Amøc 8:3 - Wëël Jwøk

³ «Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Amøc 8:3 Iomraidhean Croise

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Jeremaya 22:18

Kiper manøgønø, mana caan Wuuö Jwøki kiper Jeyöakëm o Jöcaya nyeny Juuda beeye en, ena köö, ni «Jiy ba doo jwöŋö kipere kanyo thøøe, ni ge köö yïthakicge keerge, ni ‹Wui coka! Wui coka!› Ni jiy ba doo jwöŋö kipere, ni ‹Wui nyenywa öy! Wui nyenywa, ï na nyeny ajiem marwa!›

Wëël Kïmmö 2:10

Jäle mo Dhayan gena pï piny yïth ŋøøm jaak ni geno nikïïl. Geni bur ajørge wïthge, ni røøge keece dëëtge na abïïe. Nyïïakuue mo Jerucalem ge bëëdö ni cøŋge ege këël piny ni wïthge ege këël yïth ŋøøm.

Jool 1:11

Wui jø puur, wïthu lääge. Wui jø wø piith omøki, gööu ko oduuru, ni kïmmu kiper beel mou, ni beege cïndë ki gäbci, kiper caammi mo pwöth aränynyö.

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Jool 1:5

U na jø meerø ii, päyu ni jwöŋu; gööu ko oduuru u bëët, u na dïmäth kwøŋ, kiper køøŋŋa ŋweeth aniŋul dhøgu.

Ciik Kiper Dïlämme 10:3

Ni put Modhe köö jï Aran, ni «Manøgø beeye gïna caan Wuuö Jwøki na kööe, «ni ‹Jiy mo wø nyänh buuta naa tïnyge, a wär raŋge naa ena kur keera, naa bëëdö naa di wøørø nyïm jiy bëët.› » 'Ba Aran alïŋö jaak.

Amøc 4:10

«Teeŋ täw mana jääŋŋa bäät jø Ijep ajääŋŋa bäätu thuwø. Wøpe mou awëëga näk ri leny, ni ö okwëënyi mou ni maai. ŋwääny dëët jiy moa thøw twïër maru adwøga wïthu; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 5:16

Ki køør gïïa tïïyu bëët, kwäärö Wuuö Jwøk, eni na wïth jammi bëët, aköö na ennø, «Dï paac otïmö ni da oduuru ni jiy jwöŋö ni ‹Wui wui›. Ni ö jø puurri ni cwøli kuna jwöŋge, ni ö jø wø ŋäc jwøk thøø ni cwøli baŋ gøøy oduuru;

Amøc 5:23

Käru lweelli ki dudi mou buuta; ïtha ba ciia ki dööt thøme mou.

Amøc 6:4

Otïmö ni raac jïïu, uuni ni wø buut bäät pëëmme mo oŋwagø ki lak lïëy, nou ŋeella dëëtu kwör niine mou; uuni ni wø cämö ki nyïïdïëk ki nyïïrøøe moa näk olør.

Amøc 6:5

Uuni ni wø cäŋ dëëtu ki dudi kaamar Deebit, ni wärru geni ki thøme.

Amøc 6:8

Wuuö Jwøk, eni na wïth jammi bëët, akööŋ dëëre keere ni kööe, na «A män ka atöör mar jic Jeekap, ni yia raac ki uudi moge na teek; kiper manøgø nø, pääny marge ki gïïa en yie bëët ocïba ceŋ nyïïmän moge.»

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Neeyam 3:3

Jø leny mo bäät okwëënyi ge läännö ni ge rwøya okwëënyi; no opëëlle namal, ni tøøŋi nagaaŋ. Lwaa dhaanhø mo päl di nääö, ni bëët dëëtge na athwöe piny, ni kwään dëët jiy ba thum, ni jiy moo cør kaace, tietge di cwanynyø dëëtge.

Jepaniya 1:7

Bëëdu nou lïŋö nyïm Kwäärö Wuuö Jwøk! Kiper cäŋ Wuuö Jwøk kare acäännö. Kiper Wuuö Jwøk ree ee nø jiiŋŋø ki man 'näk jiy kaawat man wø 'näk lääy mo wø cïp no olämme, ni jøøa näk ee cwølø kiper 'näk manøgø ee nø jiiŋŋø.