Amøc 7:9 - Wëël Jwøk

⁹ Kwör lam mo nyïïkwaac Aydhak na en bäät thuuri oränynyi, ni ö uut lammi mo jø Icriel ni nyaai piny, ni öa maal ni raanynya dhi øt nyeya ma Jeröbäm ki leny.»

Amøc 7:9 Iomraidhean Croise

Wïlöölö 46:1

Køøre Icriel atïŋŋö ni aae ki gïïa en jïre bëët; ni ö yi Bëërcïïba ni cïpe ko olämme jï Jwø wänni ma Aydhak.

2 Nyeye 14:24

'Ba Jeröbäm abëëdö ni tïïya gïï mo nëëni ni reyø ki jï Wuuö Jwøk, ni bëëde ni raay bëët moa tïïc Jeröbämmi o Nebat, na wëëk jø Icriel tïïc ki raay, ba wiie.

Aydheea 63:18

Kiper kar bëëtö marï na en kur keere abëëdö ni ena ceŋ jiyï na en kur keere ki kany mo thiinh, 'ba ennø, nyïïmänwa aöö ni raanyge gø, ni nyørge gø ki tietge.

Jeremaya 51:51

«U wø köö, ni ‹Wïthwa alääö kiper ajøøŋ man wø wïnywa, ni tïm nyeŋwa ni law, kiper jiy mo path adøny kwöra en kur keerge yi Øt Wuuö Jwøk.›

Edhikiel 6:3

ni kööï, ‹Wui, u na kïte mo Icriel, wïnynyu dwør Kwäärö Wuuö Jwøk! Luumma caan Kwäärö Wuuö Jwøki jïïu, u na kïte, ki thuuri, ka agäp-kïte, ki gøli, bee en, ena köö: Ni ka adïëri møn, aani ki dëëra, a ööa baŋu ko opëëllö, ni jääla uuni, ni raanynya kwör lam mou moa en bäät thuuri.

Odheea 10:8

Kwör lam moa en bäät thuuri mo Awën, na näk bee kwör wø tïï jø Icrielli yïthge ki raay, di raanynyø. Koodhi ko otwel tuy yïthge ni uumge gïï wø cïp olämme moge bäätge. Køøre nø, ge köö jï kïte, ni «Rïëpu wa!» Ni köge jï thuuri, ni «Buŋŋu wa!»

Amøc 3:14

Kiper dïcäŋo ööa ni jääla jø Icriel kiper gïïa bacge, gïï wø waaŋ olämme bäätge moa en Bëthël oraanynya, ni ö tuk gïï wø waaŋ olämme bäätge ni ŋøri ni päthge piny yïth ŋøøm.

Amøc 5:5

'ba kär näk mou manynya Bëthël, ni ba cou Gëlgela, ni ba pööthu Bëërcïïba; kiper Gëlgela omak ki tøŋ, ni ö Bëthëlli ni tïme ni bäŋ kare.»

Amøc 7:11

Kiper Amøc aköö, «ni ‹Jeröbäm di nääö ri leny, ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Amøc 7:13

'Ba kär luum Jwøk køpï këët Bëthël kany, kiper beeye kar lam mar nyeya, ni näk øt lam thuwø mar paac bäre.»

Amøc 8:14

Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»

Amøc 9:1

Kwäärö Wuuö Jwøk ajooda ni cuŋŋö buut gïn wø cïp olämme bääte, ni kööe, ni «Gøøc were mo øt lam këël mano tïm dëër øtø ni jäŋŋi, ni tøc were ni päthge wïth jiy; køøre jiy moo dööŋ nääa nääö ri leny, ni bäŋe ŋat mo reŋi rege, ni bäŋ dhaanhø aciel mo bøth dëëtge.

Mikiya 1:5

Gïïögø bëët tägö kiper bääyö mar nyïïkwaac Jeekap, ni täkge kiper raay moa tïïcge, ge na jø Icriel. ?Aŋø, bääyö mar nyïïkwaac Jeekap ba täga Cameria? ?A kwör lam moa en bäät thuuri po jø Juuda, ba täga Jerucalem?