na abøøya, geno wäro ci yïth uut jø Ackelön kuna butge yïthge; kiper geno gwøk Wuuö Jwøki, Jwøk marge; ni ö eni na Wuuö Jwøk ni cäŋ bëëtö marge dwøk kare.