Amøc 7:8 - Wëël Jwøk

⁸ Ni kö Wuuö Jwøki jïra, ni «?Amøc, agïnaŋø ni nëëni jïrï enø?» Ni kööa, ni «Beeye thøøl man wø nyooth thïïŋ gïrpiny.» Køøre Wuuö Jwøk aköö, ni «Bëët jiya ma jø Icriel orøma keda man wø røm dëër øtø ki thøøl man wø nyooth thïïŋ gïrpiny. Køøre nø, ge ba wiia këët.

Amøc 7:8 Iomraidhean Croise

2 Nyeye 21:13

Aani jø Jerucalem jääla jäälö ni tïïa ki gïn mo leth dëëtge kaawat mana tïïa dëët jø Cameria ki jø dhi øt Akap, ni cweera Jerucalem døøc kaawat man wø ö dhaanhnhe ni wø cweer athaa, ni rïëp gø piny.

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 34:11

'Ba poge oput dööŋŋe jï olwedhe ki thëëwe, ni tïme na kar bëëtö mar tule ka agääe; ni ö Wuuö Jwøki ni put gø wëëk ränynyö, ni dööŋe na ŋöömö mo bäŋ gïrpiny yie.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Wëël Kïmmö 2:8

Aŋøl Wuuö Jwøki ki man nyaa kiir Dhayan piny. Eni paac arøme, ni røm dhi cere, ni käre cere dwøk ŋääe këët ki man raany gø. Eni kiiri atïïe ni kïmmö, ni ränyge bëët.

Odheea 1:6

Køøre Gömër yie acäŋ jïtö ki dhaanhø ni lwaare ki gø na nyakøø. Køøre Wuuö Jwøk aköö jï Odheea, ni «Cak nyeŋŋe ni Lö-ruama, kiper aani bäŋ bäth ec mo nyoodha nyoodhø jï dhi øt Icriel këët, ni ge ba wëënna këët.

Amøc 7:7

Køøre gïn acäŋ nyoothø jïra ki yi wïïa; Wuuö Jwøk ajooda ni cuŋŋö buut dëër øtø mo ogeerø ni thïïŋ, ni cere da thøøl mo nyootha thïïŋ gïrpiny.

Amøc 8:2

Ni kööe, ni «?Amøc, agïnaŋø ni nëëni jïrï enø?» Ni kööa, ni «Beeye gupa mo päŋ ki nyïïjenni moo ciek.» Køøre Wuuö Jwøk aköö jïra, «Aŋuun nïr jiya ma jø Icriel apäŋ kaamar nïr nyïïjenni mo ociek. Ennø, ge ba wiia këët.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Dhekaraya 4:10

«?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

Dhekaraya 4:2

Ni pëëny aani ni kööe, na «?Agïnaŋø ni neetï enø?» Ni løøa gø jïre, na «A neeta gïn wø cuŋ lambae bääte mo otïïö ki warkey, ki mäc abïriiø mo liel wïïe, ni wïïe da wïl maaw ki gïï ma abïriiø mo wø jääŋ maaw baŋ mäc moa liel.

Dhekaraya 5:2

Ni kö nyïïatwiel maalli jïra, na «Agïnaŋø ni neetï en?» Ni løøa gø, na «A neeta pïën mo määdö, mo bär mare gööye ma pïërariiø, ni dööŋ yie gööye apaar.»