Amøc 8:14 - Wëël Jwøk

¹⁴ Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»

Amøc 8:14 Iomraidhean Croise

1 Nyeye 12:32

Ni ö Jeröbämmi ni cïp piny ki dïcäŋ ajwöma mo di wøørø ni nïr dwää abära apaar kurbïïc, kaawat dïcäŋ ajwöma man wø wøør jø Juuda. Ni ö eni ni cïpe ko olämme bäät gïn wø cïp olämme bääte Bëthël jï nyïïrøøe moa näk ee tïïö. Ni cïp Bëthël ki dïlämme yïth uut lam moa näk ee geer bäät thuuri.

1 Nyeye 14:16

'Ba Wuuö Jwøk jø Icriel kwiere kwierø kiper gïïa reyø na tïïc Jeröbämmi na wëëk jø Icriel tïïc ki raay.»

1 Nyeye 16:24

Køøre thuur Cameria aŋee baŋ Cëmër ki gwet-bïrö mo jïtö ki kar kume abïciel; ni gëëde bäät gø ki pääny, ni cak nyeŋ gø ni Cameria, ni caae ri nyeŋ Cëmër wää thuurri manøgø.

2 Nyeye 10:29

'Ba Jiyu raay moa tïïc Jeröbämmi o Nebat na wëëk jø Icriel tïïc ki raay käre wiiø, ni beeye mana bëëde ni jiy lama nyïïrøøe moa no otïïö ki warkey na en Bëthël ki Daan.

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Pwöc Leec Wïc 24:16

kiper ŋata mare beer këël doo pädhö kwöre abïriiø, eni wø cäŋa duu maal, 'ba ŋata raac wø puta pädhö na bäre bäre yïth gïï wø leth ni wø pïï bääte.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Aydheea 24:20

Ni tïm pinynyi ni bøømmø kaamar dhaanhø mo omeer, ni tïme ni jäŋŋi kaamar abïla, kiper raay moe na peek bääte, ni pädhe ni ba løny ki ööny maal këët.

Aydheea 43:17

na tïïc jïëth okwëënyi mo leny, ko okwëënyi, ki jø leny ko otëëk leny nee öge; 'ba geni, gena put päänhnhö ni ge kär duu maal këët, ni putge thøø kaamar maac mo obïbö;

Jeremaya 25:27

Ni kö Wuuö Jwøki jïra, ni «Caanï jïge, ni ‹Luumma caan Wuuö Jwøki, Jwø Icriel, eni na wïth jammi bëët, beeye en: Mäthu ni meerru, ni ŋwøgu, ni päänhnhu, ni ba duu maal këët, ki køør mäny mano jääŋŋa baŋu.›

Jeremaya 51:64

ni kööï, ni ‹Babiløn odøny piny kaamar wëëlö manøgø na nilïŋ enø, ni ö eni ni ba duu maal këët, ki køør gïïo leth moo kïtha bääte.› » Man beeye aŋuun luup Jeremaya.

Odheea 10:5

Jø Cameria lwäyö kiper gïno tägi dëër gïna no otïïö na nyirøøa mar Bëëth-Awëën. Ka adïëri møn, jiye kïmmö kipere, ni ö dïlämme mo kït gïï wø lam ni gööge ko oduuru bääte kiper mano lwør ajiem mare baŋge noo kïthi paac mør.

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Odheea 13:2

'Ba ennø, jø dhi øt Ipariem raay atïmö ni meetge bäätge; geni, ge tïïö ki kït gïï wø lam kiper dëëtge, ni tïïcge ka gwel-bïrö, ni tïïya rëëmmö ki jöör riek waŋ. Ni ö luubö man ni caani kiperge na ennø nø, ni «Geni, ge jëëtö ki dhaanhø man cïp olämme, ni nuumge kït gïï wø lam moøgø na no otïïö ni caala nyïïrøøe.»

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Amøc 5:1

U na dhi øt Icriel, wïnynyu jwøk thøø man jwøa bäätu en,

Amøc 5:2

«Dhi øt Icriel na caal nyakøø aränynyö, ni ba ö maal këët. Ena put dööŋö yïth ŋøøm moe kaace, ni bäŋ ŋat mo tïŋ gø maal.»

Amøc 5:5

'ba kär näk mou manynya Bëthël, ni ba cou Gëlgela, ni ba pööthu Bëërcïïba; kiper Gëlgela omak ki tøŋ, ni ö Bëthëlli ni tïme ni bäŋ kare.»

Mikiya 1:5

Gïïögø bëët tägö kiper bääyö mar nyïïkwaac Jeekap, ni täkge kiper raay moa tïïcge, ge na jø Icriel. ?Aŋø, bääyö mar nyïïkwaac Jeekap ba täga Cameria? ?A kwör lam moa en bäät thuuri po jø Juuda, ba täga Jerucalem?

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Moa Tïïc Nyïïatwieli 18:25

ni eno pwönynyö ki jöör Wuuö. 'Ba kiper na en cwïnye køør gø, eni wø cäänö ni pöö ka luum Jecu døøc na karge, këël na ŋäc lwøk mar Jøøn keere na nyuudhi.

Moa Tïïc Nyïïatwieli 19:23

'Ba yïth nïrögø luubö mo ba thiinh atägö kiper Jöör Lam mar Jecu.

Moa Tïïc Nyïïatwieli 19:9

'Ba na tïm jø møøki ni wïthge teek ni ge kär jïëy, ni ge cäänö ki luup mo reyø kiper Jöör Lam mar Jecu nyïm acooŋa, Pøøl ree adaae dïge, ni cwöl bääŋi køøre. Ni tïme ni pïëmö yi øt pwöc mar Tirana cooth.

Moa Tïïc Nyïïatwieli 24:14

'Ba mano jïëa jïrï beeye ni a wø lämö ki Jwøk mar kwäcwa ki Jöör Lam man wø cwølge ni teeŋ lam mør, ni aano jïëy ki jammi bëët moa näk ocaanø ri ciik Jwøk ki moa näk ogöörö yïth weet nyïïkuk Jwøk.

Moa Tïïc Nyïïatwieli 9:2

ni pëëny gø ki weeli kiper uut acook lam moa en Damacka, kiper noo näk mo eni jïtö ki jiy mo ena ri Jöör Lam mar Jecu, nee cwøw wala mään, nee ge käl yi Jerucalem ni geno twöö.

Tiet Ciik 33:11

Wui Wuuö Jwøk, gwïëth jap jø tuuŋ Libay bëët, ni mïn yiï ki tïïe bëët mo wø tïïcge ki ceŋge. Beerra man raanynyï teek mar jø wø many leny ki geni, këël jø wø män ki geni, kiper nee ba lønye jïge ki man cäŋge ö maal baŋ leny këët.»

Tiet Ciik 9:21

Køøre gïna raac na näk caala nyirøøa, na tïïyu kiper nee lammu, alwøra ni waaŋa gø ki maac, ni tøøa gø, ni puta gø guur na ŋiidhi këël mana tïme na tør, ni leeŋa tør mare yi naam mana löönynyö ki bäät kïdi.