Amøc 8:5 - Wëël Jwøk

⁵ ni kööu ki cwïnynyu keeru, ni «?Cäŋ ajwöma mar dwääni na päär en opöödhe yi wäne, kiper nee wa døøwa baŋ gath ki beel? ?A cäŋ jwömö opöödhe yi wäne thuwø, kiper nee beel kïthwa kar ŋïëw, nee gïr røm tïïcwa ni thiinh, ni tïïcwa gäte ni teek, ni møtwa jiy ki rumi mo paa kare,

Amøc 8:5 Iomraidhean Croise

2 Nyeye 4:23

'Ba cwøre aköö, na «?Aŋø ni ciï baŋe dïcäŋi en? Kee paa kany wø päär dwääyi yie dïcäŋi wala cäŋ jwömö.» 'Ba ena köö, ni «Bäŋ gïre.»

Bwøth Wøk 31:13

«'Ba ïïni, wär caanï jï jø Icriel, ni kööï, ni ‹Kiper naa ŋäyu ni beeye aani na Wuuö Jwøk na cïp uuni kur keeru, ka adïëri møn, gwøgu nïr jwöm 'moa; ni manøgø beeye nyuudhi mano bëëdö yïthakiyø ki uuni këël beenhnhe mou bëët mo ööi.

Pwöc Leec Wïc 11:1

Wuuö Jwøk yie raac ki rumi mar møt, 'ba yie wø met ka rumi ma kare.

Pwöc Leec Wïc 16:11

Rumi ma adïëri ena baŋ Wuuö Jwøk, këël jap røm bëët mo wø tïï jiyi ki ge.

Pwöc Leec Wïc 20:23

Gïï røm ma teeŋi, Wuuö Jwøk yie raac ki ge, ni rumi mo mudö ba beer.

Aydheea 1:13

Muuce mou moø ni bäŋ tietge yøø kär cïpu këët! Gïï wø jïcge ŋwääi ni met mou, yia raac ki ge døc. Wödö man wø wøørru cäŋ man wø päär dwääyi yie, ki wøør cäŋ jwömö, ka acooŋe mo wø cwøllu, a ba jïëy ki ge; kiper acook lam mo wø tïïyu, tïïyu ni bëëtö maru patha kare.

Aydheea 58:13

«Ni näk mo dëëtu mänu mänö ki man tïïyu jap wø mïn yïthu ki ge yi cäŋ jwömö mara na en kur keere, ni cwøllu gø na cäŋ met ec na cäŋa en kur keere na näk owøørø na mara, a na Wuuö Jwøk, ni wøørru gø nou ba cäädhi ka jöö maru keeru, nou ba tïïc jap wø mïn yïthu ki ge keerge, nou ba cäänö ki luup mo oballe,

Odheea 12:7

ŋat gath man wø rumö ki gïr røm mo patha kare, yie met ki møt jiy.

Odheea 12:8

Jø tuuŋ Ipariem ge töödö ni ge köö, ni «Waana jiy mo okwär; waana jïtö ki jammi kiper dëëtwa. 'Ba jammi bëët moa jootwa ki køør öölö marwa, bäŋ gïn mo nyoothge bäätwa ni waana jø raay.»

Ciik Kiper Dïlämme 19:36

Jap røm mou wär bëëtge ni tiir, nee beeye mëëjaan wala iipa wala in. Beeye aani na Wuuö Jwøk, Jwøk maru, na käl uuni wøk ki yi ŋööm Ijep.

Dhekaraya 5:6

Køøre aana pëëö, ni «?Gïnögø aŋøøni?» Ni kööe, ni «Gïnögø beeye oröögö mar røm.» Ni cäŋ köö, «Ni gïnögø beeye raay mo jø bäät piny bäre.»

Dhekaraya 5:8

Ni kö nyïïatwiel maal manøgø jïra, ni «Dhaaŋŋøgø beeye nyuudhi mar rääö.» Køøre eni dhaaŋŋøgø aput thiel piny yo orööŋŋögø ni put wï oröögö na näk otïïö ki nywïënyö ma eracaac cïëk bäät gø.

Milkiya 1:13

Ni kööu, ni ‹Tïïc man duua öölö jaak,› ni ŋøllu gø ki laaw.» Gïnögø caana Wuuö Jwøki, eni na wïth jammi bëët. Ni cäŋ köö, na «?Aŋø, kany wø kännu ki lääy mo lwørru ka teek ceŋ jiy, wala lääy ma ŋööte wala mo tuu, ni cïpu geni no olämme, you caarø ni daa jïëö baŋu?

Kwään Jiy 10:10

Kany wäro tïme na cääŋŋe mo met ec mou, ni beege nïr ajwöm moa no ocaanø jïïu, ki nïr wø päär dwääyi yïthge cooth, tuŋi dou koodhø bäät olämme mou mo wø waaŋ bäre, ki bäät olämme mo wø duunni ki mëër; nee tuŋi moøgø tïmge na gïï parru wïthu ki ge nyïm Jwøu. Beeye a na Wuuö Jwøk na näk Jwøu.»

Köløcia 2:16

Kiper manøgønø, kär dee ŋat ŋøl maru piny kiper gïï wø cammu wala gïï wø maathu, wala kiper ajwöm-cam, wala kiper cäŋ man wø päär dwääy, wala cäŋ jwömö mar Jwøk.

1 Camiel 20:5

Kanyøgønø, Deebit aköö jï Jönathan, ni «Neenï, diøø beeye kany wø päär dwääyi, ni beeye kany wø pïwa piny nee wa cämwa ki nyeya na aciel. 'Ba ennø, akwaya ïïni naa aa nee raa kana yi pwöla këël mano tïme na dää nïne ki wäär.