Amøc 8:10 - Wëël Jwøk

¹⁰ Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Amøc 8:10 Iomraidhean Croise

Wïlöölö 21:16

Køøre ena aay ni pï piny kany mo bäär mëëth mo bäye caala cuŋ atheerø mo othöörö, kiper mana kööe, ni «Beerra man thøw nyilaalli manøgø ni ba nëëni jïra.» 'Ba na pï piny kaace ni dïët ki nyilaal, ena tägö ki man gööe ko oduuru.

Jööp 20:23

'Ba kanyo en bäät cam ni cämö nee jääŋe, Jwøk wëëye owëëk lwör bäät gø kaamar køth ni eni ena bäät cam.

Jööp 3:5

Beerra man mayi ya muudhö ki lwøc mo cøl; beerra man rïëpi ya pöölö; beerra man ö dïcäŋögø ni wëëgi ya muunhnhögø lwär.

Jööp 30:31

Kiper manøgønø, thoom mara dwøl mare aniida baŋ dwør kïmmö, ni ö dwør opelø mara ni wiila gø baŋ dwør oduuru.»

Aydheea 3:24

Ni ö mädhi moa wara wïïrge ni ŋwääö ni met ni wiilge rege ni ŋwääö no okwäk, ni ö käär kaae ni wiil ree baŋ käär thøøli, ni ö jïër moge na beyø ni tïmge na jïër mo øya piny, ni ö käär abïïe moa beyø ni wiil ree baŋ käär keece, ni ö dëëtge na mïërö na pøøth ni tïmge ni da pööc mäc.

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 48:37

Kiper jiy bëët obëëdö ni wïthge ogwäär wøk, ni jïëc tïkge olielø, ni ceŋge oŋarø ki gïï mo beth, ni keece ege kïth dëëtge na abïïe.

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Wëël Kïmmö 5:15

Met cwïny marwa aränynyö, ni ö meeŋŋi marwa ni løø ree baŋ kïmmö.

Edhikiel 7:18

Geni, keece orøcge na abïïe ni bëët dëëtge ni kwanynyi ki lwär; wïthge otïmö ni laay bëët, ni ö wïthge ni gwääri wøk bëët.

Edhikiel 7:2

ni «Wär dhaanhø, luumma caan Kwäärö Wuuö Jwøki kiper ŋööm Icriel bee en, ena köö, ni ‹Man beeye aŋuudi! Aŋuun nïne aö bäät wïth tuk piny karge ŋweeri mo ŋööm Icriel.

Odheea 2:11

Aani thuwø ajwöm moe bëët mo wø wøøre ŋøla ŋølø, ni beege ajwöm moe mo wø wøøre ki yi cwiir, ki wödö mare man wø wøør päär mar dwääy ki gø, ki man wø wøør cääŋŋe mo jwöm, ka ajwöm moe møga bëët moa no ocïp piny nee wø wøør.

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Jool 1:8

Uuni, jwöŋu kaamar nyakøø mo keeca ee røø dëëre, mo jwøga cwøre mo poot na muda.

Ciik Kiper Dïlämme 13:40

«'Ba ni näk dhaanhø ma dïcwøø jïëc lool wïïe oøøc piny ni tal wïïe, teeŋ ŋatøgø waany.

Amøc 5:21

Wuuö Jwøk aköö, na «A män ka ajwöm mo wø tïïyu kipera, ni kwiera geni; acooŋi mo lam mou ba känni ki met ec jïra.

Amøc 5:23

Käru lweelli ki dudi mou buuta; ïtha ba ciia ki dööt thøme mou.

Amøc 8:3

«Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Tiet Ciik 16:14

Ni mïn yïthu ka ajwömmögø, ni beege uuni ki wäätu, ki nyïïu, ki jø tïïc mou moa näk cwøw ki moa näk mään, ki jø tuuŋ Libay, ki wëëlle moa path, ki kïïe, ki määr thuunhnhi mo wø bëëdö ka uuni.