Amøc 9:10 - Wëël Jwøk

¹⁰ Jøøa näk jø raay bëët dëët jiya, othøw ri leny, jø wø köö, ni ‹Gïn mo raac ba pïï dëëtwa.›

Amøc 9:10 Iomraidhean Croise

Luup Dïpööy 8:11

'Ba kany wø bëëde ni luum ŋat mo otïïö ki gïï mo reyø kär laar ŋøl, cwïny jiy bëëdö ni päŋ ki man tïïge ki gïï mo reyø thuwø.

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 5:19

ni beege jø wø cäänö ni ge jaŋa Jwøk ni wø köö, ni «Beerra man ö Jwøki ni lääde, beerra man ö eni ni lac tïïc mare, nee neenø. Beerra man ö eni na Jwø Icriel na en kur keere ni laar tïïe moe wëëk thur karge nee ŋääø.»

Aydheea 56:12

Geni, røkge cøørge cøørø keerge ni ge köö, ni «Ööu, ö aa baŋ maath ki køøŋø, cøø mäthö døc ki køøŋø mo keec; diøø thuwø cäŋø ka tïïyö na ennønø, ni kaala mar dïcäŋi.»

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 29:32

Kiper manøgønø, mana ŋøla, a na Wuuö Jwøk, beeye ni Cemaya nyï Nëyëlam ki nyïïkwaaye bëët ge jääla jäälö; eni bäŋ nyikwaare mo bëëdö ni kwøw dï jiy moi, ni eni gïïö beyø noo tïïa kiper jiya ba neene ki waŋe, kiper jiy apwönynye nee gëëmge ki Wuuö Jwøk.› Luummögø caana Wuuö Jwøki.»

Edhikiel 20:38

Jiy mo wø tïïö ki raay ki jiy mo wø gëëmö ki aani daa daa buutu. Ge käla wøk yi ŋöömö man ni bëëtge yie en, 'ba ge ba døny yi ŋööm Icriel këët. Køøre nø ŋäyu ŋääö ni bee aani na Wuuö Jwøk.›

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Amøc 6:3

U wø köö ni dïcäŋa raac kare poot bäär, 'ba dïcäŋa raac nyïïu nyïïö, ni wëëgu pou päth ceŋ jiy mo tïïya gïï mo reyø dëët jiy.

Amøc 9:8

'Ba ennø, a na Wuuö Jwøk, nyeŋŋa ena bäät paac man wø tïïc raay, ni raanynya gø na bäre bäre bäät piny. 'Ba nyïïkwaac Jeekap ba raanynya bëët.» Beeye Wuuö Jwøk ni cäänö enø.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Dhekaraya 1:6

?Aŋø, luup 'moa ki ciik 'moa na köömma geni ki ge ki dhøk jiya ma nyïïkuk Jwøk kärge kwierø ni jïtge ka ajäla? 'Ba køøre raacge akøpge ni köge, ni ‹Wuuö Jwøk, eni na wïth jammi bëët, gïn atïïe dëëtø ki køør uutjïëthe 'moø ki japa reyø na tïïø, ni beeye tiere ni put gø tïïc møn kaawat mana cooŋ gø.› »

Milkiya 3:15

'Ba ennø, ki baŋwa jø atöör beege ni yïthge met. Jø wø tïïc gïï mo reyø tïmö ni kwärra geni, ni ö geni ni päänyge Jwøk ni bäŋ gïn mo tägi dëëtge.› »

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.