Amøc 9:11 - Wëël Jwøk

¹¹ «Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Amøc 9:11 Iomraidhean Croise

Jööp 1:10

?Aŋø, paa kiper na bëëde ni eni, ki jø paare, ki jap paare bëët iï koorø jïre? Japa tïïe ki cere bëët iï gwïëdhö jïre, ni put pïïth lääc paaci moe nyaay yi ŋööm paac bäre.

Aydheea 16:5

wälu okëël piny ni teek ki mëër; ni ö dïŋut luup mo tïïö na kare ni pï bääte, ni beeye ŋato ööi ki dhi øt Deebit, ni wø many ŋøl ma kare, ŋat wø laar luup ŋøl na adïëri.

Aydheea 5:5

'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 58:12

Jiy moo ööi ki rou, mïëri mo acääŋŋe moa no oränynyö odwøkge karge, ni ö kwöra no opädhö ri kiir mana no ojal ni tïŋge ge maal ni ge geera ge. Køøre u di cwølø ni jøøa cäŋ kiir mana no opädhö geerrø, na jøøa dwøk uutjïëthe ki uudi karge.»

Aydheea 63:11

Køøre geni, ge na jic Wuuö Jwøk, wïthge aparge ki nïne moa pöödhö mo Modhe, ni köge, na «?Age Wuuö Jwøk na tïïc jiye nee pööthge ki yi naama dwøŋ, ge ki dïbwödhi marge? ?Age eni na cïp Jwïëy moe na en kur keere bäätge?

Aydheea 65:9

'Ba aani, a kännö ki jiy ki røk nyïïkwaac Jeekap ki røk nyïïkwaac Juuda, nee ŋöömö mara na en bäät kïte nee cïba jïge na marge, nee ge na jiya na näk yaa jierø nee ge bëëtge yie, ni tïm kaace na kar bëëtö marge.

Jeremaya 18:9

Ni aani, ki nyi kany mo thiinh thuwø, løny jïra ki man cääna kiper wï jur ka akwöm nyeya ki man tïïa geni ni teek ni këëlla tietge piny.

Jeremaya 30:9

'Ba geno bëëdö ni ge tïnynya aani, a na Wuuö Jwøk, Jwøk marge, ki nyeya marge ma Deebit, ŋato thïïŋa jïge.

Jeremaya 46:26

Aani, ge 'cïba ceŋ jø wø many jwïëcge, ni beeye cer Nabukedenecör nyeny Babiløn, ki jø kööre moe. 'Ba køør manøce nø, Ijep obeet kaawat mana bëëde dïkwøŋ.» Luummögø caana Wuuö Jwøki.

Wëël Kïmmö 5:21

Wui Wuuö Jwøk, duu waani baŋï, nee wa døøwa karwa; dwøk bëëtö marwa kare ni caala mana dïkwøŋ.

Edhikiel 17:24

Kanyøgønø jenni bëët moa en yi pwöla oputge ŋäc ni bee aani na Wuuö Jwøk ni wø dwøk jaath mana bäär piny, ni wø tïïc jaath mo ciek nee piidhe ni bäär; ni wø tïïc jaath mo onigïït piny nee näre, ni wø tïïc jaath mo otal nee lødhe. Bee aani na Wuuö Jwøk na caan luummögø; puta ka tïïc nee thur kare.»

Edhikiel 36:11

Jiy ki lääc paac kwäänge omeeda yiï, ni wëëga ge nyöödö ni nyaacge ni thööth døc. Jiy owëëga bëëtö yiï kaawat mana bëëtge dïkwøŋ, ni tïïa bëëtö marge ni beer ni kaala mana dïkwøŋ. Køøre nø, oŋäyï ni bee aani na Wuuö Jwøk.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Obadiya 1:17

'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mikiya 7:11

U na jø Jerucalem, da nïne mo öö mo kiir maru geerru geerø, ni yïth nïne moøgø, nyeŋ kee mar ŋöömö maru nyiiga ŋäthge kuya.

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Mikiya 7:8

Wui nyïïmän mowa, kär yïthu mïnnö bäätwa, wa na jø Icriel! Këël wa doo pädhö, wa poot duua maal, ni këël wa doo bëëdö yi muudhö, Wuuö Jwøk poot bëëdö na tar marwa.

Dhekaraya 12:7

'Ba Wuuö Jwøk kwör bëëte mo jø Juuda kwøŋe ka piem dïkwøŋ, na ajiem mar dhi øt Deebit ka ajiem mar jø Jerucalem nee ba pöödhe ni kaala mar jø Juuda møga.

Dhekaraya 14:10

'Ba ŋööm paac bäre, ki mano täge Gëba këël Rimön na en jï løø tier-piny ki Jerucalem, otïmö ni ree päärö kaamar ŋööm Araba. 'Ba Jerucalem otïmö ni raŋa maal ni bëëdö kare, ki mano täge ki dhi kiir Benjamen këël buut dhi kiir mana dïkwøŋ na en jï løø dhi kiir mana en gøøt kiir, ki mano cäŋ tägö ki Øt Koor Mar Ananel këël kany wø nywøp køøŋ nyeya yie.

Dhekaraya 6:12

Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Kwään Jiy 24:18

Jø Ëdöm ni wø bëëdö Cëër, ni beege nyïïmän moe, odïïme ni tïmge ni ena cere; 'ba jø Icriel teek marge okadhi.